ଯାଜପୁର: କ୍ରସରରେ କାମ କରୁଥିବାବେଳେ ଶ୍ରମିକଙ୍କ ମୃତ୍ୟୁ ହୋଇଛି । ଯାଜପୁର ଜିଲ୍ଲା ଜେନାପୁର ଥାନା ଅନ୍ତର୍ଗତ ରହାଡପୁର ନିକଟରେ ଏକ କ୍ରସର୍ ରେ କାମ କରୁଥିବା ବେଳେ ଜଣେ ଶ୍ରମିକଙ୍କ ମୁତ୍ୟୁ ଘଟିଛି । ରହାଡପୁରରେ ଥିବା ଶିବଶକ୍ତି ମେଗା କ୍ରସରରେ ଆଜି ସକାଳୁ ଶ୍ରମିକ କାମ କରୁଥିବା ବେଳେ ଅସାବଧାନତା ବସତଃ ବେଲ୍ଟରେ ଚାପି ହୋଇ ଘଟଣାସ୍ଥଳରେ ମୃତ୍ୟୁ ଘଟିଛି ।
ତେବେ ଏହି ଦୁର୍ଘଟଣାରେ ଆଉ ଜଣେ ଶ୍ରମିକର ମୃତ୍ୟୁ କୁହାଯାଉଥିବା ବେଳେ ତାହା ସ୍ପଷ୍ଟ ହୋଇ ପାରି ନାହିଁ । ଘଟଣାସ୍ଥଳରେ ସ୍ଥାନୀୟ ଲୋକେ ବାଡ ପକାଇ ମୃତ ଦେହକୁ ଅଟକ ରଖି ସମ୍ପାରୁ ନିକଟରେ ରାସ୍ତା ରୋକ କରିଥିବାବେଳେ ଘଟଣା ସ୍ଥଳରେ ବଡ଼ଚଣା, ଧର୍ମଶାଳା, ଜେନାପୁର ଥାନାର ଅଧିକାରୀମାନେ ଉପସ୍ଥିତ ଅଛନ୍ତି । ସେପଟେ ଦୁର୍ଘଟଣା ପରେ ଚାପା ଉତ୍ତେଜନା ଲାଗି ରହିଛି । ମୃତକଙ୍କ ପରିବାରକୁ 50 ଲକ୍ଷ ଟଙ୍କା କ୍ଷତିପୂରଣ ଦାବି କରାଯାଇଛି ।
ଆହୁରି ପଢନ୍ତୁ ଓଡିଶା ଖବର...