ସଜନା ପତ୍ରର ସ୍ଵାସ୍ଥ୍ୟ ଉପଯୋଗୀ ଗୁଣକୁ ବ୍ୟବହାର କରିବା ଉଦ୍ଦେଶ୍ୟରେ ଏହା ଉପରେ ହୋଇଥିଲା ଗବେଷଣା । ସଜନା ବା ମୋରିଙ୍ଗାରୁ କିପରି ସ୍ଵାସ୍ଥ୍ୟ ଉପଯୋଗୀ ନୂତନ ଉତ୍ପାଦ ତିଆରି ହେବ ତାହା ଉପରେ ପ୍ରୟାସ ହୋଇଥିଲା । ତେବେ ଏଥଲାଗି ପ୍ରଯୁକ୍ତିବିଦ୍ୟା ସହଯୋଗ ପ୍ରଦାନ କରିଛି ଗବେଷଣା ପ୍ରତିଷ୍ଠାନଗୁଡ଼ିକର ପ୍ରଯୁକ୍ତିବିଦ୍ୟାର ବାଣିଜ୍ୟକରଣ ପାଇଁ ଉତ୍ସର୍ଗୀକୃତ ସରକାରୀ ଏଜେନ୍ସି ଜାତୀୟ ଗବେଷଣା ବିକାଶ ନିଗମ (NRDC) । 

ଏହା ମାଧ୍ୟମରେ ଏନଆରଡିସି "ବିକଶିତ ଓଡ଼ିଶା" ଦୃଷ୍ଟିକୋଣ ପ୍ରତି ଏହାର ପ୍ରତିବଦ୍ଧତାକୁ ପୁନଃପ୍ରକାଶ କରିଛି । NRDC ଏବଂ ଟିମ୍‌ର ବରିଷ୍ଠ ଆଞ୍ଚଳିକ ମୁଖ୍ୟ ଡ. ବିଜୟ କୁମାର ସାହୁଙ୍କ ନେତୃତ୍ୱରେ ନିଗମ ସ୍ଥାନୀୟ ଉଦ୍ୟୋଗୀଙ୍କୁ ସଶକ୍ତ କରିବା ପାଇଁ ଗବେଷଣା ଉତ୍କର୍ଷତା ପ୍ରଦର୍ଶିତ କରିଛି । ସଜନା ପତ୍ର ଉପରେ ଗବେଷଣା କରିବା ପରେ ସଜନା ପତ୍ରରୁ ତିଆରି ହୋଇଛି କମ୍ ଚର୍ବିଯୁକ୍ତ ସ୍ଵାସ୍ଥ୍ୟକର ଖାଦ୍ୟ ପଦାର୍ଥ ଯେଉଁଥିରେ ମୋରିଙ୍ଗା ଡିପ୍‌, ମୋରିଙ୍ଗା ଚଟଣି ପାଉଡ଼ର ଆଦି ସାମିଲ ।

ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ, CSIR-CFTRI ଦ୍ୱାରା ବିକଶିତ ୩ଟି ମୋରିଙ୍ଗା ପ୍ରଯୁକ୍ତିବିଦ୍ୟା ପାଇଁ ଗତ ମାର୍ଚ୍ଚ ୧୮ ତାରିଖରେ 'ପ୍ରଯୁକ୍ତିବିଦ୍ୟା ଲାଇସେନ୍ସ' ଚୁକ୍ତିନାମା ଆଦାନପ୍ରଦାନ କରାଯାଇଥିଲା । ଏହି ପ୍ରଯୁକ୍ତିବିଦ୍ୟା ସଜନା ପତ୍ରର ସ୍ଵାସ୍ଥ୍ୟ ଉପଯୋଗୀ ଗୁଣକୁ ଭଲ ଭାବରେ ବ୍ୟବହାର କରିବାରେ ଏବଂ ନୂତନ ଉତ୍ପାଦ ସୃଷ୍ଟି କରିବାରେ ସାହାଯ୍ୟ କରିଛି । ନିମ୍ନରେ ଅଭିନବ ପ୍ରଯୁକ୍ତିବିଦ୍ୟା ବ୍ୟବହାର କରି ଗବେଷଣା ପରେ ମୋରିଙ୍ଗାରୁ ତିଆରି ହୋଇଥିବା ନୂତନ ଉତ୍ପାଦ ବିଷୟରେ ଜାଣନ୍ତୁ:

୧) ସଜନାରୁ କମ୍ ଚର୍ବି ବିଶିଷ୍ଟ 'ଗ୍ରୀନ ସ୍ନାକ୍ସ'
ସଜନା ପତ୍ରରୁ କମ୍ ଚର୍ବିଯୁକ୍ତ ଗ୍ରୀନ୍ ସ୍ନାକ୍ସ ତିଆରି କରାଯାଇଛି, ଯାହାକି ବେଶ ସ୍ଵାସ୍ଥ୍ୟ ଉପଯୋଗୀ । କାରଣ ଏହା ତେଲରେ ଛଣାଯାଉନାହିଁ, ଯାହାଦ୍ଵାରା ଏହା ନିଜର ପ୍ରକୃତ ଟେକ୍ସଚର ଏବଂ ସ୍ଵାଦକୁ ନ ବଦଳାଇ ବହୁ ଦିନ ଧରି ଷ୍ଟୋର୍ ହୋଇ ରହିପାରିବ । ଏହି ଉତ୍ପାଦକୁ ଯେକୌଣସି ସମୟର ଖାଦ୍ୟ ଭାବରେ ବ୍ୟବହାର କରାଯାଇପାରିବ । ଏହା ସହିତ, ଉତ୍ପାଦଗୁଡ଼ିକ ମୂଲ୍ୟ କମ୍ ଏବଂ ଏହାକୁ ଏକ ସ୍ୱାସ୍ଥ୍ୟକର ଖାଦ୍ୟ (କମ୍ ଚର୍ବି, ଉଚ୍ଚ-ଫାଇବର ଏବଂ ଉଚ୍ଚ-ପ୍ରୋଟିନ୍) ଭାବରେ ମଧ୍ୟ ବିବେଚନା କରାଯାଇପାରିବ । ଉତ୍ପାଦଟି ୩ ମାସରୁ ଅଧିକ ସମୟ ପାଇଁ ସଂରକ୍ଷଣ ହୋଇ ରହିପାରିବ ।

