ଅର୍ଗସ ବ୍ୟୁରୋ: ଉପାନ୍ତରେ ଜଳ ଯନ୍ତ୍ରଣା। ଫେଲ ମାରିଛି ସରକାରଙ୍କର ବସୁଧା ଯୋଜନା। ଗାଁରେ ବିଶୁଦ୍ଧ ପାନୀୟ ଜଳର ଦେଖା ଦେଇଛି ଘୋର ସମସ୍ୟା । ବଲାଙ୍ଗିର ବଙ୍ଗୋମୁଣ୍ଡା ବ୍ଲକ ଗନ୍ଧର୍ଲା ପଂଚାୟତ ଆଦିବାସୀ ବହୁଳ ଚକନିପଦର ଗାଁ । ରାତି ପାହିଲେ ଏଠି ପାଣି ପଡେ ଭାଳେଣି। ଗରା,ବାଲଟି,ଡେକଚି ଧରି ମହିଳା ମାନେ ସକାଳୁ ଘଣ୍ଟା ଘଣ୍ଟା ଧରି ଲାଇନ୍ ଲଗାନ୍ତି ପାଇପ ଆଗରେ ।
ଗାଁରେ ଗୋଟିଏ ନଳକୂପ ଥିବା ବେଳେ ତାହାର ପାଣି ପିଇବା ପାଇଁ ଉପଯୋଗୀ ନୁହେଁ। ସେପଟେ ପାଇପର ମଇଳା ପାଣି ବ୍ୟବହାର ଯୋଗୁଁ ସ୍ଥାନୀୟ ଲୋକେ ବିଭିନ୍ନ ରୋଗ ରେ ଆକ୍ରାନ୍ତ ହେଉଥିବା ଅଭିଯୋଗ ହୋଇଛି । ଗାଁରେ ପାଣି ସମସ୍ୟା ଲାଗି ରହିଥିଲେ ମଧ୍ୟ ଏହାର ସମାଧାନ ପାଇଁ କାହାରି ଆନ୍ତରିକତା ନାହିଁ । ଯାହାକୁ ନେଇ ଅସନ୍ତୋଷ ବଢିବାରେ ଲାଗିଛି। ଦୁର୍ଗମର ଗାଁରେ ଅପହଞ୍ଚ ରାଜ୍ୟ ସରକାରଙ୍କର ବସୁଧା ଯୋଜନା। ବିଶୁଦ୍ଧ ପାନୀୟ ଜଳ ପାଇବାରୁ ବଞ୍ଚିତ ଉପାନ୍ତବାସୀ। ପାଣି ପାଇଁ ଏଠି ହୁଏ ସଂଗ୍ରାମ।
ଅଧିକ ପଢ଼ନ୍ତୁ ଓଡିଶା ଖବର: