ଅର୍ଗସ ବ୍ୟୁରୋ : ବୈପାରୀଗୁଡ଼ା ଆଇଆଇସି ସୁଶାନ୍ତ ଶତପଥୀ ଗିରଫ ହେବା ଘଟଣାରେ । ବିଜେଡିକୁ ଟାର୍ଗେଟ କଲେ ବିଜେପି ମୁଖପାତ୍ର ଅନୀଲ ବିଶ୍ବାଳ । ସେ କହିଛନ୍ତି ପୋଲିସ କର୍ମଚାରୀ ଗିରଫ ହେଲେ ଲୋକେ ବାଣ ଫୁଟାଉଛନ୍ତି । ଏଥିରୁ ପ୍ରମାଣିତ ହେଉଛି ରାଜ୍ୟର ଆଇନଶୃଙ୍ଖଳା କେତେ ତଳକୁ ଖସିଛି । କାଲି ଧରାପଡ଼ିଥିବା ବୈପାରୀଗୁଡ଼ା ଆଇଆଇସି ମାମଲାରେ ଭୟଙ୍କର ଦିଗ ଆଗକୁ ଆସିଛି । ବୈପାରୀଗୁଡ଼ା ଆଇଆଇସି ସୁଶାନ୍ତ ଶତପଥୀ ପୂର୍ବରୁ ନବୀନ ନିବାସ ଡ୍ୟୁଟିରେ ଥିଲେ । ନବୀନ ନିବାସରେ ଯାହିତାହି ଲୋକଙ୍କୁ ନିଯୁକ୍ତି ମିଳେନାହିଁ । ସୁଶାନ୍ତଙ୍କ ନିଯୁକ୍ତି ପଛରେ କେଉଁ ପ୍ରଭାବଶାଳୀଙ୍କ ହାତ ଥିଲା ବୋଲି ସେ ପ୍ରଶ୍ନ କରିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଏବେ ତାଙ୍କର ଗଞ୍ଜେଇ ଚୋରାଚାଲାଣ ମାମଲାରେ ଲିଙ୍କ୍ ଜଣାପଡ଼ିଛି । ଭିଜିଲାନ୍ସ ବି କହିଛି ଆମେ ଗଞ୍ଜେଇ ଚାଲାଣ ଦିଗରେ ତଦନ୍ତ କରୁଛୁ । ଏହା ବ୍ୟତୀତ ଆଇଆଇସିଙ୍କ ଜବ୍ ସ୍କାମରେ ମଧ୍ୟ ଲିଙ୍କ୍ ଜଣାପଡ଼ିଛି । ଜବ୍ ସ୍କାମରେ ଗିରଫ ବିରଞ୍ଚି ସାହୁଙ୍କ ସହ ସୁଶାନ୍ତଙ୍କ ସମ୍ପର୍କ ଥିବା ଜଣାପଡ଼ିଛି । ଏବେ ପୁଣି ଓଲିଉଡ଼୍ ମୁଭିରେ ସେ ଅଭିନୟ କରିଥିବା କଥା ସାମ୍ନାକୁ ଆସିଛି । ସୁଶାନ୍ତ ଅଭିନୟ କରିଥିବା ଫିଲ୍ମରେ ବିଜେଡି ଏମପି ହିରୋ ହୋଇଛନ୍ତି । ଓଲିଉଡ଼ରେ ବିଜେଡିରା କଳା ଟଙ୍କା ସହ ସାଂସଦ ମଧ୍ୟ ଅଛନ୍ତି । ଏହିସବୁ ଭୟଙ୍କର କଥାରୁ ଜଣାପଡ଼ୁଛି ରାଜ୍ୟରେ ଶାସନ କିଭଳି ଚାଲିଛି ବୋଲି କହିଛନ୍ତି ବିଜେପି ମୁଖପାତ୍ର ଅନୀଲ ବିଶ୍ବାଳ ।