ଅର୍ଗସ ବ୍ୟୁରୋ: ଇଣ୍ଡିଆ...ଇଣ୍ଡିଆ..ଇଣ୍ଡିଆ । ସବୁଠି କ୍ରିକେଟ୍ ଫିଭର୍ । କିଏ ମାରିବ ବାଜି । ଭାରତ ନା ଅଷ୍ଟ୍ରେଲିଆ । 20 ବର୍ଷ ପରେ ଫାଇନାଲ୍ ରେ ମୁହାଁମୁହିଁ ଭାରତ ଓ ଅଷ୍ଟ୍ରେଲିଆ । ମ୍ୟାଚ୍ ଦେଖିବେ ପ୍ରଧାନମନ୍ତ୍ରୀ । ମ୍ୟାଚ୍ ପୂର୍ବରୁ ଏୟାର ସୋ କରିବ ବାୟୁ ସେନା । ଯାହାକୁ ନେଇ ଫ୍ୟାନ୍ସଙ୍କ ମନରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ସେପଟେ ନରେନ୍ଦ୍ର ମୋଦି ଷ୍ଟାଡିୟମ ବାହାରେ ପ୍ରବଳ ଗହଳି ଦେଖିବାକୁ ମିଳୁଛି । 

ସେପଟେ ବିଜୟ ପାଇଁ ସବୁଠି ଚାଲିଛି ପୂଜାର୍ଚ୍ଚନା । ସେଲିବ୍ରେସନ ପାଇଁ ଆଗୁଆ ପ୍ରସ୍ତୁତି ହୋଇସାରିଛି । କେକ୍ କିଣି ସେଲିବ୍ରେସନ କରିବାକୁ ସମସ୍ତେ ପ୍ରସ୍ତୁତ । ସ୍ଥାନୀୟ ଦୋକାନ ଗୁଡ଼ିକରେ ଭିକ୍ଟ୍ରି କେକ୍ ନେବାକୁ ଫ୍ୟାନଙ୍କ ଭିଡ଼ ବଢୁଛି । ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ଅଷ୍ଟ୍ରେଲିଆ ଫାଇନାଲ୍ ମ୍ୟାଚ୍ ପୂର୍ବରୁ ଭାରତୀୟ ବାୟୁ ସେନା ପକ୍ଷରୁ ସେଠାରେ ଏକ ଏୟାର ଶୋ’ କରାଯିବ । ମ୍ୟାଚ୍ ଆରମ୍ଭ ହେବା ପୂର୍ବରୁ 10 ମିନିଟ୍ ପାଇଁ ଏହି ଏୟାର ଶୋ’ର ଆୟୋଜନ କରାଯିବ ।

ସୂର୍ଯ୍ୟକିରଣ ଏରୋବେଟିକ୍ ଟିମ୍‌ର 9ଟି ବିମାନ ଆକାଶରେ ଦେଖାଇବେ ରଣକୌଶଳ । ଏନେଇ ଗୁଜରାଟ ପାଇଁ ନିୟୋଜିତ ପ୍ରତିରକ୍ଷା ଲୋକ ସଂପର୍କ ଅଧିକାରୀ ସୂଚନା ଦେଇଛନ୍ତି । ବିଶ୍ବକପ ଫାଇନାଲରେ ବାୟୁବୀରଙ୍କ ଏୟାର ଶୋ ସହ ବଲିଉଡ୍ ଏବଂ ହଲିଉଡ୍ ପପ୍ ସିଙ୍ଗରଙ୍କ ସଂଗୀତରେ ଝୁମିବେ ଦର୍ଶକ ।

ଟିମ୍ ଇଣ୍ଡିଆର ବିଜୟ ପାଇଁ ସୁରେଶ୍ୱରୀ ମନ୍ଦିରରେ ଦୀପ ଦାନ