Russia India trade route news / ସ୍ଥଳପଥରେ ଯୋଡ଼ି ହେବେ ଭାରତ-ଋଷିଆ; ଆସିଲା ବଡ଼ ଅଫର

India Russia Rail Route: ମଧ୍ୟପ୍ରାଚ୍ୟରେ ଜାରି ରହିଥିବା ସାମରିକ ସଂଘର୍ଷ ଏବଂ ସାମୁଦ୍ରିକ ମାର୍ଗ ପ୍ରତି ବଢୁଥିବା ବିପଦ ମଧ୍ୟରେ, ଋଷିଆ ଏକ ମାଷ୍ଟରପ୍ଲାନ୍ ପ୍ରସ୍ତୁତ କରିଛି। ଯାହା ଆନ୍ତର୍ଜାତୀୟ ବାଣିଜ୍ୟର ରୂପରେଖକୁ ସମ୍ପୂର୍ଣ୍ଣ ପରିବର୍ତ୍ତନ କରିଦେବ। ଲୋହିତ ସାଗର ଏବଂ ମଧ୍ୟପ୍ରାଚ୍ୟରେ ସାମୁଦ୍ରିକ ଜାହାଜ ପ୍ରତି ସୃଷ୍ଟି ହେଉଥିବା ବିପଦକୁ ଦୃଷ୍ଟିରେ ରଖି, ଋଷିଆ ଏବେ ଭାରତ ସହ ଯୋଡ଼ି ହେବା ପାଇଁ ଏବଂ ଭାରତ ମହାସାଗରରେ ସିଧାସଳଖ ପ୍ରବେଶ କରିବା ପାଇଁ ଏକ ସ୍ଥଳଭାଗରେ ଏକ ରେଳ ନେଟୱାର୍କ ନିର୍ମାଣ କରିବାର ବିକଳ୍ପ ଉପରେ ବିଚାର କରୁଛି। ଯଦି ଏହି ମହତ୍ୱାକାଂକ୍ଷୀ ଯୋଜନା ସଫଳ ହୁଏ, ତାହେଲେ ଋଷିଆରୁ ମାଲବାହୀ ଟ୍ରେନ୍ ତୁର୍କମେନିସ୍ତାନ, ଇରାନ, ଆଫଗାନିସ୍ତାନ ଏବଂ ପାକିସ୍ତାନ ଦେଇ ସିଧାସଳଖ ଭାରତରେ ପହଞ୍ଚିପାରିବ।

ଏହି ପ୍ରକଳ୍ପକୁ ନେଇ କ'ଣ କହୁଛି ଋଷିଆ?
ଋଷୀୟ ଉପ-ପ୍ରଧାନମନ୍ତ୍ରୀ ମାରାତ ଖୁସନୁଲିନ୍, ଦେଶର ସରକାରୀ ସମାଚାର ଏଜେନ୍ସି TASS କୁ ଦେଇଥିବା ଏକ ସାକ୍ଷାତକାରରେ ଏହି ପ୍ରସ୍ତାବିତ ପ୍ରକଳ୍ପ ସମ୍ପର୍କରେ ମତ ରଖିଛନ୍ତି। ଏନେଇ ସେ କହିଛନ୍ତି ଯେ ଆନ୍ତର୍ଜାତୀୟ ବାଣିଜ୍ୟର ସୁରକ୍ଷା ସୁନିଶ୍ଚିତ କରିବା ପାଇଁ ଋଷିଆକୁ ନୂତନ ଏବଂ ବିକଳ୍ପ ମାର୍ଗ ଖୋଜିବାକୁ ହେହ।

ଉପ-ପ୍ରଧାନମନ୍ତ୍ରୀ ଖୁସନୁଲିନ ଆହୁରି କହିଛନ୍ତି, "ଭାରତ ମହାସାଗରକୁ ରେଳ ସଂଯୋଗ ସମ୍ଭାବନା ସମ୍ପର୍କରେ ଅନୁସନ୍ଧାନ କରାଯିବା ଆବଶ୍ୟକ। ବସ୍ଫୋରସ୍ ଏବଂ ହର୍ମୁଜ୍ ପ୍ରଣାଳୀ ସହିତ ଜଡି଼ତ ବିପଦ ଯୋଗୁଁ, ଆମକୁ ବୈକଳ୍ପିକ ବାଣିଜ୍ୟ ମାର୍ଗର ଆବଶ୍ୟକତା ରହିଛି। ତୁର୍କମେନିସ୍ତାନ, ଇରାନ, ଆଫଗାନିସ୍ତାନ ଏବଂ ପାକିସ୍ତାନ ଦେଇ ଯାଉଥିବା ରାସ୍ତା ଆମ ପାଇଁ ବିକଳ୍ପ ହୋଇପାରେ। ଭାରତ ସହ ଯୋଡ଼ି ହେବା ପାଇଁ ଯେକୌଣସି ସମ୍ଭବ ବିକଳ୍ପ ଋଷିଆ ପାଇଁ ଗ୍ରହଣୀୟ ହେବ। ଏହି ପ୍ରସ୍ତାବିତ ପ୍ରକଳ୍ପ କାର୍ଯ୍ୟକାରୀ ହେବା ପରେ, କୌଣସି ସାମୁଦ୍ରିକ ବାଧା ବିନା ଋଷିଆ-ଭାରତ ମଧ୍ୟରେ ସିଧାସଳଖ ମାଲ ପରିବହନ ସଂଯୋଗ ସ୍ଥାପନ ହୋଇପାରିବ।

