ଭଦ୍ରକ: ବାସୁଦେବପୁର ଥାନା କଳଘର ଛକ ନିକଟରେ ପୋଲିସ ପେଟ୍ରୋଲିଂ ସମୟରେ ଚଢ଼ାଉ କରି ବିପୁଳ ପରିମାଣରେ ଗଂଜେଇ ଜବତ ସହିତ ନଗଦ 66ହଜାର 940 ଟଙ୍କା ଓ 2ଜଣକୁ ଗିରଫ କଲା ବାସୁଦେବପୁର ପୋଲିସ ।
ଏ ନେଇ ଆଜି ବାସୁଦେବପୁର ଥାନା ପରିସରରେ ଆୟୋଜିତ ସାମ୍ବାଦିକ ସମିଳନୀ ମାଧ୍ୟମରେ ସୂଚନା ଦେଲା ପୋଲିସ । ଗିରଫ 2 ଜଣ ବ୍ୟକ୍ତି ହେଲେ ସୁଦର୍ଶନପୁର ଅଂଚଳର ଅମରେଶ ଚନ୍ଦ୍ର ବେହେରା ଓ ଅନ୍ୟ ଜଣେ ଚିରୋଳ ଅଂଚଳର ଦୟାନିଧି ଗୋଛାଏତ । ଗତ କାଲି ରାତିରେ ପୋଲିସ ପେଟ୍ରୋଲିଂ କରୁଥିବା ସମୟରେ ଗଂଜେଇ ଦେବାକୁ ଅପେକ୍ଷା କରିଥିବା ଏହି 2 ଜଣ ବେପାରୀ ପୋଲିସ ହାବୁଡ଼ରେ ଧରା ପଡ଼ିଥିଲେ । ଏବଂ ତାଙ୍କ ଠାରୁ ପୋଲିସ 3କିଲୋ 670ଗ୍ରାମ ଗଂଜେଇ ଜବତ କରିଥିଲା ଓ 2 ଜଣକୁ ଗିରଫ କରିଥିଲା । ଏଥିରେ ସମ୍ପୃକ୍ତ ଅନ୍ୟ ମାନେ ଫେରାର ହେଇଯାଇଥିବା ଜଣାପଡିଛି । ଏ ନେଇ ଆଜି ସାମ୍ବାଦିକ ସମିଳନୀ ମାଧ୍ୟମରେ ସୂଚନା ଦେଇଛି ପୋଲିସ ।
ଅଧିକ ପଢନ୍ତୁ ଓଡ଼ିଶା ଖବର