ବରିଷ୍ଠ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ପିଏ ହତ୍ୟା ଘଟଣା । ଆସିଲା ମୃତକ ଚନ୍ଦ୍ରନାଥ ରଥଙ୍କ ମାଆଙ୍କ ପ୍ରତିକ୍ରିୟା । କ୍ୟାମେରା ସାମ୍ନାରେ କାନ୍ଦି କାନ୍ଦି ହତଭାଗା ଚନ୍ଦ୍ରକାନ୍ତଙ୍କ ମାଆ ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ସେ ଦୋଷୀଙ୍କ ବିରୋଧରେ ଫାଶୀ ଦଣ୍ଡ ଚାହୁଁନାହାନ୍ତି, ବରଂ ଦୋଷୀଙ୍କୁ ଆଜୀବନ କାରାଦଣ୍ଡ ମିଳୁ ବୋଲି ସେ କହିଛନ୍ତି । ଗତକାଲି ବିଳମ୍ବିତ ରାତିରେ ଚନ୍ଦ୍ରନାଥଙ୍କୁ କିଛି ଦୁର୍ବୃତ୍ତ ଗୁଳି କରି ହତ୍ୟା କରିଛନ୍ତି ।

• 'ଦୋଷୀଙ୍କୁ ମିଳୁ କଠୋର ଦଣ୍ଡ'

ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ପିଏ ହତ୍ୟା ଘଟଣାରେ ମୃତକ ଚନ୍ଦ୍ରନାଥ ରଥଙ୍କ ମାଆ ହାସିରାଣୀ ରଥ କହିଛନ୍ତି, " ଦୋଷୀମାନଙ୍କୁ କଠୋର ଦଣ୍ଡ ମିଳୁ। ମୁଁ ଜଣେ ମାଆ, ମୁଁ ସେମାନଙ୍କ ପାଇଁ ଫାଶୀ ଚାହୁଁନାହିଁ। ମୁଁ ସେମାନଙ୍କ ପାଇଁ ଆଜୀବନ କାରାଦଣ୍ଡ ଚାହୁଁଛି । ବିଜେପି କ୍ଷମତାକୁ ଆସିଥିବାରୁ ସେମାନେ ଏପରି କରିଛନ୍ତି । ଆମର ରାଜ୍ୟ ସଭାପତି ଏବଂ ନେତାମାନେ ବାରମ୍ବାର ରାଜ୍ୟରେ ଶାନ୍ତି ଶୃଙ୍ଖଳା ବଜାୟ ରଖିବାକୁ କହୁଛନ୍ତି । କିନ୍ତୁ ଶାସକ ଦଳର ଯେଉଁମାନେ ବିଭିନ୍ନ ଉତ୍ତେଜନାମୂଳକ ମନ୍ତବ୍ୟ ଦେଉଥିଲେ, ଯେଉଁମାନେ କହୁଥିଲେ ଯେ ୪ ତାରିଖ ପରେ ଦିଲ୍ଲୀର ବାପାମାନେ ଆମକୁ ବଞ୍ଚାଇ ପାରିବେ ନାହିଁ । ସେମାନେ ୪ ତାରିଖ ପରେ ତାହା କରି ଦେଖାଇଲେ।"

#WATCH | Chandipur, Purba Medinipur, West Bengal: Hasirani Rath, mother of BJP leader Suvendu Adhikari's PA Chandra, who was shot dead near Madhyamgram last night, says, "I want the guilty to be punished. I am a mother, I do not want them to be hanged. I want life imprisonment… pic.twitter.com/h1OMxWFbO3

