Maulana Tauqeer Raza Khan / ବରେଲି ହିଂସା ମାମଲାରେ ମୌଲାନା ତୌକୀର ରଜାଙ୍କୁ ଝଟକା; ଜାମିନ ଆବେଦନ ଖାରଜ କଲେ ହାଇକୋର୍ଟ

ବହୁଚର୍ଚ୍ଚିତ ବରେଲି ହିଂସାକାଣ୍ଡ ଘଟଣାର ମାଷ୍ଟରମାଇଣ୍ଡ ବୋଲି କୁହାଯାଉଥିବା ମୌଲାନା ତୌକୀର ରଜା ଖାନ୍ ଙ୍କୁ ଲାଗିଛି ଜୋରଦାର ଝଟକା। ଆହ୍ଲାବାଦ ହାଇକୋର୍ଟ ତାଙ୍କ ଜାମିନ ଆବେଦନ ଖାରଜ କରିଛନ୍ତି। କୋର୍ଟ ତୌକୀର ରଜାଙ୍କ ସହିତ ଡାକ୍ତର ନଫିସଙ୍କୁ ଜାମିନ ଦେବାକୁ ମଧ୍ୟ ମନା କରିଛନ୍ତି। ଆହ୍ଲାବାଦ ହାଇକୋର୍ଟ ହିଂସା ସମ୍ପର୍କିତ ୬୩ ଆବେଦନ ଉପର ଶୁଣାଣି କରି ଏହି ରାୟ ଶୁଣାଇଛନ୍ତି। ତୌକୀର ରଜା ଏବଂ ଡାକ୍ତର ନଫିସଙ୍କୁ ଛାଡ଼ି ସମସ୍ତ ଅଭିଯୁକ୍ତଙ୍କୁ ଜାମିନ ଦିଆଯାଇଛି।

ବିଚାରପତି ଆଶୁତୋଷ ଶ୍ରୀବାସ୍ତବଙ୍କୁ ନେଇ ଗଠିତ ଏକକ ଖଣ୍ଡପୀଠ ଏହି ରାୟ ଶୁଣାଇଛନ୍ତି। ଗତ ମେ ୨୬ ତାରିଖରେ ସମସ୍ତ ପକ୍ଷଙ୍କ ଯୁକ୍ତି ଉପସ୍ଥାପନ ଶେଷ ହେବା ପରେ, ହାଇକୋର୍ଟ ତାଙ୍କର ରାୟ ସଂରକ୍ଷିତ ରଖିଥିଲେ। ମୌଲାନା ତୌକୀର ରଜା ଏବଂ ଅନ୍ୟ ଅଭିଯୁକ୍ତ ଆହ୍ଲାବାଦ ହାଇକୋର୍ଟ ଠାରେ ଜାମିନ ଆବେଦନ ଦାଖଲ କରିଥିଲେ। ହାଇକୋର୍ଟ ସମସ୍ତ ଆବେଦନର ଏକତ୍ର ଶୁଣାଣି କରିଥିଲେ।

ଏହା ସହ ପଢନ୍ତୁ: ମୁଖ୍ୟମନ୍ତ୍ରୀଙ୍କ ନିଷ୍ପତ୍ତିକୁ ସମର୍ଥନ ଜଣାଇଲେ ପୂର୍ବତନ ଡିଜି; ରମଜାନ-ନମାଜ ସମ୍ପର୍କରେ କହିଲେ ଏକଥା

ବରେଲି ହିଂସା ସହିତ ଜଡି଼ତ ମାମଲା କ’ଣ?
ଗତ ସେପ୍ଟେମ୍ବର ୨୬ ତାରିଖରେ ହୋଇଥିବା ହିଂସାକାଣ୍ଡରେ ଜଳି ଉଠିଥିଲା ଉତ୍ତର ପ୍ରଦେଶର ବରେଲି ଜିଲ୍ଲା। ମୌଲାନା ତୌକୀର ରଜା ଖାନ୍ ଙ୍କୁ ଏହି ମାମଲାର ମୁଖ୍ୟ ଅଭିଯୁକ୍ତ ଭାବରେ ବର୍ଣ୍ଣନା କରାଯାଇଥିଲା। ଏହି ଘଟଣାରେ ମୌଲନାଙ୍କ ସମେତ ଅନେକ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ପରବର୍ତ୍ତୀ ସମୟରେ ଗିରଫ ହୋଇଥିବା ଅଭିଯୁକ୍ତ ଜେଲ୍ରୁ ମୁକ୍ତି ପାଇଁ ଆହ୍ଲାବାଦ ଉଚ୍ଚ ନ୍ୟାୟାଳୟଙ୍କ ଦ୍ୱାରସ୍ଥ ହୋଇଥିଲେ। ଏହି ମାମଲାରେ ପୋଲିସ ବିଭିନ୍ନ ଥାନାରେ ପ୍ରାୟ ଦଶଟି ଏଫଆଇଆର (FIR) ଦାଏର କରିଥିଲା।

