ଅର୍ଗସ ବ୍ୟୁରୋ: ରାସ୍ତା ସମସ୍ୟାରେ ବର୍ଷ ବର୍ଷ ଧରି ଯୁଝିଛନ୍ତି ହେଉଛନ୍ତି ଏମାନେ । ତଥାପି ଚୁପ୍ ରାଜ୍ୟ ସରକାର, ଜିଲ୍ଲା ପ୍ରଶାସନ ଓ ଜନ ପ୍ରତିନିଧି । ଗଞ୍ଜାମ ଜିଲ୍ଲା ଦିଗପହଣ୍ଡିରୁ ୧୨ରୁ ୧୫ କିମି ଦୂର ଗଲେ ଆସେ ପଟିଗୁଡା ଗାଁ । ରାସ୍ତା ଖଣ୍ଡିଏ ନଥିବାରୁ ଜଙ୍ଗଲ ଭିତର ଦେଇ 3ରୁ 4 କିମି ଚାଲି ଚାଲି ଏଠାକୁ ଯିବାକୁ ପଡେ । ପଥୁରିଆ, ମାଟି ରାସ୍ତା ଦେଇ ପ୍ରତିଦିନ ଯାଆସ କରନ୍ତି ଗ୍ରାମବାସୀ । ହଠାତ୍ କାହାର ଦେହ ଖରାପ ହେଲେ ଗାଁକୁ ଆମ୍ବୁଲାନ୍ସ ଆସିପାରେନା । ଖଟିଆରେ ବୁହା ହୁଅନ୍ତି ରୋଗୀ ଓ ଗର୍ଭବତୀ । ସେ ପାଠପଢା ହେଉ କି ଭତ୍ତା ପାଇଁ ହେଉ ଏହି ପାହାଡିଆ ଘଞ୍ଚ ଜଙ୍ଗଲ ଭିତରେ ଚାଲି ଚାଲି ଯିବାକୁ ବାଧ୍ୟ ହୁଅନ୍ତି କୁନି କୁନି ପିଲା ଓ ବୟସ୍କ ଲୋକ ।
ଖାଲି ରାସ୍ତା ସମସ୍ୟା ନୁହେଁ ଆବାସ ଯୋଜନା ସହ ରାଜ୍ୟ ସରକାରଙ୍କ ଅନ୍ୟାନ୍ୟ ସୁବିଧାରୁ ବଞ୍ଚିତ ପଟିଗୁଡା ଗ୍ରାମବାସୀ । ଅପାରଗ ବିଜେଡି ସରକାରର ଦୀର୍ଘ ବର୍ଷ ଶାସନରେ ଅତିଷ୍ଟ ହୋଇପଡିଲେଣି ଲୋକେ ।
ଦିଗପହଣ୍ଡିରେ ପୂର୍ବରୁ ଦୀର୍ଘ ବର୍ଷ ହେବ ବିଜେଡି ବିଧାୟକ ଭାବେ ପୂର୍ବତନ ବାଚସ୍ପତି ସ୍ବର୍ଗତ ସୂର୍ଯ୍ୟନାରାୟଣ ପାତ୍ର ପ୍ରତିନିଧିତ୍ବ କରୁଥିଲେ । ତଥାପି ବିକାଶ ହେଲାନି ।... ଏବେ ସୂର୍ଯ୍ୟପାତ୍ରଙ୍କ ପୁଅ ବିପ୍ଳବ ପାତ୍ରଙ୍କୁ ଦଳ ଭରସା କରି ଟିକେଟ ଦେଇଛି । ଏଥର ନିର୍ବାଚନ ରଣାଙ୍ଗନରେ ପାର ହେବ କି ବିଜେଡି ?
ଆହୁରି ପଢନ୍ତୁ ଓଡିଶା ଖବର...