ଅର୍ଗସ ବ୍ୟୁରୋ: ରାଜ୍ୟ ସରକାରଙ୍କ ଉପରେ ବର୍ଷିଲା ରାଜ୍ୟ ବିଜେପି ଯୁବମୋର୍ଚ୍ଚା । ବ୍ରହ୍ମପୁରରେ ପ୍ରେସମିଟ କରି ରାଜ୍ୟ ସରକାରଙ୍କ ଉପରେ ବର୍ଷିଲେ ରାଜ୍ୟ ବିଜେପି ଯୁବମୋର୍ଚ୍ଚା ସଭାପତି ଅଭିଳାଷ ପଣ୍ଡା । ସେ କହିଛନ୍ତି, ରାଜ୍ୟର ସମସ୍ତ ଯୋଜନା ବିଜେଡିକରଣ କରିବାରେ ବ୍ୟସ୍ତ ରାଜ୍ୟ ସରକାର, କଲେଜ ପରିସର ଗୁଡ଼ିକରେ ବିଜେଡ଼ିକରଣ ହୋଇଛି । ୧୫ ଦିନ ଧରି ସରକାରୀ ଅନୁଦାନ ପ୍ରାପ୍ତ କଲେଜ ସମନ୍ୱୟ ଯୁବ ବିକାଶ କାର୍ଯ୍ୟକ୍ରମ ମାଧ୍ୟମରେ ଦଳୀୟ ଚିହ୍ନ ଏବଂ ନବୀନ ବାବୁଙ୍କ ଫୋଟ ଧରି ପ୍ରଚାର କରୁଛନ୍ତି ସରକାର ।
ଯେଉଁ ଟଙ୍କା ଶିକ୍ଷାର ବିକାଶ ଲାଗିବା ସେ ଟଙ୍କା ପ୍ରଚାରରେ ଲାଗୁଛି ୧୦୦ କୋଟିରୁ ଉର୍ଦ୍ଧ୍ବ ଟଙ୍କା ନିଜ ଦଳୀୟ ପ୍ରଚାର ପାଇଁ ଖର୍ଚ୍ଚ କରିଛନ୍ତି ନବୀନ ବାବୁ । ଯୁବ ଭୋଟରଙ୍କ ନିକଟରେ ଦଳକୁ ପରିଚିତ କରିବା ପାଇଁ ଏହି ଟଙ୍କା ବ୍ୟବହାର ହେଉଛି ବୋଲି ସେ ଅଭିଯୋଗ କରିଛନ୍ତି ।
ଅଧିକ ପଢ଼ନ୍ତୁ ଓଡିଶା ଖବର: