ଆମେରିକା ଏବଂ ଇସ୍ରାଏଲ ଗତ ଶନିବାର ଇରାନ ଉପରେ ଆକ୍ରମଣ କରିବା ପରେ ଯୁଦ୍ଧ ସମଗ୍ର ମଧ୍ୟପ୍ରାଚ୍ୟରେ ବ୍ୟାପିଛି । ଗତ ସପ୍ତାହରେ ଆକ୍ରମଣର ଜବାବ ଦେଇ ଇରାନ ମଧ୍ୟପ୍ରାଚ୍ୟରେ ବଡ଼ ଆକ୍ରମଣ କରିଛି । ଇରାନରେ ଟାର୍ଗେଟରେ ରହିଛି ଇସ୍ରାଏଲୀ ଏବଂ ଆମେରିକୀୟ ସାମରିକ ଘାଟି ଏବଂ ବେସାମରିକ ଭିତ୍ତିଭୂମି । ଆଶ୍ଚର୍ଯ୍ୟଜନକ କଥା ହେଉଛି, ଯଦି ଏହି ଗୋଟିଏ ସପ୍ତାହର ଯୁଦ୍ଧ କାହା ଉପରେ ସବୁଠାରୁ ଅଧିକ ପ୍ରଭାବ ପକାଇଛି, ତେବେ ତାହା ଆମେରିକା, ଇସ୍ରାଏଲ କିମ୍ବା ଇରାନ ନୁହେଁ । ମଧ୍ୟପ୍ରାଚ୍ୟର ଆର୍ଥିକ ଇଞ୍ଜିନ କୁହାଯାଉଥିବା ସଂଯୁକ୍ତ ଆରବ ଏମିରେଟ୍ସ (UAE) ଏହି ଯୁଦ୍ଧ ଦ୍ୱାରା ସବୁଠାରୁ ଅଧିକ ପ୍ରଭାବିତ ହୋଇଛି ।

ଇରାନର ଆକ୍ରମଣର ପ୍ରଭାବ ୟୁଏଇ ଉପରେ ଏତେ ମାତ୍ରାରେ ପଡ଼ିଛି ଯେ ୟୁଏଇ ପ୍ରତି ଆକ୍ରମଣ କରିବାକୁ ପ୍ରସ୍ତୁତ ହେଉଛି । ଏହା ଏହି କଥାରୁ ସ୍ପଷ୍ଟ ଭାବେ ଜଣାପଡୁଛି, କାରଣ ୟୁଏଇ ଉପସାଗରରେ ଥିବା କୋଟି କୋଟି ଡଲାରକୁ ଇରାନର ପ୍ରବେଶ ବନ୍ଦ କରିବାକୁ ବିଚାର କରୁଛି । ଏପରି ହେଲେ ଇରାନରେ ଆଗାମୀ ଦିନରେ ଆର୍ଥିକ ସଙ୍କଟ ଦେଖାଦେବ । କାରଣ ଇରାନରେ ଯୁଦ୍ଧ ଚାଲିଥିବାବେଳେ ଦେଶର ଅର୍ଥନୀତି ପୂର୍ବରୁ ଗୁରୁତର ସଙ୍କଟରେ ଅଛି । ଯଦି ବିଦେଶୀ ମୁଦ୍ରା ହ୍ରାସ ପରିସ୍ଥିତି ସୃଷ୍ଟି ହୁଏ, ତେବେ ଦେଶ ଏକ ବଡ଼ ଆର୍ଥିକ ସଙ୍କଟର ସମ୍ମୁଖୀନ ହେବ ।

• କାହିଁକି UAE ଉପରେ ଇରାନର ଆକ୍ରମଣ ?

ଆମେରିକା ଅନ୍ୟ ଦେଶର ମାଟିକୁ ବ୍ୟବହାର କରି ଇରାନ ଉପରେ ଆକ୍ରମଣ କରିଛି । ଦୁବାଇ ଏବଂ ଆଖପାଖ ଅଞ୍ଚଳରେ ଆମେରିକାର ସାମରିକ ଉପସ୍ଥିତି ରହିଛି । ଇରାନ ପୂର୍ବରୁ ଚେତାବନୀ ଦେଇଥିଲା ଯେ ଯଦି ଆମେରିକା ଏହି ଘାଟିଗୁଡ଼ିକୁ ବ୍ୟବହାର କରି ଇରାନ ଉପରେ ଆକ୍ରମଣ କରେ, ତେବେ ଇରାନ ପାଲଟା ଜବାବ ଦେବ । ଇରାନର କହିବା ଅନୁଯାୟୀ, ସେ ପଡ଼ୋଶୀ ଦେଶଗୁଡ଼ିକୁ ଆକ୍ରମଣ କରିବାକୁ ଚାହୁଁନାହିଁ, କିନ୍ତୁ ଯଦି କୌଣସି ଦେଶ ଆମେରିକାକୁ ନିଜ ମାଟି ବ୍ୟବହାର କରିବାକୁ ଅନୁମତି ଦିଏ, ତେବେ ସେମାନେ ମଧ୍ୟ ଇରାନର ଟାର୍ଗେଟରେ ରହିବେ । ଏଥିଲାଗି ୟୁଏଇ ଉପରେ ଇରାନ ଆକ୍ରମଣ କରିଛି ।

ପଢନ୍ତୁ ଏହି ଖବର: ଇରାନର ଶାସନ ଗାଦିରେ ଖାମେନେଇଙ୍କ ସାନପୁଅ; କେମିତି ସର୍ବୋଚ୍ଚ ନେତା ବାଛେ ଦେଶ ?

• UAE ଉପରେ ଇରାନର କେତେ ବଡ଼ ଆକ୍ରମଣ ?

ପ୍ରତିଶୋଧର ନିଆଁରେ ଜଳୁଥିବା ଇରାନ ଗତ ୬ ଦିନ ମଧ୍ୟରେ ୟୁଏଇ ଉପରେ ୧୦୭୨ ମିସାଇଲ ମାଡ଼ କରିଛି । ଇରାନ ଆକ୍ରମଣରେ ଦୁବାଇ ଅନ୍ତର୍ଜାତୀୟ ବିମାନ ବନ୍ଦର ବେଶ କ୍ଷତିଗ୍ରସ୍ତ ହୋଇଛି । ଇରାନର ମିସାଇଲ ଓ ଡ୍ରୋନ ଆକ୍ରମଣରେ ୭୦ ପ୍ରତିଶତ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ଇରାନ କେବଳ ୟୁଏଇ ଉପରେ ଆକ୍ରମଣ କରିନାହିଁ, ବରଂ ଦେଶର ଅର୍ଥନୈତିକ ଭିତ୍ତିଭୂମି ଉପରେ ମଧ୍ୟ ଗଭୀର ପ୍ରହାର କରିଛି ।

ଅଧିକ ଖବର ପଢନ୍ତୁ...