ଅଭିନେତାରୁ ରାଜନେତା ପାଲଟିଥିବା ବିଜୟ ଥାଲାପତି ତାମିଲନାଡୁରେ ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ଏହି ଶପଥ ଗ୍ରହଣ ସମାରୋହରେ ବିଜୟଙ୍କ ପୂରା ପରିବାର ସାମିଲ ଥିଲା । ଏପରିକି ବିଜୟଙ୍କ ରୁମର୍ ପ୍ରେମିକା ତ୍ରିଶା କୃଷ୍ଣନ ମଧ୍ୟ ସାମିଲ ହୋଇଥିଲେ । ଯଦି କିଏ ଅନୁପସ୍ଥିତ ଥିଲା ତାହା ହେଉଛି ବିଜୟଙ୍କ ପରିବାର ଅର୍ଥାତ ତାଙ୍କ ପତ୍ନୀ ସଙ୍ଗୀତା କିମ୍ବା ପୁଅଝିଅ କେହି ବି ବିଜୟଙ୍କ ବିଶେଷ ମୁହୂର୍ତ୍ତର ଅଂଶ ପାଲଟିନଥିଲେ । ଏହି ଘଟଣା ବିଜୟଙ୍କ ପ୍ରଶଂସକଙ୍କୁ ସହଜରେ ହଜମ ହୋଇନାହିଁ । ବିଜୟଙ୍କ ବୈବାହିକ ଜୀବନରେ ସବୁକିଛି ଠିକ୍ ନାହିଁ ବୋଲି ଚର୍ଚ୍ଚା ଜୋର ଧରିଛି ।

ରବିବାର ଏକ ଭବ୍ୟ ସମାରୋହରେ ତାମିଲଗା ଭେଟ୍ରି କାଝାଗାମ (TVK) ମୁଖ୍ୟ ବିଜୟ ତାମିଲନାଡୁ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ । ଏହି ଉତ୍ସବରେ ବିଜୟଙ୍କ ଲକ୍ଷ ଲକ୍ଷ ଫ୍ୟାନ୍ସ ବି ସାମିଲ ହୋଇଥିଲେ । ଚେନ୍ନାଇର ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ସୃଷ୍ଟି ହୋଇଥିଲେ ନୂଆ ଇତିହାସ । ଏହି କାର୍ଯ୍ୟକ୍ରମରେ ବିଜୟଙ୍କ ପିତା ଏସ.ଏ ଚନ୍ଦ୍ରଶେଖର ଓ ମାଆ ଶୋଭା ଚନ୍ଦ୍ରଶେଖର, ଘନିଷ୍ଠ ବନ୍ଧୁ, ଦଳୀୟ ନେତା, ସମର୍ଥକ ସମସ୍ତେ ସାମିଲ ହୋଇ ତାଙ୍କୁ ଅଭିନନ୍ଦନ ଜଣାଇଥିଲେ । ହେଲେ ପତ୍ନୀ ଓ ପୁଅଝିଅଙ୍କ ଅନୁପସ୍ଥିତି ଏହି ବିଶେଷ ମୁହୂର୍ତ୍ତକୁ ଅଧୁରା କରିଥିଲା ବୋଲି ଫ୍ୟାନ୍ସ କହିଛନ୍ତି । କିଛି ଦିନ ପୂର୍ବରୁ ବିଜୟଙ୍କ ପୁଅ ତାଙ୍କୁ ଅନଫଲୋ କରିଥିଲେ। 

• ସାମିଲ ହେଲେନି ପତ୍ନୀ ସଙ୍ଗୀତା

ଚଳିତ ବର୍ଷ ଫେବୃଆରୀରେ ବିଜୟଙ୍କ ପତ୍ନୀ ସଙ୍ଗୀତା ସୋର୍ଣ୍ଣାଲିଙ୍ଗମ ଛାଡ଼ପତ୍ର ଆବେଦନ କରିଥିବା ଚର୍ଚ୍ଚା ହୋଇଥିଲା । ପ୍ରଶଂସକରୁ ପତ୍ନୀ ପାଲଟିଥିବା ସଙ୍ଗୀତା ବିଜୟଙ୍କ ବିରୋଧରେ ପରକୀୟା ପ୍ରୀତିର ଅଭିଯୋଗ ଆଣି ଛାଡ଼ପତ୍ର ଆବେଦନ କରିଥିବା ବିଶେଷ ସୂତ୍ରରୁ ଜଣାପଡ଼ିଥିଲା । ହେଲେ ଉଭୟ ଏ ସମ୍ପର୍କରେ ଗଣମାଧ୍ୟମ ଆଗରେ ମୁହଁ ଖୋଲିନାହାନ୍ତି । ତେବେ ଶପଥ ସମାରୋହରେ ସଙ୍ଗୀତା ଓ ବିଜୟଙ୍କ ପୁଅ ଜେସନ ସଞ୍ଜୟ ଓ ଝିଅ ଦିବ୍ୟା ଶାଶାଙ୍କ ଅନୁପସ୍ଥିତି ଏହି ଦିଗକୁ ଇଙ୍ଗିତ କରୁଛି ।