ପଢନ୍ତୁ ଏହି ଖବର: ରମଜାନରେ କାହିଁକି ଲୋକେ ଚାହାଁନ୍ତି ଇରାନୀ ଖଜୁରୀ

୨) ମୋରିଙ୍ଗା ଚିକ୍କି
ମୋରିଙ୍ଗା ଚିକ୍କି ପ୍ରାକୃତିକ ଉତ୍ସରୁ କୌଣସି ସଂରକ୍ଷଣକାରୀ ଦ୍ରବ୍ୟ ବା ପ୍ରିଜରଭେଟିଭ୍ସ ବିନା ତିଆରି କରାଯାଏ । ଏହି ଉତ୍ପାଦଟି ମୋରିଙ୍ଗା ପତ୍ର ପାଉଡର, ଗହମ ଗୁଣ୍ଡ, କଳା ତିଲ ଏବଂ ଗୁଡ଼ରୁ ତିଆରି । ଏହି ରେଡି-ଟୁ-ଇଟ୍ ଚିକ୍କି ଶରୀରକୁ ଅକ୍ସିଡାଣ୍ଟରୁ ସୁରକ୍ଷା ପ୍ରଦାନ କରେ । ପ୍ରାକୃତିକ ପୁଷ୍ଟିସାର, ଭିଟାମିନ୍, ଖଣିଜ ପଦାର୍ଥ ସହିତ ମୋରିଙ୍ଗା ଚିକ୍କି ଆଣ୍ଟି-ଅକ୍ସିଡାଣ୍ଟ କାର୍ଯ୍ୟକଳାପରେ ଯୋଗଦାନ କରେ । ଏହି ଉତ୍ପାଦରେ ଥିବା ଅନ୍ୟାନ୍ୟ ପୁଷ୍ଟିକର ପଦାର୍ଥ , ଆମିନୋ ଏସିଡ୍ ଏବଂ ଫ୍ୟାଟି ଏସିଡ୍ ବର୍ଷ ସାରା ଆପଣଙ୍କ ଶରୀରର ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ ।

୩) ମୋରିଙ୍ଗା ପତ୍ରରୁ ତିଆରି 'ଇନଷ୍ଟାଣ୍ଟ ପ୍ରଡକ୍ଟ'
ମୋରିଙ୍ଗା ଡିପ୍: ଏହି ଡିପ୍ ବିଭିନ୍ନ ଜଳଖିଆ ସହିତ ସାଇଡ୍ ଡିସ୍ ଭାବେ ଆପଣଙ୍କ ଖାଦ୍ୟରେ ସାମିଲ ହୋଇପାରିବ । ଏହା ପ୍ରୋଟିନ୍ ଏବଂ ଅନ୍ୟାନ୍ୟ ପୁଷ୍ଟିକର ପଦାର୍ଥର ଏକ ଭଲ ଉତ୍ସ ମଧ୍ୟ ।
ମୋରିଙ୍ଗା ପାଉଡର: ଯଦି ଆପଣ ଖୁବ କମ ସମୟ ମଧ୍ୟରେ କୌଣସି ଖାଦ୍ୟ ପ୍ରସ୍ତୁତ କରୁଛନ୍ତି, ତେବେ ଏହି ଉତ୍ପାଦକୁ ବ୍ୟବହାର କରିପାରିବେ । ଏହି ଉତ୍ପାଦକୁ ଆର୍ଥିକ ମୂଲ୍ୟରେ ପ୍ରୋଟିନର ଏକ ଭଲ ଉତ୍ସ ଭାବରେ ବ୍ୟବହାର କରାଯାଇପାରିବ ।
ମୋରିଙ୍ଗା ଚଟଣି ପାଉଡର: ଏହାକୁ ସ୍ନାକ୍ସ ଏବଂ ଜଳଖିଆ ଖାଦ୍ୟ ପାଇଁ ଏକ ସହାୟକ ଭାବରେ ବ୍ୟବହାର କରାଯାଇପାରିବ।
ମୋରିଙ୍ଗା ବିଭରେଜ୍ ମିକ୍ସ: ଏହାକୁ ଏକ ପ୍ରୋଟିନ୍ ପାନୀୟ ଫର୍ମୁଲେସନ୍ ଭାବରେ ବ୍ୟବହାର କରାଯାଏ ଏବଂ ପିଲା, ବୟସ୍କ, କିଶୋର ବ୍ୟକ୍ତିମାନେ କ୍ଷୀର କିମ୍ବା ଗରମ ପାଣି ସହିତ ସେବନ କରିପାରିବେ ।

ଅଧିକ ଖବର ପଢନ୍ତୁ...