India Bangladesh Border Tension 2026: ଭାରତରେ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କ ସମସ୍ୟା ଏକ ପ୍ରମୁଖ ପ୍ରସଙ୍ଗ ହୋଇ ରହିଛି। ଭୋଟର ତାଲିକା ସଂଶୋଧନକୁ ନେଇ ହୋଇଥିବା ନେଇ ହୋଇଥିବା SIR ପରେ ଦେଶରେ ବେଆଇନ ଭାବରେ ବସବାସ କରୁଥିବା ବହୁ ସଂଖ୍ୟକ ବାଂଲାଦେଶୀଙ୍କୁ ନିର୍ବାସିତ କରାଯାଇଛି। ଏବେ ପ୍ରଶ୍ନ ଉଠୁଛି ଯେ ଏଭଳି ଘଟଣା କାହିଁକି ଘଟୁଛି। ସୀମା ସୁରକ୍ଷା ଉଭୟ ଦେଶ ସାମ୍ନାରେ ଏକ ପ୍ରମୁଖ ସମସ୍ୟା ଭାବେ ଉଭା ହୋଇଛି। ଉଭୟେ ସୀମା ସୁରକ୍ଷା ପ୍ରସଙ୍ଗରେ ଆଲୋଚନା କରିବାକୁ ଯାଉଛନ୍ତି।

ଭାରତ-ବାଂଲାଦେଶ ମଧ୍ୟରେ ସୀମା ସମ୍ପର୍କିତ ପ୍ରସଙ୍ଗ ଉପରେ ଆଲୋଚନା ପାଇଁ ଜୁନ୍ ୮ ତାରିଖରୁ ୧୧ ପର୍ଯ୍ୟନ୍ତ ଏକ ଗୁରୁତ୍ୱପୂର୍ଣ୍ଣ ବୈଠକ ହେବାକୁ ଯାଉଛି। ଏହି ବୈଠକ ଦିଲ୍ଲୀରେ ଅନୁଷ୍ଠିତ ହେବ। ଯେଉଁଥିରେ ଭାରତୀୟ ସୀମା ସୁରକ୍ଷା ବଳ (ବିଏସଏଫ) ଏବଂ ସୀମା ସୁରକ୍ଷା ବାଂଲାଦେଶ ମଧ୍ୟରେ ୫୭ତମ ମହାନିର୍ଦ୍ଦେଶକ ସ୍ତରୀୟ ସୀମା ସମନ୍ୱୟ ସମ୍ମିଳନୀ ଅନୁଷ୍ଠିତ ହେବ। ଏଠାରେ ଉଲ୍ଲେଖଯୋଗ୍ୟ ଯେ ବିଗତ ୨୪ ଘଣ୍ଟା ମଧ୍ୟରେ ଗୁଜରାଟରେ କାର୍ଯ୍ୟକାରୀ ହୋଇଥିବା ଏକ ସ୍ୱତନ୍ତ୍ର ଅଭିଯାନରେ ୪୨୪ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ଗିରଫ କରାଯାଇଛି। ଏହି ମାମଲାରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଗୁଜୁରାଟ ପୋଲିସ ସ୍ପଷ୍ଟ କରିଦେଇଛି। ଏକଥା ଗୁଜୁରାଟ ଗୃହମନ୍ତ୍ରୀ ହର୍ଷ ସିଂଘଭି କହିଛନ୍ତି।

ଏହା ସହ ପଢନ୍ତୁ: ସୁରକ୍ଷିତ ହେବ ଦେଶର ସୀମା; ବିଏସଏଫ ଦଖଲକୁ ଗଲା ୧୨୧ ହେକ୍ଟର ଜମି

ବୈଠକର ନେତୃତ୍ୱ କିଏ ନେବେ?
ଏହି ବୈଠକରେ ବିଏସଏଫ ମହାନିର୍ଦ୍ଦେଶକ ପ୍ରବୀଣ କୁମାର ନେତୃତ୍ୱ ନେବେ। ଅନ୍ୟପଟେ ବାଂଲାଦେଶ ପ୍ରତିନିଧିମଣ୍ଡଳର ନେତୃତ୍ୱ ନେବେ ମହାନିର୍ଦ୍ଦେଶକ ମେଜର ଜେନେରାଲ ମହମ୍ମଦ ଅସରଫୁଉଜାମାନ ସିଦ୍ଦିକି। ଏହି ବୈଠକ ଦିଲ୍ଲୀର ସିଜିଓ କମ୍ପ୍ଲେକ୍ସ ସ୍ଥିତ ବିଏସଏଫ ମୁଖ୍ୟାଳୟରେ ଅନୁଷ୍ଠିତ ହେବ।

ଏହି ବୈଠକରେ ପ୍ରମୁଖ ପ୍ରସଙ୍ଗ କ'ଣ ହେବ?
ଉଭୟ ଦେଶର ସୀମା ସୁରକ୍ଷା ବାହିନୀ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବେ। ଯେଉଁଥିରେ ସୀମା ସୁରକ୍ଷା ଏବଂ ସମନ୍ୱୟ ବୃଦ୍ଧି ଉପରେ ଧ୍ୟାନ ଦିଆଯିବ। ବିଏସଏଫ ଯବାନ ଏବଂ ଭାରତୀୟ ନାଗରିକଙ୍କ ଉପରେ ଆକ୍ରମଣକୁ ରୋକିବା, ସୀମାପାର ଅପରାଧକୁ ରୋକିବା ଏବଂ ଭାରତରେ ବାଂଲାଦେଶୀ ନାଗରିକଙ୍କ ଅବୈଧ ଅନୁପ୍ରବେଶ ରୋକିବା ଉପରେ ପଦକ୍ଷେପ ନେବା ପାଇଁ ଆଲୋଚନା କରାଯିବ। ଏପରିକି ସୀମାରେ ଲଗା ଯାଇଥିବା ତାର ବାଡ଼କୁ କ୍ଷତି ପହଞ୍ଚାଇବା ଏବଂ ବେଆଇନ ଭାବରେ ସୀମା ଅତିକ୍ରମ କରିବା ପ୍ରସଙ୍ଗରେ ମଧ୍ୟ ଆଲୋଚନା କରାଯିବ।

