ଅର୍ଗସ ବ୍ୟୁରୋ: ଋତୁ ଅନୁଯାୟୀ ବଜାରରେ ଅନେକ ଫଳ ମିଳିଥାଏ । କୁହାଯାଏକି ଯେଉଁ ସମୟରେ ଯାହା ଫଳ ମିଳେ ତାହା ଖାଇବା ଆବଶ୍ୟକ । ଆଉ ବର୍ତ୍ତମାନ ବଜାରରେ ବହୁ ପରିମାଣରେ ଜାମୁ କୋଳି ଦେଖିବାକୁ ମିଳୁଛି । ଲୋକମାନେ ମଧ୍ୟ ସେଗୁଡିକ ଖାଇବାକୁ ବହୁତ ପସନ୍ଦ କରଥାନ୍ତି । ଏହି କୋଳି ଖରା ସମୟରେ ମିଳୁଥିବା ଏକ ସ୍ୱାଦିଷ୍ଟ ଫଳ । ଏହି ଫଳ ମେ ଏବଂ ଜୁନ୍ ମାସରେ ଦେଖାଯାଏ । ଏହାର ସ୍ୱାଦ ମିଠା । ଖାଲି ମିଠା ନୁହେଁ ବରଂ ଏଥିରେ ଅନେକ ଔଷଧୀୟ ଗୁଣ ମଧ୍ୟ ଭରପୂର ହୋଇ ରହିଛି । ଡାକ୍ତରଙ୍କ କହିବାନୁସାରେ ଏହି କୋଳି ଖାଇବା ଦ୍ଵାରା ଅନେକ ରୋଗରୁ ମୁକ୍ତି ମିଳିଥାଏ । ଯେପରି ପେଟ ଯନ୍ତ୍ରଣା, ମଧୁମେହ, ଆର୍ଥ୍ରାଇଟିସ୍ ଏବଂ ଅନ୍ୟାନ୍ୟ ହଜମ ଜନିତ ସମସ୍ୟାରୁ ମୁକ୍ତି ପାଇବାରେ ଏହି ଫଳ ଅତ୍ୟନ୍ତ ଲାଭଦାୟକ ଅଟେ ।
ଏହି ଫଳ ବଜାରରେ ମାତ୍ର ଦୁଇରୁ ତିନି ମାସ ପର୍ଯ୍ୟନ୍ତ ଉପଲବ୍ଧ :-
ଆୟୁର୍ବେଦିକ ଡାକ୍ତର କହିଛନ୍ତି ଯେ ଋତୁ ଅନୁଯାୟୀ ପ୍ରତ୍ୟେକ ଫଳ ଖାଇବା ଉଚିତ କାରଣ ଏହା ଆମ ଶରୀର ପାଇଁ ଅତ୍ୟନ୍ତ ଲାଭଦାୟକ ଅଟେ। ବିଶେଷକରି ଏହି ଫଳ ଋତୁ ଅନୁଯାୟୀ ଶରୀର ପାଇଁ ଲାଭଦାୟକ ଅଟେ । ବର୍ତ୍ତମାନ ସବୁ ଆଡେ ବଜାରରେ ଜାମୁ କୋଳି ବହୁ ପରିମାଣରେ ଉପଲବ୍ଧ । ଲୋକମାନେ ଏହାକୁ ବହୁତ ପସନ୍ଦ କରନ୍ତି । କାରଣ ଏହି ଫଳ ଖାଇବା ସ୍ୱାଦିଷ୍ଟ ଏବଂ ଶରୀର ପାଇଁ ଅତ୍ୟନ୍ତ ଲାଭଦାୟକ ଅଟେ । ଏହି ଫଳ ବଜାରରେ କେବଳ ଦୁଇରୁ ତିନି ମାସ ପର୍ଯ୍ୟନ୍ତ ମିଳିଥାଏ ।
ଏହି ଫଳ ଅନେକ ପୋଷକ ତତ୍ତ୍ୱରେ ଭରପୂର ଅଟେ :-
ଏହି ଫଳରେ ଅନେକ ପୁଷ୍ଟିକର ଉପାଦାନ ଅଛି । ଏଥିରେ ଭିଟାମିନ୍ ସି, ଭିଟାମିନ୍ ଏ, ଭିଟାମିନ୍ କେ ଏବଂ ଭିଟାମିନ୍ ବି, ଫାଇବର, ଜିଙ୍କ ମିନେରାଲ୍ସ, ମ୍ୟାଗ୍ନେସିୟମ୍, ପୋଟାସିୟମ୍, କ୍ୟାଲସିୟମ୍ ଏବଂ ଆଇରନ୍ ଭଳି ପୋଷକ ତତ୍ତ୍ୱ ରହିଥାଏ । ଯାହା ଶରୀର ପାଇଁ ବହୁତ ଲାଭଦାୟକ ଅଟେ ।ଏହି ସମୟରେ ଏହି ଫଳ ଶରୀରରେ ରକ୍ତହୀନତା ଭଳି ରୋଗକୁ ଭଲ କରିଥାଏ। ଚର୍ମ ସମସ୍ୟା ଦୂର କରେ । ମେଦବହୁଳତାର ନିୟନ୍ତ୍ରଣ କରିଥାଏ । ରୋଗ ପ୍ରତିରୋଧକ ଶକ୍ତି ବଢାଇଥାଏ । ତାହାସହ ଏହା ହୃଦୟ ପାଇଁ ମଧ୍ୟ ଲାଭଦାୟକ ଏବଂ ମଧୁମେହ ପାଇଁ ବିଶେଷ ଲାଭଦାୟକ ଅଟେ ।
ଅଧିକ ପଢନ୍ତୁ ଜୀବନଶୌଳୀ ଖବର