ଅର୍ଗସ ବ୍ୟୁରୋ: ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଝାଡ଼ାବାନ୍ତି ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି। ଆକ୍ରାନ୍ତ ହୋଇ ଲୋକେ ମେଡିକାଲରେ ଭର୍ତ୍ତି ହେଉଛନ୍ତି। ଆଜି ହସ୍ପିଟାଲକୁ ଯାଇ ସ୍ଥିତି ପରଖିଲେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ । ଝାଡ଼ାବାନ୍ତିରେ ଆକ୍ରାନ୍ତ ରୋଗୀମାନଙ୍କୁ ଠିକ ଭାବେ ଚିକିତ୍ସା କରିବା ପାଇଁ ଡାକ୍ତର ମାନଙ୍କୁ ଦେଇଛନ୍ତି ପରାମର୍ଶ । ଏବେ ବି ଅନେକ ରୋଗୀଙ୍କ ଚିକିତ୍ସା ଜାରି ରହିଛି । ବିଧାୟକ ଓ ତାଙ୍କ ସମର୍ଥକ ମାନେ ଉପସ୍ଥିତ ଥିବା ଦେଖିବାକୁ ମିଳିଛି । ଡ଼ାକ୍ତରଖାନା ରେ ପାଣିର ସମସ୍ୟା ଥିବାରୁ କନିଷ୍ଠ ଯନ୍ତ୍ରୀଙ୍କୁ ଫୋନ କରି ଯଥାଶୀଘ୍ର ପାଣିର ସମସ୍ୟା ଦୂର କରାଯାଉ ବୋଲି କହିଥିଲେ । ତେବେ ଯେଉଁଭଳି ଭାବରେ ଝାଡାବାନ୍ତି ଆକ୍ରାନ୍ତ ଙ୍କ ସଂଖ୍ୟା ବଢ଼ୁଛି ଲୋକେ ଭୟଭୀତ ଅଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର: