ବଲିଉଡର କିମ୍ବଦନ୍ତୀ ଗାୟିକା ଆଶା ଭୋସଲେ ହିନ୍ଦୀ ସହ ଓଡ଼ିଆ ଭାଷାରେ ମଧ୍ୟ ଅନେକ ହୃଦୟସ୍ପର୍ଶୀ ଗୀତ ଗାଇଛନ୍ତି । ୧୫ରୁ ଅଧିକ ଭାଷାରେ ଗୀତ ଗାଇଥିବା ଭାରତର ଏହି କିମ୍ବଦନ୍ତୀ ଗାୟିକା ଓଡ଼ିଆରେ ନିଜର ବହୁମୁଖୀ ପ୍ରତିଭାର ପରିଚୟ ଦେଇ ଓଡ଼ିଆ ଶ୍ରୋତାଙ୍କୁ ମନ୍ତ୍ରମୁଗ୍ଧ କରିଛନ୍ତି । ତାଙ୍କର ଯାଦୁଗରୀ କଣ୍ଠରେ ଓଡ଼ିଆ ଚଳଚ୍ଚିତ୍ର ଓ ଆଧୁନିକ ଗୀତଗୁଡ଼ିକ ଖୁବ୍ ଲୋକପ୍ରିୟ ହୋଇଛି, ଯାହା ଓଡ଼ିଆ ସଙ୍ଗୀତ ଜଗତକୁ ସମୃଦ୍ଧ କରିଛି ।
- ଆଶାଙ୍କ ସୁପରହିଟ୍ ଓଡ଼ିଆ ଗୀତ
ସେ ଓଡ଼ିଆ ଚଳଚ୍ଚିତ୍ର ସହ ବହୁ ସୁପରହିଟ୍ ଓଡ଼ିଆ ଆଧୁନିକ ଗୀତରେ କଣ୍ଠଦାନ କରିଛନ୍ତି । ତାଙ୍କର କଣ୍ଠଶୈଳୀ ଓଡ଼ିଆ ଶ୍ରୋତାଙ୍କୁ ସାତ ଦଶନ୍ଧିରୁ ଅଧିକ ସମୟ ଧରି ମନ୍ତ୍ରମୁଗ୍ଧ କରିଆସିଛି । ଓଡ଼ିଆରେ ଅନେକ ଭଜନ ସହ ଫିଲ୍ମ ଗୀତ ଗାଇଛନ୍ତି ଆଶା । ସେ ଗାଇଥିବା ଓଡ଼ିଆ ସଙ୍ଗୀତ ଗୁଡ଼ିକ ହେଉଛି `ତୋ ନାଁରେ ପିନ୍ଧିଲି ଶାଢ଼ୀ',` ଜହ୍ନ ଗୋ ତୁମେ ଝୁରନା', `ମଣିମା' ଏବଂ `ବନ୍ଦେ ଉତ୍କଳ ଜନନୀ' ମଧ୍ୟ ଗାଇଛନ୍ତି । ଓଡ଼ିଆ ଫଲ୍ମ `ଆରତି'ରେ ଜହ୍ନ ଗୋ ତୁମେ ଏବଂ ଫିଲ୍ମ` ସମୟ'ରେ ଝିମି ଝିମି ତା ମଜା ଗୀତ ଗାଇ ଓଡ଼ିଆ ସଂଗୀତ ପ୍ରେମୀଙ୍କୁ ମତୁଆଲା କରିଥିଲେ ।
କିମ୍ବଦନ୍ତୀ ଗାୟିକା ଆଶା ନିଜ କ୍ୟାରିଅର ମଧ୍ୟରେ ଅନେକ ହିଟ୍ ଗୀତ ଗାଇଛନ୍ତି । ହେଲେ କିଛି ଗୀତ ବେଶ ଲୋକପ୍ରିୟତା ଅର୍ଜନ କରିଥିଲା । ସେଗୁଡ଼ିକ ହେଉଛି `ଦମ ମାରୋ ଦମ୍', `ପିଆ ତୁ ଅପ୍ ତୋ ଆଜା', 'ଚୁରା ଲିୟା ହେ ତୁମନେ' ଏବଂ`ୟେ ମେରା ଦିଲ୍' । ୧୦ ବର୍ଷ ବୟସରୁ ଆଶା ମରାଠୀ ଭାଷାରେ ନିଜର ପ୍ରଥମ ଗୀତ ରେକର୍ଡ କରିବା ପରେ ଆଉ ପଛକୁ ଫେରି ଚାହିଁନଥିଲେ । ଆଶାଙ୍କ ୮୨ ବର୍ଷର କ୍ୟାରିଅରରେ ସେ ପ୍ରାୟ ୧୨,୦୦୦ରୁ ଅଧିକ ଗୀତ ଗାଇଛନ୍ତି ।
