ଅର୍ଗସ ବ୍ୟୁରୋ : ଆଉ ମାତ୍ର କେହି ମୁହୂର୍ତ୍ତର ଅପେକ୍ଷା ଥିଲା । କିଛି ସମୟ ପରେ ସମସ୍ତେ ନିଜ ଗନ୍ତବ୍ୟସ୍ଥଳରେ ପହଞ୍ଚିଥାଆନ୍ତେ । ହେଲେ ଏମିତି କିଛି ଘଟଣା ଘଟିଲା ଯାହାକୁ ନେଇ ପୁରା ବିଶ୍ଵରେ ଶୋକର ଛାୟା ଖେଳିଗଲା । କାରଣ ନେପାଳରେ ହୋଇଥିବା ଦୁର୍ଘଟଣା ପୁରା ବିଶ୍ଵକୁ ଦୋହଲାଇ ଦେଇଛି । ଆଉ ପୁଣି ବଡ଼ ଦୁର୍ଘଟଣାର ଇତିହାସ ଲେଖିଦେଇଛି । ନେପାଳ ଦୁର୍ଘଟଣାରେ ପ୍ଲେନରେ ଥିବା ୧୯ ଜଣ ଯାତ୍ରୀଙ୍କ ମଧ୍ୟରୁ ୧୮ ଜଣଙ୍କ ମୃତ୍ୟୁ ହୋଇଥିଲା । ସେଥିରୁ ଗୋଟିଏ ପରିବାରର ୩ଜଣ ସଦସ୍ୟ ଥିଲେ । ତେବେ ନେପାଳରେ ଅନେକ ଥର ଏପରି ପ୍ଲେନ ଦୁର୍ଘଟଣା ହୋଇଥିବା ଦେଖିବାକୁ ମିଳିଛି । ଯଦି ଦେଖାଯାଏ ,ତେବେ କାଠମାଣ୍ଡୁର ଏହି ଦୁର୍ଘଟଣା ବିଶ୍ବର ବଡ ୧୦ଟି ବିମାନ ଦୁର୍ଘଟଣାରେ ସାମିଲ ହୋଇଯାଇଛି ।
ଆସନ୍ତୁ ଜାଣିବା କେଉଁ କେଉଁ ଏୟରପୋର୍ଟର ବିମାନ ଦୁର୍ଘଟଣା ସମସ୍ତଙ୍କ ଛାତି ଥରାଇ ଦେଇଥିଲା ।
୩୧ ଅକ୍ଟୋବର ୧୯୯୯, ଲସ ଆଞ୍ଜେଲସ୍ ଏୟରପୋର୍ଟ
ଲସ ଆଞ୍ଜେଲସର ଏକ କେନେଡି ଏୟରପୋର୍ଟରୁ କାୟରୋ ପାଇଁ ଏକ ବିମାନ ବାହାରିଥିଲା । ଯେଉଁଥିରେ ୨୦୩ ଯାତ୍ରୀ ଏବଂ ୧୪ ଜଣ କ୍ର୍ୟୁ ମେମ୍ବର ଥିଲେ । ସମସ୍ତଙ୍କୁ ମିଶାଇ ୨୧୭ ଜଣ ଏହି ବିମାନରେ ଥିଲେ । ପାଇଲଟ ମଧ୍ୟ କକପ୍ରିଟରୁ ବାହାରି ଥିଲେ । ସହ ପାଇଲଟ ବିମାନର ଡୋର ମଧ୍ୟ ବନ୍ଦ କରି ସାରିଥିଲେ । ଯେତେବେଳେ ବିମାନ ମାସାଚୁସେଟସ୍ ଉପରେ ଉଡିବା ଆରମ୍ଭ କରିଥିଲା, ସେତବେଳେ ହଠାତ ଏହାକୁ ତଳକୁ ଖସିବାକୁ ଲାଗିଥିଲା । ଆଉ ଅଚାନକ ଭାବେ ଏହା କ୍ରାସ କରିଥିଲା , ଯେଉଁଥିରେ ସମସ୍ତ ଯାତ୍ରୀଙ୍କ ସମେତ କ୍ର୍ୟୁ ମେମ୍ବର ପ୍ରାଣ ହରାଇଥିଲେ ।
୨୯ ନଭେମ୍ବର ୨୦୧୩, ନାମ୍ବିଆର ମାପୁତୋ ଇଣ୍ଟରନେସନାଲ ଏୟରପୋର୍ଟ