ସୀମା ବାଡ଼ ଏବଂ ଭିତ୍ତିଭୂମି ଉପରେ ହେବ ଆଲୋଚନା
ଭାରତ-ବାଂଲାଦେଶ ସୀମାରେ ବାଡ଼ ନିର୍ମାଣ ସହ ଜଡିତ ପ୍ରସଙ୍ଗ ଉପରେ ମଧ୍ୟ ଆଲୋଚନା କରାଯିବ। ସୀମା ଅଞ୍ଚଳରେ ଆବଶ୍ୟକ ଭିତ୍ତିଭୂମି ଉନ୍ନତ କରିବା ସହିତ ଆତ୍ମବିଶ୍ୱାସ ବୃଦ୍ଧି ପଦକ୍ଷେପ ଉପରେ ମଧ୍ୟ ବିଚାର କରାଯିବ। ଉଭୟ ଦେଶ ସୀମାରେ ଉତ୍ତେଜନା ହ୍ରାସ କରି ସହଯୋଗ ବୃଦ୍ଧି କରିବାର ଉପାୟ ବାବଦରେ ଆଲୋଚନା କରାଯିବ।

ଆତଙ୍କବାଦ ପ୍ରସଙ୍ଗରେ ହେବ ଆଲୋଚନା
ଏହି ବୈଠକରେ ଆତଙ୍କବାଦ ସହିତ ଜଡିତ ପ୍ରସଙ୍ଗ ଉପରେ ମଧ୍ୟ ହେବ ଆଲୋଚନା। ଦୀର୍ଘ ଦିନ ଧରି ବାଂଲାଦେଶରେ କାର୍ଯ୍ୟ କରୁଥିବା ଭାରତ ବିରୋଧି ଆତଙ୍କବାଦୀ ଗୋଷ୍ଠୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଆସୁଛି। ଉଭୟ ପକ୍ଷ ଏବେ ଏହି ପ୍ରସଙ୍ଗରେ ମଧ୍ୟ ଆଲୋଚନା କରିବେ।

ଏହା ସହ ପଢନ୍ତୁ: ସିଲ୍ ହେବ ଭାରତ-ବାଂଲାଦେଶ ସୀମା; ଜମି ଆବଣ୍ଚନ ପରେ ଆରମ୍ଭ ହୋଇଗଲା ସର୍ଭେ

କେବେ ଅନୁଷ୍ଠିତ ହୋଇଥିଲା ଶେଷ ବୈଠକ?
ଉଭୟ ଦେଶର ସୀମା ସୁରକ୍ଷା ବଳ ମଧ୍ୟରେ ଶେଷ ସୀମା ସମନ୍ୱୟ ବୈଠକ ଗତ ବର୍ଷ ଅଗଷ୍ଟ ମାସରେ ଅନୁଷ୍ଠିତ ହୋଇଥିଲା। ଏହି ବୈଠକ ବାଂଲାଦେଶ ରାଜଧାନୀ ଢାକାରେ ଅଗଷ୍ଟ ୨୫ ତାରିଖରୁ ୨୮ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଏବେ ପ୍ରାୟ ୧୦ ମାସ ପରେ ପୁଣି ଥରେ ଉଭୟ ପକ୍ଷ ଏହି ବୈଠକରେ ମୁହାଁମୁହିଁ ହେବେ।

କେବେ ଠାରୁ ଆରମ୍ଭ ହୋଇଥିଲା ଏହି ପ୍ରକ୍ରିୟା
ଭାରତ-ବାଂଲାଦେଶ ମଧ୍ୟରେ ଏପରି ବୈଠକ ସର୍ବପ୍ରଥମେ ୧୯୭୫ ମସିହାରେ ଆରମ୍ଭ ହୋଇଥିଲା। ସେହି ବର୍ଷ ଉଭୟ ଦେଶ ସୀମା ଅଧିକାରୀଙ୍କ ମଧ୍ୟରେ ନିୟମିତ ଯୋଗାଯୋଗ ବଜାୟ ରଖିବାକୁ ରାଜି ହୋଇଥିଲେ। ପରବର୍ତ୍ତୀ ସମୟରେ ଉଭୟ ଦେଶର ସୀମା ସୁରକ୍ଷା ବାହିନୀ ମହାନିର୍ଦ୍ଦେଶକଙ୍କ ପ୍ରଥମ ବୈଠକ ୧୯୭୫ ମସିହା ଡିସେମ୍ବର ୨ ତାରିଖରେ କୋଲକାତାରେ ଆୟୋଜିତ ହୋଇଥିଲା। ସେତେବେଳେ ଭାରତୀୟ ପ୍ରତିନିଧିମଣ୍ଡଳର ନେତୃତ୍ୱ ତତ୍କାଳୀନ ବିଏସଏଫ ମୁଖ୍ୟ ଅଶ୍ୱିନୀ କୁମାର ନେଇଥିଲେ। ଅନ୍ୟପଟେ ବାଂଲାଦେଶ ସୀମା ସୁରକ୍ଷା ବାହିନୀର ନେତୃତ୍ୱ ମୁଖ୍ୟ ମେଜର ଜେନେରାଲ କାଜି ଗୋଲାମ ଦସ୍ତଗିର ନେଇଥିଲେ।