ନୂଆପଡା:  ବିଜେଡିକୁ ପୁଣି ଝଟକା । ବିଜେଡି ରାଜ୍ୟ ସମ୍ପାଦକ ପଦରୁ ଇସ୍ତଫା ଦେଲେ ସରୋଜ କୁମାର ସାହୁ । ପଦରୁ ଇସ୍ତଫା ସହ ଦଳର ପ୍ରାଥମିକ ସଦସ୍ୟରୁ ମଧ୍ୟ ଇସ୍ତଫା ଦେଲେ ସରୋଜ କୁମାର ସାହୁ । ଆଜି ବିଦ୍ଧି ବଦ୍ଧ ଭାବେ ସେ ଇସ୍ତଫା ପତ୍ର ଦଳର ସୁପ୍ରିମୋକୁ ଇମେଲ ଯୋଗେ ପଠେଇଛନ୍ତି ।

ମନ୍ତ୍ରୀ ରାଜେନ୍ଦ୍ର ଢୋଲକିଆ ତାଙ୍କୁ ଧୋକା ଦେଇଥିବା ଅଭିଯୋଗ କରି ଦେଲେ ଇସ୍ତଫା । ପୂର୍ବରୁ ନୂଆପଡ଼ା ବିଧାୟକ ତଥା ମନ୍ତ୍ରୀ ରାଜେନ୍ଦ୍ର ଢୋଲକିଆଙ୍କ ନାଁରେ ଦୁର୍ନୀତି ଏବଂ ପିସି କାରବାରରେ ଲିପ୍ତ ଥିବା ଅଭିଯୋଗ କରି ରାଜରାସ୍ତାକୁ ଓହ୍ଲାଇ ଥିଲେ ସରୋଜ ସାହୁ । ଇମେଲ ଯୋଗେ ଇସ୍ତଫା ପତ୍ର ପଠାଇବା ସହ ମନ୍ତ୍ରୀଙ୍କ ବିରୋଧରେ 11 ଦଫା ସମ୍ବଳିତ ଦାବିପତ୍ର ମଧ୍ୟ ପଠାଇଛନ୍ତି । 

ପୂର୍ବରୁ ସରୋଜ ସାହୁ ବିଜେଡି ଦଳରେ କାମ କରି ସଂଗଠନକୁ ମଜବୁତ କରିଥିଲେ । ରାଜେନ୍ଦ୍ର ଢୋଲକିଆ ତାଙ୍କୁ ଧୋକା ଦେବା ସହ ଉଚିତ ସମ୍ମାନ ଦେଇନଥିବାରୁ ଆଜି ବିଜେଡିରୁ ଇସ୍ତଫା ଦେଇଥିବା କହିଛନ୍ତି ସରୋଜ ସାହୁ ।

ଆହୁରି ପଢନ୍ତୁ ଓଡିଶା ଖବର...