Parliament Monsoon Session 20 July: ଆସନ୍ତା ୨୦ ତାରିଖରୁ ଆରମ୍ଭ ହେବ ସଂସଦର ମୌସୁମୀ ଅଧିବେଶନ। ଯାହା ୧୩ ଅଗଷ୍ଟ ପର୍ଯ୍ୟନ୍ତ ଚାଲିବ। କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଏହି ସୂଚନା ଦେଇଛନ୍ତି। ସାଧାରଣତଃ ମୌସୁମୀ ଅଧିବେଶନରେ ୨୦ ବୈଠକ ରହିଥାଏ, ଯାହା ପ୍ରାୟ ୪ ସପ୍ତାହ ପର୍ଯ୍ୟନ୍ତ ଚାଲିଥାଏ। ହେଲେ ତଥାପି ପୂର୍ବରୁ ଛୋଟ ଅଧିବେଶନ ଆୟୋଜିତ ହୋଇସାରିଛି। ଏଥରର ମୌସୁମୀ ଅଧିବେଶନ ପଶ୍ଚିମବଙ୍ଗ, ଆସାମ, କେରଳ, ତାମିଲନାଡୁ ଆଦି ରାଜ୍ୟରେ ଅନୁଷ୍ଠିତ ହୋଇଥିବା ବିଧାନସଭା ନିର୍ବାଚନ ଆୟୋଜିତ ହେଉଛି। ଏହି ନିର୍ବାଚନର ଫଳାଫଳ ମଧ୍ୟ ଗୃହ ଉପରେ ପ୍ରଭାବ ପକାଇପାରେ।

କେନ୍ଦ୍ରମନ୍ତ୍ରୀ କିରେନ ରିଜିଜୁ ଏକ୍ସ ପୋଷ୍ଟ ସେୟାର କରି କହିଛନ୍ତି, ଭାରତ ସରକାରଙ୍କ ସୁପାରିଶ କ୍ରମେ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨୦୨୬ ମୌସୁମୀ ଅଧିବେଶନ ପାଇଁ ସଂସଦର ଉଭୟ ଗୃହ ଡକାଯିବାକୁ ଅନୁମୋଦନ କରିଛନ୍ତି। ଏହି ଅଧିବେଶନ ଆସନ୍ତା ଜୁଲାଇ ୨୦ ତାରିଖରୁ ଆରମ୍ଭ ହୋଇ ୧୩ ଅଗଷ୍ଟ ପର୍ଯ୍ୟନ୍ତ ଚାଲିବ। ଯେଉଁଠାରେ ଜାତୀୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଅର୍ଥପୂର୍ଣ୍ଣ ବିତର୍କ, ଆଲୋଚନା ଏବଂ ନିଷ୍ପତ୍ତି ନିଆଯିବ।

ମୌସୁମୀ ଅଧିବେଶନ ତୃଣମୂଳ କଂଗ୍ରେସ (TMC) ଏବଂ ଶିବସେନା ଠାକରେ (UBT) ଗୋଷ୍ଠୀରେ ହୋଇଥିବା ବିଦ୍ରୋହ ଦ୍ୱାରା ମଧ୍ୟ ପ୍ରଭାବିତ ହେବ। ୨୦ ଟିଏମସି ଏବଂ ୬ ଶିବସେନା (ୟୁବିଟି) ସାଂସଦଙ୍କ ପୃଥକ ଗୋଷ୍ଠୀ ଭାବରେ ମାନ୍ୟତା ଦାବି ଉପରେ ଲୋକସଭା ବାଚସ୍ପତି ଓମ୍ ବିର୍ଲାଙ୍କ ନିଷ୍ପତ୍ତିକୁ ଅପେକ୍ଷା କରାଯାଇଛି। ଏହା ବ୍ୟତୀତ ରାଜ୍ୟସଭାରେ ନବନିର୍ବାଚିତ ଏବଂ ପୁନଃନିର୍ବାଚିତ ସାଂସଦଙ୍କ ଶପଥ ଗ୍ରହଣ ପରେ, ରାଜନୈତିକ ସମୀକରଣ ଶାସକ ଏନଡି଼ଏ ସପକ୍ଷରେ ସପକ୍ଷରେ ରହିଛି।

ଏହା ସହ ପଢନ୍ତୁ: ସଂସଦରେ ଏନଡ଼ିଏ ପାଇପାରେ ଦୁଇ-ତୃତୀୟାଂଶ ବହୁମତ; ଜାଣନ୍ତୁ କ'ଣ କହୁଛି ସଂଖ୍ୟା ଗଣିତ