ଏହା ସହ ପଢନ୍ତୁ: ପାଶ୍ଚାତ୍ୟ ଦେଶଙ୍କୁ ଚେତାବନୀ ଦେଲେ ପୁତିନ୍; ଭାରତକୁ ନେଇ କହିଲେ ଏକଥା

ଭାରତ ସହ ଯୋଡ଼ି ହେବା ପାଇଁ କାହିଁକି ସ୍ଥଳପଥ ଆବଶ୍ୟକ କରୁଛି ଋଷିଆ?
ଋଷିଆର ଏହି ପ୍ରସ୍ତାବ ହଠାତ୍ ଆସିନାହିଁ। ସମୁଦ୍ର ପଥରେ ବଢୁଥିବା ସଙ୍କଟ ଯୋଗୁଁ ଆସିଛି। ବସ୍ଫୋରସ୍, କୃଷ୍ଣ ସାଗରରୁ ପ୍ରସ୍ଥାନ ଏବଂ ପାରସ୍ୟ ଉପସାଗରର ମୁଖ୍ୟ ପ୍ରବେଶପଥ ହର୍ମୁଜ୍ ପ୍ରଣାଳୀ ଉଭୟ ରଣନୈତିକ ଭାବରେ ଅତ୍ୟନ୍ତ ସମ୍ବେଦନଶୀଳ ଏବଂ ଅସୁରକ୍ଷିତ ହୋଇଯାଇଛି।

ଆମେରିକା ଏବଂ ଇସ୍ରାଏଲ ସହିତ ଯୁଦ୍ଧ ପରେ ଉପସାଗର ମାର୍ଗ ବିପଦପୂର୍ଣ୍ଣ ହୋଇପଡ଼ିଛି। ଏହା ପରେ, ଇରାନର ଇସଲାମିକ୍ ରିଭଲ୍ୟୁସନରୀ ଗାର୍ଡ କର୍ପସ (IRGC) ବାହାରିନ, ଜୋର୍ଡ଼ାନ, ଇରାକ, କତାର, କୁଏତ, ସଂଯୁକ୍ତ ଆରବ ଅମିରାତ ଏବଂ ସାଉଦି ଆରବ ଠାରେ ଅବସ୍ଥିତ ରହିଥିବା ଆମେରିକୀୟ ସାମରିକ ଘାଟି ଏବଂ ଇସ୍ରାଏଲଉପରେ କ୍ଷେପଣାସ୍ତ୍ର ଏବଂ ଡ୍ରୋନ ଆକ୍ରମଣ ଜାରି ରଖିଛି। ଏହା ଅନ୍ୟ ଦେଶକୁ ମଧ୍ୟ ବିପଦରେ ପକାଇଛି।

ଏହା ସହ ପଢନ୍ତୁ: ଭାରତକୁ ଜାରି ରହିବ ତୈଳ ଯୋଗାଣ: ଋଷିଆ

ଋଷିଆରୁ ଆସି ଭାରତରେ କିପରି ପହଞ୍ଚିବେ ଟ୍ରେନ୍?
ପ୍ରସ୍ତାବିତ ଯୋଜନା ଅନୁଯାୟୀ, ଏହି ମାଲବାହୀ ଟ୍ରେନ ରୁଟ୍ ଋଷିଆରୁ ଆରମ୍ଭ ହେବ। ଏହା ମଧ୍ୟ ଏସିଆ ଏବଂ ଦକ୍ଷିଣ ଏସିଆର ପ୍ରମୁଖ ଦେଶ ଦେଇ ଅତିକ୍ରମ କରିବ। ଏହାର ରୁଟ୍ ଋଷିଆ-ତୁର୍କମେନିସ୍ତାନ-ଇରାନ-ଆଫଗାନିସ୍ତାନ-ପାକିସ୍ତାନ ଏବଂ ଶେଷରେ ଭାରତ (ଭାରତ ମହାସାଗର) ହେବ। ଏହି ରୁଟ୍ ନିର୍ମାଣ ଦ୍ୱାରା ବାଣିଜ୍ୟ ଜାହାଜ ପାଇଁ ସପ୍ତାହେ ସମୟ ବଞ୍ଚିବ। ସାମୁଦ୍ରିକ ମାର୍ଗରେ ହେଉଥିବା ଡକାୟତି ଏବଂ ସାମରିକ ଅବରୋଧ ଭଳି ବିପଦରୁ ସମ୍ପୂର୍ଣ୍ଣ ସୁରକ୍ଷା ମିଳିବ।