ଉତ୍ତର ପ୍ରଦେଶର ହାପୁରରେ ଥିବା ପଶୁ ବଜାର ବକରୀଦ୍ ପୂର୍ବରୁ ପୂରା ମାହୋଲ ବଦଳିଯାଇଛି । ପଶୁଙ୍କୁ ନେଇ ଭିନ୍ନ ଭିନ୍ନ ଓ ଅସାଧାରଣ ଖବର ଆସୁଛି । ଏଥର ଏପରି ଏକ ମଇଁଷି ଆସିଛି ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି, କାରଣ ହେଉଛି ଏହାର ମୂଲ୍ୟ ଏବଂ ରାଜକୀୟ ଚାଲିଚଳଣି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି । ଦାବି କରାଯାଉଛି ଯେ ଏହି ମଇଁଷିର ମୂଲ୍ୟ ୩୧ ଲକ୍ଷ ଟଙ୍ କା। ଏହାକୁ ଦେଖିବା ପାଇଁ ଲୋକମାନେ ଦୂରଦୂରାନ୍ତରୁ ବଜାରକୁ ଆସୁଛନ୍ତି ।

• ୨୧ ଲକ୍ଷରେ ପହଞ୍ଚିଲାଣି ନିଲାମି

ହାପୁରର ଅସୋଡାରେ ଥିବା ପଶୁ ବଜାରରେ ଆଜିକାଲି କ୍ରେତା ଏବଂ ପଶୁ ବ୍ୟବସାୟୀଙ୍କ ଭିଡ଼ ଦେଖିବାକୁ ମିଳୁଛି । ବକରୀଦ୍ ପାଇଁ ବଜାରରେ ଛେଳି ଏବଂ ମଇଁଷିର କିଣାବିକା ଜୋରଦାର ହୋଇଛି । ତଥାପି ସବୁଠାରୁ ଚର୍ଚ୍ଚିତ ମଇଁଷିର ମୂଲ୍ୟ ₹୩୧ ଲକ୍ଷ ରଖାଯାଇଛି । ମଇଁଷିର ମାଲିକ ଦାବି କରିଛନ୍ତି ଯେ ନିଲାମ ₹୨୧ ଲକ୍ଷରେ ପହଞ୍ଚିଛି, କିନ୍ତୁ ଚୁକ୍ତି ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ ।

ବ୍ୟବସାୟୀ ଆମିର କହିଛନ୍ତି, "ଏହି ମଇଁଷି ହେଉଛି ଆମର ଗର୍ବ । ଏହାର ମୂଲ୍ୟ ୩୧ ଲକ୍ଷ ଟଙ୍କା ରଖାଯାଇଛି । ଏହାକୁ ପ୍ରତିଦିନ ଏକ କିଲୋଗ୍ରାମ ଶୁଦ୍ଧ ଘିଅ, ଶୁଖିଲା ଫଳ ଏବଂ ଏକ ସ୍ୱତନ୍ତ୍ର ଧରଣର ଖାଦ୍ୟ ଖାଇବାକୁ ଦିଆଯାଏ । ଏହାକୁ ଦେଶୀ ଘିଅରେ ଦୁଇ ଘଣ୍ଟା ପର୍ଯ୍ୟନ୍ତ ମସାଜ୍ ମଧ୍ୟ ଦିଆଯାଏ । ଏପର୍ଯ୍ୟନ୍ତ ନିଲାମ ୨୧ ଲକ୍ଷ ଟଙ୍କାରେ ପହଞ୍ଚିଛି, କିନ୍ତୁ ଏପର୍ଯ୍ୟନ୍ତ ଏହାକୁ କ୍ରେତା ମିଳିନାହାଁନ୍ତି ।"