ରିପୋର୍ଟ ଅନୁଯାୟୀ, ବରେଲି ହିଂସା ଘଟଣାରେ (Bareilly Violence 2025) ଉତ୍ତର ପ୍ରଦେଶ ପୋଲିସ ବାହିନୀର ୨ ଜଣ କନଷ୍ଟେବଳ ଆହତ ହୋଇଥିଲେ। ଏକ ଗୁଳି ତାଙ୍କ ବାମ ହାତରେ ଲାଗିବାରୁ କନଷ୍ଟେବଳ ସିଦ୍ଧାନ୍ତ ଚୌଧୁରୀ ଗୁରୁତର ଆହତ ହୋଇଥିଲେ। ଯାହା ଦ୍ୱାରା ତାଙ୍କ ୟୁନିଫର୍ମ ପୋଡ଼ି ଦେଇଥିଲା। କନଷ୍ଟେବଳ ଆଦିତ୍ୟ ପ୍ରତାପ ସିଂହ ମଧ୍ୟ ହିଂସାକାଣ୍ଡ ସମୟରେ ଆହତ ହୋଇଥିଲେ। ମୌଲାନା ତୌକୀର ରଜା ଖାନଙ୍କୁ ବରେଲି ହିଂସାକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ଥିଲା। ତାଙ୍କ ବିରୋଧରେ ରୁଜୁ ହୋଇଥିବା ଏଫଆଇଆର ମାମଲାରେ ତୌକୀର ରଜାଙ୍କ ପକ୍ଷରୁ ଜାମିନ ଆବେଦନ ଦାଖଲ କରାଯାଇଥିଲା।

ଏହା ସହ ପଢନ୍ତୁ: ରାସ୍ତାରେ ନମାଜ ପଢିବାକୁ ନେଇ ମୁଖ୍ୟମନ୍ତ୍ରୀ ଦେଲେ ଚେତାବନୀ; କହିଲେ...

ହିଂସାକାଣ୍ଡ ପରେ ପୋଲିସ ଘଟଣାସ୍ଥଳରୁ ଗୁରୁତ୍ୱପୂର୍ଣ୍ଣ ପ୍ରମାଣ ଜବତ କରିଛି। ଯେଉଁଥିରେ ଦୁଇଟି ଖାଲି ୧୨ ବୋର କାର୍ଟ୍ରିଜ୍ ସେଲ୍, ଏସିଡ୍ ଭର୍ତ୍ତି ଭଙ୍ଗା କାଚ ବୋତଲ ଖଣ୍ଡ ଏବଂ ବହୁ ସଂଖ୍ୟକ ଇଟା ଏବଂ ପଥର ଅନ୍ତର୍ଭୂକ୍ତ। ଏହା ପରେ ପୋଲିସ ନିକଟରେ ଲାଗୁ ହୋଇଥିବା ଭାରତୀୟ ନ୍ୟାୟ ସଂହିତା (BNS), ୨୦୨୩ ର ଗମ୍ଭୀର ଧାରା ଅନୁଯାୟୀ ଏକ ମାମଲା ରୁଜୁ କରିଛି। ଯେଉଁଥିରେ ଧାରା ୧୨୪(୨) (ରାଜଦ୍ରୋହ), ୧୨୧ (ଯୁଦ୍ଧ କରିବା), ଏବଂ ଦଙ୍ଗା ଏବଂ ହତ୍ୟା ଉଦ୍ୟମ କରିବା ସହିତ ଜଡି଼ତ ଧାରା ଅନ୍ତର୍ଭୂକ୍ତ ରହିଛି।