ଅର୍ଗସ ବ୍ୟୁରୋ: ମନ୍ତ୍ରୀ ରାଜନାଥ ସିଂହ ଆଗାମୀ ୨୨ ତାରିଖ ଗୁରୁବାର ଅପରାହ୍ନ ସାଢେ ୩ଟା ସମୟରେ ବାରିପଦା ପୋଲିସଲାଇନ ପଡିଆ ଠାରେ ଅବତରଣ କରିବାର କାର୍ଯ୍ୟକ୍ରମ ରହିଛି । ସେ ସେଠାରୁ ବାରିପଦା ଛଉପଡ଼ିଆ ଠାରେ ଏକଘଣ୍ଟା ଧରି ଅନୁଷ୍ଠିତ ବିଜେପି ପକ୍ଷରୁ ହେବାକୁ ଥିବା ଦଳୀୟ କୋର କମିଟି ବୈଠକରେ ଯୋଗଦେବେ।
ପ୍ରତିରକ୍ଷା ମନ୍ତ୍ରୀ ଶ୍ରୀ ସିଂହ ପ୍ରଥମେ ନବରଙ୍ଗପୁର ଓ ବ୍ରହ୍ମପୁର ଠାରେ ଦଳୀୟ ବୈଠକରେ ପ୍ରମୁଖ କର୍ମକର୍ତ୍ତାଙ୍କୁ ଉଦବୋଧନ ଦେବା ପରେ ବାରିପଦା କାର୍ଯ୍ୟକ୍ରମରେ ଯୋଗଦେବେ । ତେବେ ବାରିପଦା ବୈଠକରେ ମୟୂରଭଞ୍ଜ ପୂର୍ବ ଓ ପଶ୍ଚିମ ଦୁଇ ସାଂଗଠନିକ ଜିଲ୍ଲା ସମେତ ବାଲେଶ୍ବର, ଭଦ୍ରକ ଓ କେନ୍ଦୁଝର ଜିଲ୍ଲାର ବିଜେପି ପ୍ରମୁଖ କର୍ମକର୍ତ୍ତା ସାମିଲ ହେବେ । ଆଗାମୀ ସାଧାରଣ ନିର୍ବାଚନ ପାଇଁ ଦଳର ସଫଳତା ଲାଗି କେନ୍ଦ୍ରମନ୍ତ୍ରୀ ସିଂହ ସେମାନଙ୍କୁ ପ୍ରେରଣା ତଥା ମନ୍ତ୍ର ଦେବେ ବୋଲି ଜଣାଯାଇଛି। ଏଠାରୁ କାର୍ଯ୍ୟକ୍ରମ ସାରି ଦିଲ୍ଲୀ ଅଭିମୁଖେ ସେ ଫେରିଯିବେ ବୋଲି ଜଣାଯାଇଛି।
ଅଧିକ ପଢ଼ନ୍ତୁ ଓଡ଼ିଶା ଖବର