ଅର୍ଗସ ବ୍ୟୁରୋ: ଦୁନିଆରେ ବେଳେ ବେଳେ ରିଲ୍ ରେ ଦେଖିଥିବା ଜିନିଷ ରିଅଲ୍ ରେ ଦେଖିବାକୁ ମିଳେ । ଯାହା ବିଶ୍ୱାସ କରିବା କଷ୍ଟ ହୋଇପଡେ । ଅବଶ୍ୟ କିଛି ସତ ଘଟଣାକୁ ନେଇ ହିଁ ଆମେ ଫିଲ୍ମ କିମ୍ବା ସିରିଏଲ୍ ତିଆରି ହୋଇଥାଏ । ସେମିତି ଏକ ଘଟଣା ମଧ୍ୟପ୍ରଦେଶରେ ଦେଖିବାକୁ ମିଳିଛି । 'ସ୍ତ୍ରୀ' ଫିଲ୍ମ ଭଳି ଅବିକଳ ଘଟଣା ସାମନାକୁ ଆସିଛି । ରାତି ଅଧରେ ସଜବାଜ ହୋଇ ଜଣେ ମହିଳା ବୁଲୁଥିବାର ଦେଖିବାକୁ ମିଳିଛି । ମଧ୍ୟପ୍ରଦେଶ ଗ୍ୱାଲିୟର ଚନ୍ଦନ ନଗର ଅଞ୍ଚଳରେ ଏହି ମହିଳା ଜଣଙ୍କ ରାତି ଅଧରେ ଘର ଘର ବୁଲି କଲିଂ ବେଲ୍ ମାରୁଛନ୍ତି । ଲୋକଙ୍କୁ ଘରୁ ବାହାରକୁ ଡାକୁଛନ୍ତି । କବାଟ ଖୋଲିଲେ କାହାକୁ ଦେଖିବାକୁ ମିଳୁନି । ହେଲେ ଶୁଭୁଛି ମହିଳାଙ୍କ କାନ୍ଦିବା ସ୍ୱର ।
ଏହି ଘଟଣା ଏବେ ପୁରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଲୋକଙ୍କ ମଧ୍ୟରେ କୋକୁଆ ଭୟ ଖେଳିଯାଇଥିଲା । ଏମିତିକି କଲିଂ ବେଲ୍ ମାରିଲେ ଲୋକ କବାଟ ଖୋଲିବାକୁ ଡରୁଥିଲେ । କେମିତି ଏଥିରୁ ମୁକ୍ତି ମିଳିବ ଉପାୟ ଖୋଜୁଥିଲେ । ଶେଷରେ ଏନେଇ ଏଫଆଇଆର୍ ଦେବା ପରେ ପୋଲିସ ଖୋଳତାଡ ଆରମ୍ଭ କରିଥିଲା ।
କିଛିଦିନ ଖୋଜିବା ପରେ ଶେଷରେ ପୋଲିସ ହାବୁଡରେ ପଡିଥିଲା ମହିଳା ଜଣଙ୍କ । ପଚାରିବାରୁ ମହିଳା ଜଣଙ୍କ କହିଛନ୍ତି ସେ ଜଣେ ଯୁବକ ସହ ଲିଭ୍ ଇନ୍ ରିଲେସନସିପ୍ ରେ ଥିଲେ । କିନ୍ତୁ ତାଙ୍କ ପ୍ରେମିକ ଜଣଙ୍କ ତାଙ୍କ ଠାରୁ ନାରାଜ ହେଇ ଚାଲିଯାଇଥିଲେ । ହେଲେ ସେ ତାଙ୍କ ପ୍ରେମିକର ଘର ଦେଖିନଥିଲେ । କିନ୍ତୁ ଜାଣିଥିଲେ ଯେ ଏହି ଚନ୍ଦନନଗର ଅଞ୍ଚଳରେ ହିଁ ରୁହନ୍ତି । ତାଙ୍କ ପ୍ରେମରେ ଏତେ ପାଗଳ ଥିଲେ ଯେ ବଏଫ୍ରେଣ୍ଡ୍ ପାଇଁ ଭୂତ ପାଲଟିଗଲେ । ମହିଳା ଜଣଙ୍କ ତାଙ୍କ ଘର ଖୋଜିବା ପାଇଁ ରାତି ଅଧରେ ଲୋକଙ୍କ କଲିଂ ବେଲ୍ ମାରି କବାଟ ଖୋଲିବା ପାଇଁ ବାଧ୍ୟ ଲୋକଙ୍କକୁ ବାଧ୍ୟକରାଉଥିଲେ । ପ୍ରେମିକକୁ ଖୋଜିବା ପାଇଁ ସେ ଭୂତ ହେଇ ଦୁଆର ଦୁଆର ବୁଲିଲେ।
ତେବେ ଏହି ଘଟଣାର ପୁଙ୍ଖାନୁପୁଙ୍ଖ ଯାଞ୍ଚ କରୁଛି ପୋଲିସ । ରାତି ଅଧରେ ମହିଳା ଜଣଙ୍କର ଏପରି ବୁଲିବାକୁ ନେଇ ପୁରା ଅଞ୍ଚଳରେ ଲୋକଙ୍କ ମଧ୍ୟ ଭୟ ଖେଳିଯାଇଛି ।
ଆହୁରି ପଢନ୍ତୁ ଭାରତ ଖବର...