China System Fail / ଫୁସ୍ ମାରିଲା ଚୀନ ଡିଫେନ୍ସ ସିଷ୍ଟମ; ପାକିସ୍ତାନ ପରେ ବଡ଼ କ୍ଷତି ସହିଲା ଇରାନ

ଅପରେସନ ସିନ୍ଦୂର ସମୟରେ ଭାରତ ପାକିସ୍ତାନୀ ଏୟାର ଡିଫେନ୍ସ ସିଷ୍ଟମକୁ ଧ୍ଵଂସ କରିଥିଲା । ଏହି ସିଷ୍ଟମର ନାମ HQ-9P ଥିବାବେଳେ ପାକିସ୍ତାନ ଏହାକୁ ଚୀନରୁ ଆଣିଥିଲା । ଏହା ଭାରତର ମିସାଇନ ଓ ଡ୍ରୋନକୁ ଟ୍ରାକ୍ କରିବାରେ ଫେଲ୍ ମାରିଥିଲା । ଏବେ ପୁଣି ଇରାନ ଚୀନର HQ-9ର B ଭାରିଏଣ୍ଟକୁ ବ୍ୟବହାର କରିଥିଲା, ଯାହାକି ଆମେରିକା ଓ ଇସ୍ରାଏଲର ମିଳିତ ଆକ୍ରମଣରେ ଧ୍ଵଂସ ହୋଇଛି । ଚୀନ ଉପରେ ଭରସା କରି ଶେଷରେ ଇରାନ ନିଜର ସର୍ବୋଚ୍ଚ ନେତା ଖାମେନେଇଙ୍କୁ ହରାଇଛି ।

• HQ-9B କଣ ?

ଏହା ହେଉଛି ଚୀନର 'ଚାଇନା ଏରୋସ୍ପେଶ୍ ସାଇନ୍ସ ଆଣ୍ଡ ଇଣ୍ଡଷ୍ଟ୍ରି କର୍ପୋରେସନ' ଦ୍ଵାରା ବିକଶିତ ହୋଇଥିବା ମିସାଇଲ ପ୍ରଣାଳୀ । ଏହା ଋଷର S-୩୦୦ ଏବଂ ଆମେରିକାର ପୋର୍ଟ୍ରିୟଟ (PAC-୨) ଠାରୁ ପ୍ରେରିତ । କିନ୍ତୁ ଚୀନ ଏହାକୁ ସମ୍ପୂର୍ଣ୍ଣ ଭାବେ ସ୍ଵଦେଶୀ ବୋଲି କହିଥାଏ । ଏହାର ପ୍ରଥମ ପରୀକ୍ଷଣ ବର୍ଷ ୨୦୦୬ରେ ହୋଇଥିଲା ଏବଂ ଗତ ୧୦ ବର୍ଷ ଧରି ଚୀନ ଏହାର ବ୍ୟବହାର କରିଥାଏ ।

ପଢନ୍ତୁ ଏହି ଖବର: ଯୁଦ୍ଧର ଦ୍ଵିତୀୟ ଦିନରେ ଛାରଖାର ଇରାନ; ମାଟିରେ ମିଶିଲେଣି ସୁପ୍ରିମ ଲିଡର୍‌, ଆର୍ମି ଚିଫ୍ ଆଉ...

ଚୀନ ପକ୍ଷରୁ ଦାବି କରାଯାଏ ଯେ ଏହି ସିଷ୍ଟମ ମସାଇଲଗୁଡ଼ିକୁ ୨୬୦ କିଲୋମିଟର ଦୂରରେ ଥିବା ଶତ୍ରୁଙ୍କ ଉପରକୁ ନିକ୍ଷେପ କରିଥାଏ । ଏହା ପ୍ରଥମେ ଭୂମିରୁ ୫୦ କିଲୋମିଟର ଉପରକୁ ଯାଇ ଆକ୍ରମଣ କରିବାକୁ ସକ୍ଷମ । ଏଥିରେ ଆଧୁନିକ 'ରାଡାର' ଓ 'ଇନଫ୍ରାରେଡ୍ ସିକର' ଲଗାଯାଇଛି । ଏହା ସେହି ବିମାନକୁ ବି ଚିହ୍ନଟ କରିପାରେ, ଯାହାକୁ ରାଡାରରେ ଦେଖିବା ମୁସ୍କିଲ ।

• ପ୍ରଶ୍ନ ଘେରରେ ଚୀନର ଡିଫେନ୍ସ ସିଷ୍ଟମ

HQ-9Bକୁ ନେଇ ଦାବି କରାଯାଇଛି ଯେ ଏହା ଥରକେ ୧୦୦ ଶତ୍ରୁଙ୍କ ଉପରେ ନଜର ରଖିପାରେ ଓ ଏକାସହିତ ୬ରୁ ୮ଟି ଲକ୍ଷ୍ୟସ୍ଥଳ ଉପରେ ଆକ୍ରମଣ କରିପାରେ । ଚୀନ ଏହାକୁ ନିଜ ସୁରକ୍ଷା ଲାଗି ବେଜିଂ, ତିବ୍ବତ ଓ ଦକ୍ଷିଣ ଚୀନ ସାଗର ଭଳି ସମ୍ବେଦନଶୀଳ ଅଞ୍ଚଳଗୁଡ଼ିକରେ ନିୟୋଜିତ କରିଛି । ତଥାପି ଚୀନର ଏହି ଡିଫେନ୍ସ ସିଷ୍ଟମ ପ୍ରଶ୍ନ ଘେରରେ ରହିଛି ।

ଜୁଲାଇ ୨୦୨୫ରେ ଇରାନ ଚୀନ ଠାରୁ ଏହାକୁ କିଣିଥିଲା । ତେହେରାନ ଆଶା କରିଥିଲା ଯେ ଏହି ଟେକ୍ନୋଲୋଜି ଦେଶକୁ ଯେକୌଣସି ଆକ୍ରମଣରୁ ରକ୍ଷା କରିବ, କିନ୍ତୁ ସବୁକିଛି ଓଲଟା ହୋଇଛି । ଯେତେବେଳେ ଇସ୍ରାଏଲ ଇରାନର ଏକାଧିକ ସହର ଉପରେ ଆକାଶ ପଥରୁ ଆକ୍ରମଣ କରିଥିଲା, ସେତେବେଳେ ଏହି ସିଷ୍ଟମ ସମ୍ପୂର୍ଣ୍ଣ ଭାବେ ସକ୍ରିୟ ହୋଇଥିଲେ ସୁଦ୍ଧା ମାଡ଼ି ଆସୁଥିବା ମିସାଇଲଗୁଡ଼ିକୁ ରୋକିପାରିନଥିଲା । ଏହାଦ୍ଵାରା ଇସ୍ରାଏଲ ଆକ୍ରମଣରେ ଇରାନରେ ବହୁ ମାତ୍ରାରେ କ୍ଷତି ହୋଇଛି ।

ଅଧିକ ଖବର ପଢନ୍ତୁ...