ମୋଦି ସରକାର ଆଗତ କରିପାରନ୍ତି ଅନେକ ଗୁରୁତ୍ୱପୂର୍ଣ୍ଣ ବିଲ୍
ଏହି ଅଧିବେଶନରେ ମୋଦି ସରକାର ସରକାର ଅନେକ ଗୁରୁତ୍ୱପୂର୍ଣ୍ଣ ବିଲ୍ ଆଗତ କରିପରନ୍ତି। ଦୁଇ-ତୃତୀୟାଂଶ ବହୁମତ ହାସଲ କରିବା ପରେ କେନ୍ଦ୍ରରେ କ୍ଷମତାସୀନ ଶାସକ NDA ମେଣ୍ଟ ଅନେକ ଗୁରୁତ୍ୱପୂର୍ଣ୍ଣ ବିଲ୍ ଉପରେ ନଜର ରଖିଛି। ସରକାର ଦୁଇଟି ଗୁରୁତ୍ୱପୂର୍ଣ୍ଣ ସାମ୍ବିଧାନିକ ସଂଶୋଧନ ବିଲ୍ ଉପସ୍ଥାପନ କରିପାରନ୍ତି। ମହିଳା ସଂରକ୍ଷଣ ଏବଂ ସୀମା ନିର୍ଦ୍ଧାରଣ ସହିତ ଜଡିତ ୧୩୧ ତମ ସମ୍ବିଧାନ ସଂଶୋଧନ ବିଲ୍ ଉପସ୍ଥାପନ ହୋଇପାରେ। ଲୋକସଭା ଏବଂ ବିଧାନସଭା ଆସନ ସଂଖ୍ୟାରେ ୫୦ ପ୍ରତିଶତ ବୃଦ୍ଧି ପାଇଁ ସରକାର ଗତ ଅପ୍ରେଲ ମାସରେ ଆଗତ ହୋଇଥିବା ଏହି ବିଲ୍ ରେ ଗୁରୁତ୍ୱପୂର୍ଣ୍ଣ ସଂଶୋଧନ କରିପାରନ୍ତି।

ଆଗତ ହୋଇପାରେ ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀ, ମନ୍ତ୍ରୀଙ୍କୁ ହଟାଇବା ବିଲ୍
ସରକାର ୧୩୦ତମ ସମ୍ବିଧାନ ସଂଶୋଧନ ବିଲ୍ ଉପସ୍ଥାପନ କରିପାରନ୍ତି। ଯାହା ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଏବଂ ମନ୍ତ୍ରୀଙ୍କୁ ୩୦ ଦିନରୁ ଅଧିକ ସମୟ ପାଇଁ ଜେଲ୍ ଯିବାକୁ ଦେଲେ ସେମାନଙ୍କ ପଦବୀ ଛଡ଼ାଇ ନିଆଯିବ। କୁହାଯାଉଛି ଯେ JPC ଏହି ବିଲ୍ ରେ କିଛି ଗୁରୁତ୍ୱପୂର୍ଣ୍ଣ ସଂଶୋଧନ କରିବା ଲାଗି ପରାମର୍ଶ ଦେଇପାରେ। ଯେଉଁଥିରେ ସ୍ପଷ୍ଟ ଭାବରେ ଉଲ୍ଲେଖ କରିବା ଅନ୍ତର୍ଭୁକ୍ତ ଯେ କେଉଁ ଆଇନ ଅନୁଯାୟୀ ଦୋଷୀ ସାବ୍ୟସ୍ତ ହେଲେ ସେମାନ ସେମାନଙ୍କ ପଦବୀରୁ ହଟିଯିବେ। JPC ଆଇନର ଅପବ୍ୟବହାର ରୋକିବା ପାଇଁ ବ୍ୟବସ୍ଥା ମଧ୍ୟ ସୁପାରିଶ କରିପାରେ। ସରକାର ଏକ ରାଷ୍ଟ୍ର, ଏକ ନିର୍ବାଚନ ବିଲ୍ ପାସ୍ କରିପାରନ୍ତି।

ଏହା ସହ ପଢନ୍ତୁ: ସଂସଦରେ ଏନଡ଼ିଏ ହାତେଇପାରେ ଦୁଇ-ତୃତୀୟାଂଶ ବହୁମତ; ହେଲ କିପରି? 

ଏହା ବ୍ୟତୀତ ସରକାର FCRA ବିଲ୍, ବିକାଶିତ ଭାରତ ଶିକ୍ଷା ପ୍ରତିଷ୍ଠାନ ବିଲ୍, ଏବଂ ଡୋପିଂ ବିରୋଧି ବିଲ୍ ଆଗତ କରିପାରନ୍ତି। ସୁପ୍ରିମକୋର୍ଟରେ ବିଚାରପତିଙ୍କ ସଂଖ୍ୟା ବୃଦ୍ଧି ପାଇଁ ଅଧ୍ୟାଦେଶକୁ ବଦଳାଇବା ପାଇଁ ଏକ ବିଲ୍, କେନ୍ଦ୍ରୀୟ ମଜୁରୀ ନିୟମାବଳୀ, କର୍ପୋରେଟ୍ ଆଇନ ଏବଂ ସିକ୍ୟୁରିଟିଜ୍ ମାର୍କେଟ୍ କୋଡ୍ ଭଳି ବିଲ୍ ମଧ୍ୟ ଆଗତ ହୋଇପାରେ। ବିରୋଧି ଦଳ ଅପର୍ଯ୍ୟାପ୍ତ ମୌସୁମୀ ଯୋଗୁଁ ସାରା ଦେଶରେ ମରୁଡ଼ି ପରିସ୍ଥିତି ଏବଂ ଅତ୍ୟଧିକ ବର୍ଷା ଯୋଗୁଁ କିଛି ଅଞ୍ଚଳରେ ବନ୍ୟା ଉପରେ ଆଲୋଚନା ଦାବି କରିପାରନ୍ତି।