ନାମ୍ବିଆର ମାପୁତୋ ଇଣ୍ଟରନେସନାଲ ଏୟରପୋର୍ଟ ରେ ଥିବା ଲାମ ମୋଜାମ୍ବିକ ଏୟାରଲାଇନ୍ସ ୪୭୦ ସାଥିରେ ୨୭ ଯାତ୍ରୀ ୬ଜଣ କ୍ର୍ୟୁ ମେମ୍ବରଙ୍କୁ ଧରି ଅଙ୍ଗୋଲା ଯିବାପାଇଁ ପ୍ରସ୍ତୁତ ହେଉଥିଲା । ହେଲେ ବିମାନ ୩୮ ହଜାର ଫୁଟ୍ ଉଚ୍ଚ ପହଞ୍ଚିବା ପରେ ଅଚାନକ ତଳକୁ ଖସିବା ଆରମ୍ଭ ହୋଇଥିଲା । ଏହାର ପରଦିନ ଜଣା ପଡିଥିଲା, ସେଦିନ ବିମାନ ଦୁର୍ଘଟଣାରେ ବିମାନରେ ଥିବା ସମସ୍ତ ଯାତ୍ରୀଙ୍କ ମୃତ୍ୟୁ ହୋଇ ଯାଇଥିଲା । ପରେ ଜଣା ପଡିଥିଲା, ସେଦିନ ସହ ପାଇଲଟ ଟଏଲେଟ ଯିବାପାଇଁ କକପ୍ରିଟରୁ ବାହାରି ଥିବା ବେଳେ ପାଇଲଟ କକପ୍ରିଟର ଦ୍ବାର ବନ୍ଦ କରି ଦେଇଥିଲା । ଏହାପରେ କୋ ପାଇଲଟ ଯେତେ ଚେଷ୍ଟା କଲେ ମଧ୍ୟ କକପ୍ରିଟର ଦ୍ବାର ଖୋଲି ନଥିଲା। ଏବଂ ଦୁର୍ଘଟଣା ହୋଇଥିଲା ।
୧୧ ଜାନୁଆରୀ ୨୦୨୧, ଜକାର୍ତା, ଇଣ୍ଡୋନେସିଆ
୯ ଜାନୁଆରୀ ୨୦୨୧ରେ ବୋଇଂ ୭୩୭ ଜାବା ସମୁଦ୍ରରେ ପଡି ଯାଇଥିଲା । ଜାକାର୍ତା ଏୟରପୋର୍ଟରୁ ବାହାରିବାର କିଛି ସମୟ ମଧ୍ୟରେ ହିଁ ଏହି ଦୁର୍ଘଟଣା ଘଟିଥିଲା । ଏହି ବିମାନରେ ସମୁଦାୟ ୬୨ ଜଣ ଲୋକ ଥିଲେ । ଏଥିରେ ସମସ୍ତଙ୍କର ମୃତ୍ୟୁ ହୋଇ ଯାଇଥିଲା ।
୨୨ ମେ ୨୦୨୦, କରାଚୀ, ପାକିସ୍ତାନ
ଏହି ବିମାନ ଦୁର୍ଘଟଣା ୨୨ ମେ ରେ ପାକିସ୍ତାନରେ ହୋଇଥିଲା । ଏହି ବିମାନ ପାକିସ୍ତାନ ଏୟରଲାଇନ୍ସର ଏୟରବସ ଏ ୩୨୦ ଥିଲା । ବିମାନରେ ୯୭ ଜଣ ଯାତ୍ରୀ , ୮ ଜଣ କ୍ର୍ୟୁ ମେମ୍ବର ଥିଲେ । ଏହା ପାକିସ୍ତାନ ଇତିହାସର ସବୁଠୁ ଭୟାନକ ବିମାନ ଦୁର୍ଘଟଣା ବୋଲି ମନେ କରାଯାଏ ।
ଏପରି କିଛି ପ୍ଲେନ ଦୁର୍ଘଟଣା, ଯାହା ବିଶ୍ବର ବୃହତ ବିମାନ ଦୁର୍ଘଟଣା ମଧ୍ୟରେ ସ୍ଥାନ ପାଇଛି । ଏପରି କିଛି ବିମାନ ଦୁର୍ଘଟଣା, ଯାହା ସାରା ବିଶ୍ବକୁ ସ୍ବଧ କରି ଦେଇଛି ।
ଅଧିକ ପଢନ୍ତୁ : ନେପାଳରେ ବଡ଼ ବିମାନ ଦୁର୍ଘଟଣା: ୧୯ ମୃତ !