ବଲିଉଡ ଅଭିନେତା ଅକ୍ଷୟ କୁମାର ନିଜର ଆକ୍ସନ ରୋଲ୍ ପାଇଁ ବେଶ ଲୋକପ୍ରିୟ । କମେଡି ସହିତ ସେ ନିଜର ଆକ୍ସନ ଫିଲ୍ମ ପାଇଁ ଦର୍ଶକ ମହଲରେ ଲୋକପ୍ରିୟତା ଅର୍ଜନ କରିଛନ୍ତି । ଅକ୍ଷୟଙ୍କୁ ଫିଲ୍ମରେ ହାଇ-ରିସ୍କ ଷ୍ଟଣ୍ଟ ଓ ଆକ୍ସନ ସିକ୍ଵେନ୍ସ କରିବା ଲାଗି ଭଲ ପାଆନ୍ତି । ସ୍କ୍ରିନରେ ତାଙ୍କୁ ଅନେକ ଦମଦାର ତଥା ବିପଦପୂର୍ଣ୍ଣ ଷ୍ଟଣ୍ଟ ସିନ୍ କରୁଥିବା ଦେଖିବାକୁ ମିଳେ । ଏହି ଷ୍ଟଣ୍ଟକୁ ନେଇ ଅକ୍ଷୟ ଏକ ବଡ଼ ଖୁଲାସା କରିଛନ୍ତି । ନିକଟରେ ଏକ ଇଣ୍ଟରଭ୍ୟୁରେ ସେ କହିଛନ୍ତି ଯେ ଷ୍ଟଣ୍ଟ କରିବା ସମୟରେ ଥରେ ନୁହେଁ ତିନି ତିନି ଥର ସେ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି ।

• ଏମିତି ହୋଇଥିଲେ ଦୁର୍ଘଟଣାର ଶିକାର

ଶୁଭଙ୍କର ମିଶ୍ରାଙ୍କ ୟୁଟ୍ୟୁବ ଚ୍ୟାନେଲରେ ସାକ୍ଷାତକାର ସମୟରେ ଅକ୍ଷୟ କୁମାର କହିଛନ୍ତି ଯେ ସେ ନିଜର ତିନୋଟି ଫିଲ୍ମ ସୁଟ୍ କରିବା ସମୟରେ ମୃତ୍ୟମୁଖରେ ପଡ଼ିଥିଲେ । ହେଲେ ଭଗବାନଙ୍କ ଦୟାରୁ ଅଳ୍ପକେ ବର୍ତ୍ତିଯାଇଥିଲେ । ଅକ୍ଷୟ କୁମାର କହିଥିଲେ ଯେ, ଥରେ ଏପରି ଘଟଣା ସୈନିକ ଫିଲ୍ମ ସମୟରେ ହୋଇଥିଲା । ଗୋଟିଏ ବିଲ୍ଡିଂରୁ ଆଉ ଏକ ବିଲ୍ଡିଂକୁ ଯିବାର ଥିଲା । ସେତେବଳେ VFX ନଥିବାରୁ ସବୁକିଛି ନିଜେ କରିବାକୁ ପଡ଼ିଥିଲା । ସେହି ସମୟରେ ସେ ଦୁର୍ଘଟଣାର ଶିକାର ହୋଇଥିଲା, କାରଣ ତାଙ୍କ ହାତ ଥକିଯାଇଥିଲା । ଆଉ ଥରେ ଇଣ୍ଟରନ୍ୟାସନାଲ ଖିଲାଡି ଫିଲ୍ମରେ ବୋଟ୍ ସିନ୍ ସୁଟ୍ କରିବା ସମୟରେ ତାଙ୍କର ଅଧା ଶରୀର କଟିଯାଇଥାନ୍ତା ।

View this post on Instagram

A post shared by Akshay Kumar (@akshaykumar)

