ବ୍ରହ୍ମପୁର: ମା କୋଳରୁ ଚୋରି ହୋଇଗଲା ଶିଶୁ ପୁତ୍ର । ଖଲ୍ଲିକୋଟ ସହରରୁ ଏକ ସ୍ୱାମୀ ପରିତ୍ୟକ୍ତା ମହିଳାଙ୍କୁ କୋଳରୁ ଶିଶୁ ପୁତ୍ରକୁ କୌଣସି ଲୋକ ଚୋରି କରି ନେବା ଘଟଣାକୁ ନେଇ ଖଲ୍ଲିକୋଟରେ ଚାଞ୍ଚଲ୍ୟ ଖେଳି ଥିବା ଦେଖିବାକୁ ମିଳିଛି । ସୂଚନାଅନୁଯାୟୀ ଖଲ୍ଲିକୋଟ ସହରର ଏକ ଦୋକାନ ବାରଣ୍ଡାରେ ମା ତାର ଏକ 9 ମାସର ପୂତ୍ର ସନ୍ତାନ ସହ ଶୋଇ ପଡିଥିଲା । ଶୋଇଥିବା ଅବସ୍ଥାରେ ଉକ୍ତ ପୁତ୍ର ସନ୍ତାନକୁ କୌଣସି ଦୁର୍ବୃତ୍ତ ତାର ମା କୋଳରୁ ଚୋରି କରି ନେଇ ଯାଇଥିଲା ।
ମା ଏଣେ ତେଣେ ଖୋଜିବା ଖୋଜିଥିଲା ପୁଅକୁ। ମହିଳାଙ୍କ କାନ୍ଦ ଦେଖି ଲୋକମାନେ ଉକ୍ତ ନିରାଶ୍ରୟା ମହିଳାଙ୍କ ଚାରିପଟେ ରୁଣ୍ଡ ହୋଇ ଯାଇ ଥିଲେ । ଶିଶୁ ପୁତ୍ରର ଖୋଜ ଖବର ନ ପାଇ ଶେଷରେ ଖଲ୍ଲିକୋଟ ଥାନାରେ ଏକ ଏତଲା ଦେଇଥିଲେ। ପରେ ପୋଲିସ ଥାନା କେସ ନମ୍ବର 37/1 ରେ ଏକ ମାମଲା ରୁଜ୍ଜୁ କରି ଏକ ଟିମ ଗଠନ କରି ତଦନ୍ତ ଚଳାଇଛି। କିନ୍ତୁ ଏଯାଏଁ ସୁଦ୍ଧା ଶିଶୁ ପୁତ୍ର ସନ୍ଧାନ ମିଳି ପାରିନାହିଁ । ତେବେ ଖୁବ ଶୀଘ୍ର ନିଖୋଜ ଶିଶୁ ପୁତ୍ର ମିଳିଯିବ ବୋଲି ଖଲ୍ଲିକୋଟ ଆଇ ଆଇ ସି ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର