ଅର୍ଗସ ବ୍ୟୁରୋ: ପୁଣି ଚର୍ଚ୍ଚାରେ ମହାକାଶଚାରୀ ସୁନୀତା ୱିଲିୟମ୍ସ । କାରଣ ଆଜି ତାଙ୍କର ଡେଥ୍ ଅପ୍ ବର୍ଥ ବା ଜନ୍ମଦିନ । ମହାକାଶରୁ ଫେରିବାରେ ଅସୁବିଧା ଥିବାରୁ ଏବେ ବି ସେ ଅନ୍ତରୀକ୍ଷରେ ଅଛନ୍ତି । ହେଲେ ପୁରା ବିଶ୍ଵ ତାଙ୍କୁ ୱିସ କରୁଛି । କେମିତି ଭଲରେ ସେ ଫେରିବେ ସେନେଇ ପ୍ରାର୍ଥନା ବି କରାଯାଉଛି ।
ଲେଡି ଆଷ୍ଟ୍ରୋନଟ ସୁନୀତା ୱିଲିୟମ୍ସ । ୧୯ ସେପ୍ଟେମ୍ବର ୧୯୬୫ରେ ସେ ଜନ୍ମଗ୍ରହଣ କରିଥିଲେ । ଗୁଜୁରାଟର ଅହମ୍ମଦାବାଦରେ ଘର ତାଙ୍କର । ବର୍ତ୍ତମାନ, ନାସା ପକ୍ଷରୁ ଏକ ସ୍ପେଶ୍ ମିଶନ୍ ଯିବା ପରେ ସେ ସେଠାରେ କିଛି ମାସ ହେବ ଅଛନ୍ତି । ସୁନିତା ୱିଲିୟମ୍ସ ୫ଜୁନ୍ ୨୦୨୪ରେ ବୋଇଙ୍ଗର ଷ୍ଟାରଲିନର୍ କ୍ୟାପସୁଲରେ ସ୍ପେସ୍ ଷ୍ଟେସନକୁ ଯାଇଥିଲେ । ହେଲେ ସେଠାରେ କିଛି ଯାନ୍ତ୍ରିକ ତ୍ରୁଟି ଦେଖାଯିବା ପରେ ଫେରିବା ତାଙ୍କ ପକ୍ଷରେ ସମ୍ଭବ ହେଉନାହିଁ । ସୂଚନା ଅନୁସାରେ, କ୍ୟାପସୁଲରେ କିଛି ତ୍ରୁଟି ଦେଖାଯାଇଥିଲା । ଏହି କ୍ୟାପସୁଲରେ କେବଳ ଗୋଟିଏ କିମ୍ବା ଦୁଇଟି ନୁହେଁ ଅନେକ ସମସ୍ୟା ଉପୁଜିଥିଲା । ସେବେଠାରୁ ବର୍ତ୍ତମାନ ପର୍ଯ୍ୟନ୍ତ ସୁନିତା ୱିଲିୟମ୍ସ ସ୍ପେଶ୍ ଷ୍ଟେସନରେ ଅଛନ୍ତି । ସବୁଠୁ ବଡ ସମସ୍ୟା ହେଉଛି କ୍ୟାପସୁଲ୍ ଅର୍ଥାତ୍ ଷ୍ଟାରଲାଇନ୍ର ପାଞ୍ଚଟି ସ୍ଥାନରେ ହିଲିୟମ୍ ଗ୍ୟାସ୍ ଲିକ୍ ହେଉଥିଲା ।
ଅନ୍ତର୍ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଭାରତୀୟ ମୂଳ ଆମେରିକୀୟ ମହାକାଶଚାରୀ ସୁନୀତା ୱିଲିୟମ୍ସ ଜୁନ୍ ୧୩,୨୦୨୪ରେ ପୃଥିବୀକୁ ଫେରିବାର ଥିଲା । ହେଲେ ଏବେ ସେ ସ୍ପେସ୍ ଷ୍ଟେସନରେ ଅଟକି ରହିଛନ୍ତି । ସୁନୀତାଙ୍କ ସହ ଆମେରିକାର ମହାକାଶଚାରୀ ବରୀ ବଚ ୱିଲମର ମଧ୍ୟ ଫେରିବା କଥା, ସେ ମଧ୍ୟ ଫସି ରହିଛନ୍ତି । କିନ୍ତୁ ଉଭୟ କେବେ ପୃଥିବୀକୁ ଫେରିବେ ସେନେଇ କୌଣସି ସୂଚନା ନାସା ପାଖରେ ବି ନାହିଁ ।
ଭାରତୀୟ ବଂଶୋଦ୍ଭବ ସୁନୀତା ୱିଲିୟମ୍ସଙ୍କର ପ୍ରକୃତ ନାଁ ହେଲା ସୁନୀତା ଲିନ୍ ପାଣ୍ଡିଆ ୱିଲିୟମ୍ସ । ସେ ଆମେରିକାର ଓହିଓର ଇଉକ୍ଲିଡ୍ ସହରରେ ଜନ୍ମଗ୍ରହଣ କରିଥିଲେ । ବାପା ଡକ୍ଟର ଦୀପକ ଏନ୍ ପାଣ୍ଡ୍ୟା ଜଣେ ଜଣାଶୁଣା ସ୍ନାୟୁବିଜ୍ଞାନୀ । ୧୯୫୮ରେ ଅହମ୍ମଦାବାଦରୁ ଆମେରିକାର ବୋଷ୍ଟନରେ ରହିଥିଲେ ୱିଲିୟମ୍ସ । ମାସାଚୁସେଟ୍ସରେ ହାଇସ୍କୁଲ୍ ପାଠ ସାରିବା ପରେ ସୁନୀତା ୧୯୮୭ରେ ମିଳିତ ଜାତିସଂଘର ନାଭାଲ୍ ଏକାଡେମୀରୁ ଶାରୀରିକ ବିଜ୍ଞାନରେ ବିଏସ୍ (ସ୍ନାତକ) ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ । ତା’ପରେ ୧୯୯୫ରେ ସେ ଫ୍ଲୋରିଡା ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ଇଞ୍ଜିନିୟରିଂ ମ୍ୟାନେଜମେଣ୍ଟରେ ଏମଏସ ଡିଗ୍ରୀ ହାସଲ କରିଥିଲେ । ହେଲେ ଏବେ ସେ ମହାକାଶରେ ଥିବାରୁ ପୁରା ବିଶ୍ଵ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛି ।