ଅର୍ଗସ ବ୍ୟୁରୋ : ଅନଲାଇନ ସପିଂ, ଅନଲାଇନ ଫୁଡ ଡେଲିଭରୀ ଏବେର ବ୍ୟସ୍ତବହୁଳ ଲୋକଙ୍କ ଜୀବନର ପ୍ରମୁଖ ମାଧ୍ୟମ ପାଲଟିଛି । ସମୟ ବଞ୍ଚିବା ସହ ଅଳ୍ପ ସମୟରେ ନିଜ ମନପସନ୍ଦର ଜିନିଷ ପାଇ ପାରୁଛନ୍ତି ଗ୍ରାହକ । ହେଲେ ଟେକ୍ନୋଲୋଜି ଯେତେ ଉନ୍ନତ ହେଲେ ମଧ୍ୟ ସମସ୍ୟା ସେତେ ବଢୁଛି । କାରଣ ଏବେ ଅନେକ ସମୟରେ ଅନଲାଇନ ଫୁଡ ଡେଲିଭରୀକୁ ନେଇ ସମସ୍ୟା ଦେଖାଦେଇଛି । କେଉଁଠି ଖାଦ୍ୟ ନିମ୍ନମାନର ଦେଖିବାକୁ ମିଳିଥିବା ବେଳେ କେବେ ଖାଦ୍ୟର ଟେଷ୍ଟରେ ମଧ୍ୟ ଖରାପ ଦେଖିବାକୁ ମିଳିଛି । ସେହିପରି ଏବେ ଆଉ ଏକ ପୋଷ୍ଟ ଦେଖିବାକୁ ମିଳିଛି, ଯେଉଁଠି ଜଣେ ମହିଳା ଏକ ଖରାପ ଆଇସକ୍ରିମ ରିସିଭ କରିଥିବା ଶେୟାର କରିଛନ୍ତି ।
ଅଧିକ ପଢନ୍ତୁ : ଭାଇରାଲ ହେଉଛି ଛାତ୍ରଙ୍କ ଉତ୍ତର, ଆପଣ ବି ପଢିଲେ ରୋକିପାରିବେନି ହସ
ସେ ଲେଖିଛନ୍ତି, ସେ ଜେପ୍ଟୋରୁ ଏକ ଅମୁଲ ଆଇସକ୍ରିମ ଅର୍ଡର କରିଥିଲେ । ହେଲେ ସେଥିରୁ ଅଏଲ ଲିକୁଇଡ୍ ଭଳି ପଦାର୍ଥ ଦେଖିବାକୁ ମିଳିଥିଲା । ଏବଂ ଜେପ୍ଟୋ ନିଜର ଫ୍ରିଜ ମଧ୍ୟ ଚାଲୁ ରଖୁନାହାନ୍ତି । ଯାହାଦ୍ବାରା ଆଇସକ୍ରିମ ମଧ୍ୟ ପୁରା ତରଳ ଦେଖାଯାଉଛି । ଯେଉଁଥିରେ ଜେପ୍ଟୋରୁ ତୁରନ୍ତ ରିପ୍ଲାଏ ଆସିଛି ଯେ, " ଆମ ଦ୍ବାରା ଏପରି ଭୁଲ ହୋଇଥିବାରୁ ଆମେ ଅନୁତପ୍ତ । ଦୟାକରି ଆପଣଙ୍କ ରେଜିଷ୍ଟର କଣ୍ଟାକ୍ଟ ଡିଟେଲ୍ସ ନଚେତ ଆପଣଙ୍କ ଅର୍ଡର ଆଇ ଡି ଆମକୁ ପଠାନ୍ତୁ । ଆମେ ଆମ ଟିମ ଏ ବିଷୟରେ ଅଧିକ ସଚେତନ ହେବେ ।" ଯାହାକୁ ନେଇ ସେ ଲେଖିଛନ୍ତି, ସେ ଏ ବିଷୟରେ ତାଙ୍କର କଷ୍ଟ୍ୟୁମର କେୟାର ସହ କଥା ହୋଇ ସାରିଛନ୍ତି । ଏବଂ ଆଗାମୀ ଦିନରେ ଏଥିପ୍ରତି ସଚେତନ ରହିବାକୁ ତାଗିଦ ମଧ୍ୟ କରି ସାରିଛନ୍ତି ।