ଏହି ସିନରେ ଆଗପଟୁ ଏକ କାଟାମେରାନ (ଆଗର ଦୁଇ ପଟେ ଧାରୁଆ ଥିବା ଏକ ପ୍ରକାର ବୋଟ୍) ଆସୁଥିଲା ଓ ତାଙ୍କ ବୋଟ୍ ତା' ମଝି ଦେଇ ଯିବାର ଥିଲା । ଏହି ସମୟରେ ସେ ତାଙ୍କ ଶରୀର କଟିଯାଇଥାନ୍ତା, ହେଲେ ସେ ଅଳ୍ପକେ ବର୍ତ୍ତିଯାଇଥିଲେ । 'ଖିଲାଡି ୭୮୬' ଫିଲ୍ମରେ ମଧ୍ୟ ଏକ ଦୁର୍ଘଟଣା ଘଟିଥିଲା । ସେହି ଫିଲ୍ମରେ ତାଙ୍କୁ ହଟ୍ ଏୟାର ବେଲୁନ ଉପରେ ଡାଇଭ୍ କରିବାର ଥିଲା, ହେଲେ ସେ ଅଳ୍ପକେ ବର୍ତ୍ତିଯାଇଥିଲେ ।

ପଢନ୍ତୁ ଏହି ଖବର: ଦୁଇ ଦୁଇଟି ବିବାହ କରିଥିଲେ ଅଭିନେତ୍ରୀ ଚାହତ; ଧର୍ମ ପରିବର୍ତ୍ତନକୁ ନେଇ କହିଲେ ଏମିତି

• ଅକ୍ଷୟଙ୍କୁ ଷ୍ଟଣ୍ଟ ପାଇଁ ରୋକନ୍ତି କି ଟ୍ଵିଙ୍କଲ ?

ଅଭିନେତାଙ୍କୁ ଯେତେବେଳେ ପଚରାଯାଇଥିଲା ଯେ ଏପରି ବିପଦପୂର୍ଣ୍ଣ ଷ୍ଟଣ୍ଟ କରିବାକୁ ତାଙ୍କୁ ପତ୍ନୀ ଟ୍ଵିଙ୍କଲ ଖାନ୍ନା ରୋକନ୍ତି କି ନାହିଁ, ଏହାର ଉତ୍ତରରେ ସେ କହିଥିଲେ ଯେ ଏବେ ଟ୍ଵିଙ୍କଲ ଏହିସବୁ ପ୍ରତି ଅଭ୍ୟସ୍ତ ହୋଇଗଲେଣି । ସେ ଏହା ମଧ୍ୟ ଜାଣିଛନ୍ତି ଯେ ତାଙ୍କୁ ଅଟକାଇଲେ ସେ ଅଟକିବେ ନାହିଁ ଓ ଷ୍ଟଣ୍ଟ କରିବା ଜାରି ରଖିବେ । ଅକ୍ଷୟ ଯେତେ ବିପଦପୂର୍ଣ୍ଣ ଷ୍ଟଣ୍ଟ କରି ଘରକୁ ଫେରିବା ବିଶ୍ଵାସ ଟ୍ଵିଙ୍କଲ ଅଛି ବୋଲି ସେ କହିଥିଲେ ।

ଏଠାରେ କହିରଖୁଛୁ କି, ଅକ୍ଷୟ କୁମାର ଆଗାମୀ ଫିଲ୍ମ 'ଭୁତ୍ ବଙ୍ଗଲା'ରେ ଦେଖିବାକୁ ମିଳିବ । ଏହି ହରର୍ କମେଡି ଫିଲ୍ମ ସହିତ ଅକ୍ଷୟ ଓ ନିର୍ଦ୍ଦେଶକ ପ୍ରିୟଦର୍ଶନଙ୍କ ଯୋଡ଼ି ପୁଣିଥରେ କମବ୍ୟାକ୍ କରିଛନ୍ତି । ଏହାପରେ ଅକ୍ଷୟଙ୍କୁ ଫ୍ୟାନ୍ସ 'ୱେଲକମ୍ ଟୁ ଦ ଜଙ୍ଗଲ', 'ହୈୱାନ' ଓ 'ଗୋଲମାଲ୍ ୫'ରେ ଦେଖିବାକୁ ମିଳିବ ।

ଅଧିକ ଖବର ପଢନ୍ତୁ...