ଅର୍ଗସ ବ୍ୟୁରୋ : ଟେଲିଗ୍ରାମ ଫ୍ରଡ୍ରେ ସ୍କାମ କରି ବନ୍ଧା ହେଲେ ସାଇବର କିଙ୍ଗପିନ୍ I ଗିରଫ ଅଭିଯୁକ୍ତ ହେଲେ ନିହାର ରଞ୍ଜନ ପାଇକରାୟ, ମାନସ ରଂଜନ ସୁନା, ତୃପ୍ତି ରଂଜନ ପାତ୍ର, ବନଲତା ସାହୁ । ଅଭିଯୁକ୍ତମାନେ ନୂଆ ଲିଙ୍କ୍ ଆସିଲେ, ନୂଆ ଗ୍ରୁପରେ ଆଡ୍ କରି ଦେଉଥିଲେ କିଛି ଲୋକଙ୍କୁ । ରେଟିଂ ଦେଖି ଇନଭେଷ୍ଟ କରିବାକୁ କହୁଥିଲେ । ଉଧାର କରି ବା ଲୋନ୍ କରି ଟଙ୍କା ବିନିଯୋଗ କରୁଥିଲେ ଲୋକେ ।
ଟେଲିଗ୍ରାମ ଲିଙ୍କରେ ଜଏନ କରି ରେଟିଂ ଦେବା ପାଇଁ ରିକ୍ୟୁଏଷ୍ଟ ଆସୁଥିଲା । ବିଶ୍ବାସ ଜନ୍ମଇବା ପରେ ଟଙ୍କା ବିନିଯୋଗ କରିବାକୁ କହୁଥିଲେ ଠକମାନେ । ଜଣେ ବ୍ୟକ୍ତି ୧୧ ଲକ୍ଷ ଟଙ୍କା ବିନିଯୋଗ କରିଥିଲେ । ତାଙ୍କ ଅଭିଯୋଗ ଅନୁସାରେ ପୋଲିସ କାର୍ଯ୍ୟାନୁଷ୍ଠାନ ନେଇଛି । ପ୍ରାୟ ମ୍ୟୁଲ ଆକାଉଣ୍ଟ କ୍ରିଏଟ କରି ଲୋକଙ୍କୁ ଠକୁଥିଲେ ଏମାନେ । ଟ୍ରେଡିଙ୍ଗ କରାଇ ଟଙ୍କା ଦେବାକୁ କହି ମାସିକିଆ ଟଙ୍କା ମିଳିବ କହି ଲୋକଙ୍କ ଆକାଉଣ୍ଟକୁ ବ୍ୟବହାର କରୁଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ଠକେଇ ହୋଇଥିବା ଟଙ୍କାକୁ ନେଇ ତିଆରି ହୋଇଥିବା ୪୨ଟି ଆକାଉଣ୍ଟ ତିଆରି କରିଥିଲେ । କିଙ୍ଗପିନ୍ ମାନେ ନିଜର ଏଜେଣ୍ଟ ରଖି ମୋଟା ଅଙ୍କର ଟଙ୍କା ଦେଇ ମ୍ୟୁଲ ଆକାଉଣ୍ଟ ଖୋଲି ବ୍ୟବହାର କରୁଥିଲେ । ଡମୀ ଆକାଉଣ୍ଟକୁ ବନ୍ଦ କରିବା ସହ ମୋବାଇଲ ନମ୍ବର ଅପଡେଟ କରିବା ଓ ଫେକ ଆକାଉଣ୍ଟ ବନ୍ଦ କରିବା ପାଇଁ ଆରବିଆଇକୁ ଚିଠି ଲେଖିବ କମିଶନରେଟ ପୋଲିସ ।