ପଢନ୍ତୁ ଏହି ଖବର: ବଲିଉଡରୁ ଆସିଲା ଦୁଃଖ ଖବର; ଚାଲିଗଲେ ଏହି ବର୍ଷିୟାନ ଗାୟିକା୨୦୦୦ରେ ଦାଦାସାହେବ ଫାଲକେ ସମ୍ମାନରେ ସମ୍ମାନିତ ହୋଇଥିଲେ ଆଶା । ଏହାପରେ ସଙ୍ଗୀତ ଜଗତକୁ ତାଙ୍କର ଅବିସ୍ମରଣୀୟ ଅବଦାନ ପାଇଁ ୨୦୦୮ରେ ଭାରତ ସରକାର ଦ୍ଵାରା ତାଙ୍କୁ ପଦ୍ମ ବିଭୂଷଣରେ ସମ୍ମାନିତ କରାଯାଇଥିଲା । ସେହିପରି ୨୦୧୮ରେ ବଙ୍ଗ ବିଭୂଷଣ ସମ୍ମାନ ଏବଂ ୨୦୨୧ରେ ମହାରାଷ୍ଟ୍ର ଭୂଷଣ ସମ୍ମାନରେ ସେ ସମ୍ମାନିତ ହୋଇଥିଲେ । ଏହାସହିତ ସେ ତାଙ୍କର କ୍ୟାରିୟର ମଧ୍ୟରେ ଅନେକ ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ଫିଲ୍ମଫେୟାର ଆୱାର୍ଡ ଜିତିଛନ୍ତି । ଆଜି ମଧ୍ୟ ତାଙ୍କର କଣ୍ଠସ୍ୱ ଲକ୍ଷ ଲକ୍ଷ ଶ୍ରୋତାଙ୍କୁ ମନ୍ତ୍ରମୁଗ୍ଧ କରି ରଖିଛି ।
- ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ଆଶା
ପୃଥିବୀର ସବୁଠାରୁ ଅଧିକ ଗୀତ ରେକର୍ଡ କରିଥିବା ଗାୟିକା ଭାବେ ଆଶା ଭୋସଲେ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡ ହାସଲ କରିଛନ୍ତି । ଶାସ୍ତ୍ରୀୟ ସଙ୍ଗୀତଠାରୁ ଆରମ୍ଭ କରି ପପ୍, ଗଜଲ୍ ଏବଂ ଭଜନ ପର୍ଯ୍ୟନ୍ତ ସବୁ ପ୍ରକାର ସଙ୍ଗୀତରେ ସେ ନିଜର ଦକ୍ଷତା ପ୍ରମାଣିତ କରିଛନ୍ତି ।
ଆଶା ଭୋସଲେ ୮ ସେପ୍ଟେମ୍ବର ୧୯୩୩ ମସିହାରେ ମହାରାଷ୍ଟ୍ରର ସାଙ୍ଗଲିଠାରେ ଏକ ସଙ୍ଗୀତମୟ ପରିବାରରେ ଜନ୍ମଗ୍ରହଣ କରିଥିଲେ । ସେ ପ୍ରସିଦ୍ଧ ଶାସ୍ତ୍ରୀୟ ଗାୟକ ପଣ୍ଡିତ ଦୀନାନାଥ ମଙ୍ଗେଶକରଙ୍କ କନ୍ୟା ଏବଂ ଭାରତ ରତ୍ନ ଲତା ମଙ୍ଗେଶକରଙ୍କ ସାନ ଭଉଣୀ । ମାତ୍ର ୯ ବର୍ଷ ବୟସରେ ପିତାଙ୍କ ଦେହାନ୍ତ ପରେ, ପରିବାର ପ୍ରତିପୋଷଣ ପାଇଁ ସେ ଗୀତ ଗାଇବା ଆରମ୍ଭ କରିଥିଲେ । ୧୯୪୩ ମସିହାରେ ସେ ପ୍ରଥମେ ଏକ ମରାଠୀ ଚଳଚ୍ଚିତ୍ର 'ମାଝା ବାଲ' ପାଇଁ କଣ୍ଠଦାନ କରିଥିଲେ । ତେବେ କିଛି ଦିନ ପୂର୍ବରୁ ଆଶା ଅସୁସ୍ଥ ହୋଇପଡ଼ିଥିଲେ । ଏକାଧିକ ଅଙ୍ଗ ଖରାପ ହେବା ଯୋଗୁଁ ଆଜି (ରବିବାର) ତାଙ୍କର ଜୀବନ ଦୀପ ଲିଭିଯାଇଛି । ସୋମବାର ଅପରାହ୍ଣରେ ଆଶା ତାଈଙ୍କ ଶିବାଜୀ ପାର୍କରେ ହେବ ଅନ୍ତିମ ସଂସ୍କାର ।
ଅଧିକ
ଖବର ପଢନ୍ତୁ...
