Super speciality hospital / ବିଗୁଡୁଥିବା ସ୍ୱାସ୍ଥ୍ୟସେବାର ବଦଳିବ ଚିତ୍ର; ଜଗତସିଂହପୁରରେ ଖୁବଶୀଘ୍ର ମେଡିକାଲ କଲେଜ

ରାଜ୍ୟର ସବୁଠୁ ଛୋଟ ଜିଲ୍ଲା ଜଗତସିଂହପୁରରେ ଅନେକ ଦିନ ଧରି ରହିଛି ସ୍ଵାସ୍ଥ୍ୟସେବା ସମସ୍ୟା । ଜିଲ୍ଲାବାସୀ ଛୋଟମୋଟ ଚିକିତ୍ସା ପାଇଁ କଟକ ଏସସିବି ମେଡିକାଲ ଉପରେ ନିର୍ଭରଶୀଳ । ହେଲେ ଜିଲ୍ଲାରେ ବିଗୁଡୁଥିବା ସ୍ୱାସ୍ଥ୍ୟସେବାର ଖୁବଶୀଘ୍ର ବଦଳିବ ଚିତ୍ର । କାରଣ ଜଗତସିଂହପୁରରେ ମେଡିକାଲ କଲେଜ ନିର୍ମାଣ ହେବା ସହ ପାରାଦୀପରେ ସୁପରସ୍ପେସିଆଲିଟି ହସ୍ପିଟାଲ ନିର୍ମାଣ ହେବ ।

• ଖୁବଶୀଘ୍ର ପାରାଦୀପରେ ସୁପରସ୍ପେଶାଲିଟି ହସ୍ପିଟାଲ

ପାରାଦୀପ ବନ୍ଦର ସହଯୋଗରେ ଖୁବଶୀଘ୍ର ପାରାଦୀପବାସୀଙ୍କୁ ଯୋଗାଇ ଦିଆଯିବ ଅତ୍ୟାଧୁନିକ ବ୍ୟବସ୍ଥା ସହିତ ଆଇସିୟୁ, ଭେଣ୍ଟିଲେଟର ଯୁକ୍ତ ଆମ୍ବୁଲାନ୍ସ ସେବା । ଏ ନେଇ ଆଜି ସୂଚନା ଦେଇଛନ୍ତି ଶିଳ୍ପମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ । ପାରାଦୀପ ଆଜି ବିଶ୍ୱରେ ସୁନାମ ଅର୍ଜନ କରିଥିବା ବେଳେ ଜାତୀୟ, ଅନ୍ତର୍ଜାତୀୟ ସ୍ତରର ଶିଳ୍ପସଂସ୍ଥାନ ଗୁଡିକ ପାରାଦୀପରେ ନିର୍ମାଣ ହୋଇଛି । ଯଥାଶୀଘ୍ର ଏ ନେଇ ପଦକ୍ଷେପ ଗ୍ରହଣ କରାଯିବା ସହିତ ଖୁବଶୀଘ୍ର ଜିଲ୍ଲାରେ ଏକ ମେଡିକାଲ କଲେଜର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ । ଏନେଇ ସମସ୍ତ ପ୍ରସ୍ତୁତି ସରିଛି ବୋଲି ମନ୍ତ୍ରୀ କହିଛନ୍ତି ।

ପଢନ୍ତୁ ଏହି ଖବର: ସାରା ବିଶ୍ଵରେ ଦେଖାଦେଇଛି ଶକ୍ତି ସଙ୍କଟ; ପୁଣି କୋଭିଡ ପରି ଲାଗିବ କି ଲକଡାଉନ୍ ?

• ପ୍ରସ୍ତୁତି ଶେଷ ପର୍ଯ୍ୟାୟରେ କହିଲେ ମନ୍ତ୍ରୀ

ଏହା ସହିତ ପାରାଦୀପରେ ରହିଥିବା ସମସ୍ତ ଶିଳ୍ପଗୁଡିକର ସିଏସଆର ଅର୍ଥ ବିନିଯୋଗରେ ଏକ ସୁପରସ୍ପେସିଆଲିଟି ହସ୍ପିଟାଲ ନିର୍ମାଣ କରାଯିବା ପାଇଁ ପ୍ରାକ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି । ଏନେଇ ଖୁବଶୀଘ୍ର କାର୍ଯ୍ୟ ଆରମ୍ଭ ହେବା ନେଇ ପାରାଦୀପ ବନ୍ଦର ଅଧ୍ୟକ୍ଷଙ୍କ ସହିତ ଆଲୋଚନା ହୋଇଥିବା ମନ୍ତ୍ରୀ କହିଛନ୍ତି । ପାରାଦୀପରେ ବିଭିନ୍ନ ସମୟରେ ଘଟୁଥିବା ଦୁର୍ଘଟଣା ହେଉ କିମ୍ବା ଗୁରୁତର ଅସୁସ୍ଥ ରୋଗୀଙ୍କୁ ନେବାପାଇଁ ଅତ୍ୟାଧୁନିକ ସୁବିଧା ସୁଯୋଗ ଏବଂ ଆଇସିୟୁ, ଭେଣ୍ଟିଲେଟର ଯୁକ୍ତ ଆମ୍ବୁଲାନ୍ସ ପାରାଦୀପବାସୀଙ୍କୁ ଭେଟିଦିଆଯିବ ବୋଲି କହିଛନ୍ତି ଶିଳ୍ପମନ୍ତ୍ରୀ । ଏହାଦ୍ୱାରା ପାରାଦୀପ ଅଞ୍ଚଳରୁ ସଠିକ ସମୟରେ ସ୍ଵାସ୍ଥ୍ୟ ସୁବିଧା ମିଳୁନଥିବା ପରି ରୋଗୀ ମୃତ୍ୟୁ ସଂଖ୍ୟା ହ୍ରାସ ପାଇବ । ପାରାଦୀପର ସ୍ୱାସ୍ଥ୍ୟସେବାରେ ଏକ ବଡ଼ ପରିବର୍ତ୍ତନ ଆସିବ ବୋଲି କହିଛନ୍ତି ଶିଳ୍ପମନ୍ତ୍ରୀ ।

ଅଧିକ ଖବର ପଢନ୍ତୁ...