— ANI (@ANI) May 7, 2026

ସେ ଆହୁରି କହିଛନ୍ତି, "ଯଦି ମୋ ପୁଅ କୌଣସି ଦୁର୍ଘଟଣାରେ ମରିଥାନ୍ତା, ତେବେ ମୁଁ ଏତେ ଦୁଃଖୀ ହୋଇନଥାନ୍ତି । ଦୁର୍ବୃତ୍ତମାନେ ଯେପରି ଭାବରେ ମୋ ପୁଅକୁ ନିର୍ଯାତନା ଦେଇ ହତ୍ୟା କଲେ, ଏସବୁ ତୃଣମୂଳ କଂଗ୍ରେସ ଦ୍ୱାରା ରଚିତ କାହାଣୀ । ଯେବେଠାରୁ ଶୁଭେନ୍ଦୁ ବାବୁ ମମତା ବାନାର୍ଜୀଙ୍କୁ ପରାସ୍ତ କରିଛନ୍ତି, ସେବେଠାରୁ ମୋ ପରିବାର ଏଭଳି ବିପଦର ସମ୍ମୁଖୀନ ହୋଇଛି ।"

• ତଦନ୍ତକୁ ଜୋରଦାର କଲା ପଶ୍ଚିମବଙ୍ଗ ପୋଲିସ

ସେପଟେ ତଦନ୍ତ ପ୍ରକ୍ରିୟାକୁ ଜୋରଦାର କରିଛି ପଶ୍ଚିମବଙ୍ଗ ପୋଲିସ । ହତ୍ୟାକାଣ୍ଡରେ ବ୍ୟବହୃତ ଚାରି ଚକିଆ ଗାଡ଼ିକୁ ପୋଲିସ ଜବତ କରିଛି । ତେବେ ଗାଡ଼ିରେ ଲାଗିଥିବା ନମ୍ବର ପ୍ଲେଟ୍‌ଟି ଜାଲ୍ ଏବଂ ଏଥିରେ ପରିବର୍ତ୍ତନ କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ଘଟଣାସ୍ଥଳରୁ ପୋଲିସକୁ କିଛି ଜୀବନ୍ତ ଗୁଳି ଏବଂ ବ୍ୟବହୃତ ଗୁଳିର ଖୋକା ମିଳିଛି । ପୋଲିସ ପ୍ରତ୍ୟକ୍ଷଦର୍ଶୀଙ୍କ ବୟାନ ରେକର୍ଡ କରୁଛି ଏବଂ ସାକ୍ଷ୍ୟ ପ୍ରମାଣଗୁଡ଼ିକୁ ବୈଜ୍ଞାନିକ ପଦ୍ଧତିରେ ଯାଞ୍ଚ କରାଯାଉଛି ।

ପଢନ୍ତୁ ଏହି ଖବର: ରାତି ଅଧରେ PAଙ୍କୁ ଗୁଳି କରି ହତ୍ୟା; ହତ୍ୟାକାଣ୍ଡକୁ ନେଇ ଗର୍ଜିଲେ ଶୁଭେନ୍ଦୁ ଅଧିକାରୀ

ସେପଟେ ଶୁଭେନ୍ଦୁ ଅଧିକାରୀ ଏହାକୁ ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଦର୍ଶାଇବା ସହ ସେ ରାଜ୍ୟର ଆଇନ ଶୃଙ୍ଖଳା ପରିସ୍ଥିତିକୁ ନେଇ ଶାସକ ଦଳ ଉପରେ ବର୍ଷିଛନ୍ତି । କିଛି ଦିନ ପୂର୍ବରୁ ଚନ୍ଦ୍ରନାଥଙ୍କୁ ରେକି କରାଯାଇଥିବାବେଳେ ପୋଲିସକୁ ବି ଗୁରୁତ୍ଵପୂର୍ଣ୍ଣ ପ୍ରମାଣ ମିଳିଥିବା ଶୁଭେନ୍ଦୁ କହିଛନ୍ତି । ସେପଟେ ହତ୍ୟା ପଛରେ ଟିଏମସି ହାତ ଅଛି ବୋଲି ଅଭିଯୋଗ କରିଛନ୍ତି ବିଜେପି ନେତ୍ରୀ କେୟା ଘୋଷ ।

ଅଧିକ ଖବର ପଢନ୍ତୁ...