• ଖାଉଛି କାଜୁ ବାଦାମ

ଏହି ମଇଁଷିର ବିଶେଷ ଯତ୍ନ ଏବଂ ଖାଦ୍ୟପେୟକୁ ନେଇ ବହୁତ ଚର୍ଚ୍ଚା ହେଉଛି । ବ୍ୟବସାୟୀଙ୍କ ଅନୁଯାୟୀ, ମଇଁଷିକୁ ପ୍ରତିଦିନ ୫ କିଲୋଗ୍ରାମ କ୍ଷୀର, ଶୁଖିଲା ଫଳ ଏବଂ ୧ କିଲୋଗ୍ରାମ ଶୁଦ୍ଧ ଘିଅ ଖାଇବାକୁ ଦିଆଯାଏ । ଏହାର ଫିଟନେସ୍ ଏବଂ ଚମକ ବଜାୟ ରଖିବା ପାଇଁ ଏହାକୁ ପ୍ରାୟ ଦୁଇ ଘଣ୍ଟା ପାଇଁ ପ୍ରତିଦିନ ଦେଶୀ ଘିଅରେ ମାଲିସ୍ କରାଯାଏ । ମଇଁଷିର ଉଚ୍ଚ ମୂଲ୍ୟ ଏବଂ ଭିଆଇପି ଜୀବନଶୈଳୀ ଦେଖିବା ପାଇଁ ବଜାରରେ ଭିଡ଼ ହେଉଛି । ସମସ୍ତେ ଏହି ଭିଆଇପି ମଇଁଷି ସହିତ ଫଟୋ ଏବଂ ଭିଡିଓ ନେଉଥିବାର ଦେଖାଯାଉଛି । ଏବେ ଦେଖିବାକୁ ବାକି ଅଛି ଯେ ବକରୀଦ୍ ପୂର୍ବରୁ ଏହି 'ଭିଆଇପି ମଇଁଷି' ପାଇଁ କେତେ ଲକ୍ଷ ଟଙ୍କାରେ ଡିଲ୍ ଚୂଡ଼ାନ୍ତ ହେଉଛି ।

ପଢନ୍ତୁ ଏହି ଖବର: ଏଣିକି ବକରୀଦରେ ବଙ୍ଗରେ କେବଳ ୧ ଦିନ ଛୁଟି; ପୂର୍ବରୁ ଏତିକି ଦିନ ଛୁଟି ଦେଉଥିଲେ ମମତା

• ଇଦ୍ ବଜାରରେ ଟ୍ରମ୍ପ ମଇଁଷି

କିଛି ଦିନ ପୂର୍ବରୁ ଏକ ଖବର ଆସିଥିଲା, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ବକରୀଦ୍ ପୂର୍ବରୁ ବାଂଲାଦେଶର ଏକ ବଜାରରେ ବିକ୍ରି ହେଉଥିଲା ଟ୍ରମ୍ପ ଓ ନେତାନ୍ୟାହୁ ମଇଁଷି । ତେବେ ପଶୁର ସ୍ଵଭାବ ଓ ରୂପକୁ ଦେଖି ଏପରି ନାଁ ଦିଆଯାଇଥିଲା । ଏହି ଦୁଇ ମଇଁଷି ଢାକା ନିକଟ ଏକ ଫାର୍ମରେ ରଖାଯାଇଥିଲା । ଲୋକେ ମଇଁଷି ସହିତ ଫଟୋ ଓ ସେଲ୍ଫି ନେଉଥିଲେ । ଧୀରେ ଧୀରେ ଦୁଇ ମଇଁଷିର ଫଟୋ ଓ ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ ଭାଇରାଲ ହୋଇଥଲା । ଏଥର ମେ ୨୮ ତାରିଖରେ ଇଦ୍-ଉଲ୍-ଅଜହା ବା ବକରୀଦ୍ ପାଳନ ହେବ ।

ପଢନ୍ତୁ ଏହି ଖବର: ଇଦ ପୂର୍ବରୁ ବଜାରରେ ବଢୁଛି ଟ୍ରମ୍ପ-ନେତାନ୍ୟାହୁ ମଇଁଷିର ଚାହିଦା; ସେଲ୍ଫି ପାଇଁ ପ୍ରବଳ ଭିଡ଼