ମୟୂରଭଞ୍ଜ: ପୁଣି ଦେଖିବାକୁ ମିଳିଲା ସ୍ୱାସ୍ଥ ସେବାର ବିକଳ ଚିତ୍ର । ଖଟିଆରେ ବୁହା ହେଲା ରୋଗୀ । ଆଉ ପଦାରେ ପଡିଲା ସରକାରଙ୍କ ଗ୍ରାମୀଣ ବିକାଶର ନଗ୍ନ ଚିତ୍ର। ଗାଁ ଭିତରକୁ ଯାଇନପାରି ଅଧା ବାଟରେ ଅଟକିଲା ଆମ୍ବୁଲାନ୍ସ । ଆମ୍ବୁଲାନ୍ସ ଯାଇ ନପାରିବା କାରଣରୁ ଗାଁ ଲୋକେ ରୋଗୀ ବୋହି ନେଉଛନ୍ତି ଆମ୍ବୁଲାନ୍ସ ପାଖକୁ । ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲା ଆଜିବୀ ଅବହେଳିତ ଅବସ୍ଥାରେ ରହିଛି ।ଆମେ କହୁଛୁ ମୟୁରଭଞ୍ଜ ଜିଲ୍ଲା ସାରସକଣା ବ୍ଲକ ସଙ୍ଖାଭଙ୍ଗା ପଞ୍ଚାୟତ ବେଦଝରଣ ରୁଣ୍ଡାଡ଼ିହି ଗ୍ରାମର ଛଅ ନମ୍ବର ୱର୍ଡ ର କଥା ।
ସେହି ଗ୍ରାମର ବିରଧାନ ଟୁଡୁ ଙ୍କ ହଠାତ ଦେହ ଅସୁସ୍ଥ ହେବାରୁ ଘର ଲୋକେ ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ମାତ୍ର ଆମ୍ବୁଲାନ୍ସ ଘର ପାଖକୁ ପହଞ୍ଚି ନ ପାରିବାରୁ ଘର ଲୋକେ ଗ୍ରାମବାସୀଙ୍କ ସହାୟତାରେ ପ୍ରାୟ ୧ କିଲୋମିଟର ବୋହି ଆଣି ଆମ୍ବୁଲାନ୍ସ ପାଖକୁ ପହଞ୍ଚାଇ ଥିଲେ l ସେଠାରୁ ତାଙ୍କୁ ବିଶୋଇ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର କୁ ନେଇଯାଇଥିଲେ l
ଅଧିକ ପଢନ୍ତୁ ଓଡ଼ିଶା ଖବର