ଅର୍ଗସ ବ୍ୟୁରୋ : ସାଧାରଣ ନିର୍ବାଚନକୁ ନେଇ ସାରା ଦେଶରେ ସୂର୍ଯ୍ୟଙ୍କ ତାତି ସହ ତାଳ ଦେଇ ବଢିବାରେ ଲାଗିଛି ନିର୍ବାଚନୀ ତାତି । ଆଜି ଭର୍ଚୁଆଲ ରାଲିକୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଉତ୍ତର ପ୍ରଦେଶରେ ତୃତୀୟ ପର୍ଯ୍ୟାୟରେ ଭୋଟ୍ ହେବାକୁ ଥିବା ୧୦ଟି ଲୋକସଭା ଆସନର ସମସ୍ତ ୨୨ ହଜାର ୬୪୮ ବୁଥରେ ନମୋ ଆପ୍ ଜରିଆରେ ଦଳୀୟ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରିଛନ୍ତି ।
ଏହି ଅବସରରେ କିଛି ବୁଥର ସଭାପତିଙ୍କ ସହ ମଧ୍ୟ କଥା ହେବେ ପ୍ରଧାନମନ୍ତ୍ରୀ । ୟୁପିରେ ତୃତୀୟ ପର୍ଯ୍ୟାୟରେ ସମ୍ଭଲ, ବଦାୟୁଁ, ବରେଲି, ଅଂବାଲା, ଏଟା, ହାଥରସ୍, ଆଗ୍ରା, ଫରେପୁର ସିକ୍ରି, ଫିରୋଜାବାଦ୍ ଓ ଫତେପୁର ସିକ୍ରୀରେ ଭୋଟ୍ ଗ୍ରହଣ ହେବ । ଏହି ସମସ୍ତ ଲୋକସଭା ଆସନରେ ଆଜି ଦିନ ଗୋଟାରେ ନମୋ ଆପ୍ ଜରିଆରେ ସମ୍ଭୋଧନ କରିଛନ୍ତି ପ୍ରଧାନମନ୍ତ୍ରୀ । ମେ ୭ରେ ଏହି ଆସନଗୁଡ଼ିକରେ ଭୋଟ୍ ଗ୍ରହଣ ହେବ ।
ଆହୁରି ପଢନ୍ତୁ ରାଜନୀତି ଖବର...
ସେପଟେ ଆଜି କଂଗ୍ରେସ ନେତା ରାହୁଲ ଗାନ୍ଧି କେରଳର ୱାଏନାଡ ଆସନରୁ ଆଜି ନାମାଙ୍କନ ଦାଖଲ କରିଛନ୍ତି । ଏହି ଆସନରେ ଦ୍ବିତୀୟ ପର୍ଯ୍ୟାୟ ଅର୍ଥାତ ୨୬ ଏପ୍ରିଲରେ ମତଦାନ ହେବ । ପ୍ରାର୍ଥୀପତ୍ର ଦାଖଲ ବେଳେ କଂଗ୍ରେସ ସାଧାରଣ ସମ୍ପଦିକା ପ୍ରିୟଙ୍କା ଗାନ୍ଧି ମଧ୍ୟ ଉପସ୍ଥିତ ରହିଥିଲେ । ୱାଏନାଡରୁ ଦ୍ବିତୀୟ ଥର ପାଇଁ ନିର୍ବାଚନ ଲଢିବାକୁ ଯାଉଛନ୍ତି । ତାଙ୍କ ବିରୋଧରେ ବିଜେପି ପକ୍ଷରୁ କେରଳ ରାଜ୍ୟ ସଭାପତିଙ୍କୁ ପ୍ରାର୍ଥୀ କରାଯାଇଛି । ସେହିପରି ଏଲଡିଏଫ ତରଫରୁ ସିପିଆଇ ପ୍ରାର୍ଥୀ ଏନଇ ରାଜା ନିର୍ବାଚନ ଲଢୁଛନ୍ତି ।