• ତ୍ରିଶା-ବିଜୟଙ୍କ ସମ୍ପର୍କକୁ ନେଇ ଚର୍ଚ୍ଚା

ବିଜୟଙ୍କ ପତ୍ନୀ ଓ ସନ୍ତାନ ଶପଥ ସମାରୋହରେ ସାମିଲ ନ ହେବା ପରେ ଅନେକ ୟୁଜର ତ୍ରିଶାଙ୍କ ସହିତ ବିଜୟଙ୍କ ସମ୍ପର୍କକୁ ନେଇ ଚର୍ଚ୍ଚା କରୁଛନ୍ତି । ଅନେକ ସମୟରେ ଏହି ଦୁଇ ଜଣକୁ ଏକା ସାଥୀରେ ଅନେକ ସମୟରେ ଏକାଠି ଦେଖାଯାଇଛି । ଉଭୟ ଡେଟିଂ କରୁଥିବା ମଧ୍ୟ ଚର୍ଚ୍ଚା ହୁଏ । ଗୋଟିଏ ପଟେ ବିଜୟଙ୍କ ପତ୍ନୀଙ୍କ ଅନୁପସ୍ଥିତି ଓ ଅନ୍ୟପଟେ ରୁମର୍ ଗର୍ଲଫ୍ରେଣ୍ଡ ତ୍ରିଶାଙ୍କ ଉପସ୍ଥିତି ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।

New CM, New Queen?
Thalapathy Vijay takes oath as CM, but the real story is in the front row! No wife, no kids, but Trisha is there with his mother? Divorce rumors or unofficial confirmation? Sangeetha absence speaks louder than words! #TVKVijay‌HQ

— Er. Netra Sharma (@Netra_sharma0) May 10, 2026

ପଢନ୍ତୁ ଏହି ଖବର: ଫିଲ୍ମ ପରି ରାଜନୀତିରେ ହିଟ୍ ବିଜୟ; କେମିତି ସୁପରଷ୍ଟାରଙ୍କ ବୈବାହିକ ଜୀବନ

The family that should have been at the center of attention today is absent. As Joseph Vijay takes oath, his estranged wife Sangeetha, son Jason Sanjay, and daughter Divya Sasha are not attending the ceremony.

Instead, the entire focus has now shifted to Trisha Krishnan.

A true… pic.twitter.com/htZOsKr7BH

— Mamta Kumari (@mamtabhumihar) May 10, 2026

ଜଣେ ୟୁଜର ସୋସିଆଲ ମିଡିଆରେ କମେଣ୍ଟ କରିଛନ୍ତି, "ନୂଆ ମୁଖ୍ୟମନ୍ତ୍ରୀ, ନୂଆ କ୍ଵିନ୍ ? ଥାଲାପାତି ବିଜୟ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି, କିନ୍ତୁ ପ୍ରକୃତ କାହାଣୀ କାରର ଆଗ ସିଟରେ ! ପତ୍ନୀ ନାହାନ୍ତି, ପିଲା ନାହାନ୍ତି, କିନ୍ତୁ ତ୍ରିଶା ଏଠାରେ ଉପସ୍ଥିତ ଅଛନ୍ତି ? ତେବେ ପ୍ରକୃତରେ ଛାଡ଼ପତ୍ର ଗୁଜବ ନା ଏହା ଅନଅଫିସିଆଲ ସ୍ପଷ୍ଟୀକରଣ ? ସଙ୍ଗୀତାଙ୍କ ଅନୁପସ୍ଥିତି ଅନେକ କଥା କହୁଛି ।"

ଅଧିକ ଖବର ପଢନ୍ତୁ...