ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ଆଜି ମତଦାନ ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟ ଭୋଟିଂ ୧୬ଟି ଜିଲ୍ଲାର ୧୫୨ଟି ଆସନ (ଉତ୍ତର ବଙ୍ଗରେ ୮ଟି ଏବଂ ଦକ୍ଷିଣ-ମଧ୍ୟ ବଙ୍ଗରେ ୮ଟି)ରେ ହେଉଛି । ସକାଳ ୭ଟାରେ ମତଦାନ ଆରମ୍ଭ ହୋଇଥିବାବେଳେ ପ୍ରାୟ ୩ କୋଟି ୬୦ ଲକ୍ଷ ଭୋଟର ୧,୪୫୨ ପ୍ରାର୍ଥୀଙ୍କ ରାଜନୈତିକ ଭାଗ୍ୟ ନିର୍ଣ୍ଣୟ କରୁଛନ୍ତି । ଶାନ୍ତିପୂର୍ଣ୍ଣ ମତଦାନ ସୁନିଶ୍ଚିତ କରିବା ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଲୋକମାନେ ସକାଳଠାରୁ ସେମାନଙ୍କର ଗଣତାନ୍ତ୍ରିକ ଅଧିକାର ପ୍ରୟୋଗ କରିବା ପାଇଁ ବୁଥ୍ ଆଗରେ ଲମ୍ବା ଧାଡ଼ି ଲଗାଇଛନ୍ତି ।

ରାଜ୍ୟରେ ୨୦୧୧ ମସିହାଠାରୁ ମମତାଙ୍କ ଦଳ ତୃଣମୂଳ କଂଗ୍ରେସ (TMC) କ୍ଷମତାରେ ଅଛି । ଏଥର ନିର୍ବାଚନ ଜିତି ମୁଖ୍ୟମନ୍ତ୍ରୀ ମମତା ବାନାର୍ଜୀ ଚତୁର୍ଥ ଥର ପାଇଁ ଶାସନ କ୍ଷମତା ହାତେଇବାକୁ ଉଦ୍ୟମ କରୁଛନ୍ତି । ତେବେ ବିଜେପି ପାଇଁ ଏହି ନିର୍ବାଚନ ବେଶ ଗୁରୁତ୍ଵପୂର୍ଣ୍ଣ କାରଣ ବିଜେପି ଦ୍ଵାରା ଶାସିତ ହୋଇନଥିବା ରାଜ୍ୟମାନଙ୍କ ମଧ୍ୟରୁ ପଶ୍ଚିମବଙ୍ଗ ଗୋଟିଏ । ବିଜେପି ପଶ୍ଚିମବଙ୍ଗରେ ଅନେକ ରାଜନୈତିକ ସଫଳତା ହାସଲ କରିଥିଲେ ସୁଦ୍ଧା ରାଜ୍ୟ ଶାସନଭାରକୁ ହାତକୁ ନେଇନାହିଁ ।

• ଭବାନିପୁର ଆସନରେ କଡା ଟକ୍କର

ଏଥର ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଦିଦିଙ୍କୁ ଟକ୍କର ଦେବାକୁ ମଇଦାନରେ ଅଛନ୍ତି ବିଜେପିର ହେଭିୱେଟ୍ ପ୍ରାର୍ଥୀ ଶୁଭେନ୍ଦୁ ଅଧିକାରୀ, ଯିଏକି ୨୦୨୧ ନିର୍ବାଚନରେ ଦିଦିଙ୍କ ଗଡ଼ କୁହାଯାଉଥିବା ନନ୍ଦିଗ୍ରାମରୁ ଦିଦିଙ୍କୁ ହରାଇ ବିଜୟୀ ହୋଇଥିଲେ । ଏଥର ସେ ମଧ୍ୟ ଭବାନିପୁର ଆସନରୁ ଲଢୁଛନ୍ତି, ଯାହାଦ୍ଵାରା ସିଧାସଳଖ ସିଏମ ମମତାଙ୍କୁ ଟକ୍କର ଦେବେ । ଏହାରି ମଧ୍ୟରେ ଭବାନିପୁର ବିଧାନସଭା ଆସନରେ ଏସଆଇଆର ବା ସ୍ଵତନ୍ତ୍ର ସଂଶୋଧନ ପ୍ରକ୍ରିୟା ଲାଗୁ ହେବା ପରେ ଏହି ବିଧାନସଭା ନିର୍ବାଚନ ମଣ୍ଡଳୀରେ ପ୍ରାୟ ୨୫ ପ୍ରତିଶତ ମତଦାତାଙ୍କ ସଂଖ୍ୟା ହ୍ରାସ ପାଇଛି । ଏସଆଇଆର ପୂର୍ବରୁ ଏଠାରେ ପ୍ରାୟ ୨ ଲକ୍ଷ ୬ ହଜାର ମତଦାତା ଥିଲେ । ଏମାନଙ୍କ ମଧ୍ୟରୁ ୫୧ ହଜାର ଭୋଟରଙ୍କ ନାମ ହଟାଯାଇଛି । ଏବେ ନିର୍ବାଚନରେ ଚର୍ଚ୍ଚା ହେଉଛି କି ଏସଆଇଆଇର ଦିଦିଙ୍କ ଅଙ୍କ ବିଗାଡ଼ିଦେବ କି ? ଏସଆଇଆଇରର ଫାଇଦା ଏଥର କାହାକୁ ମିଳିବ ? କାହାକୁ ନିଜର ନେତା ବାଛିବ ଭବାନିପୁରବାସୀ ?

• ଭୋଟରଙ୍କୁ ପିଏମ ମୋଦିଙ୍କ ଅପିଲ୍

ଅନ୍ୟପଟେ ପ୍ରଧାନମନ୍ତ୍ରୀ ମୋଦି Xରେ ଏକ ପୋଷ୍ଟରେ ଲୋକମାନଙ୍କୁ ବହୁ ସଂଖ୍ୟାରେ ଭୋଟ ଦେବାକୁ ନିବେଦନ କରିଛନ୍ତି । ସେ କହିଛନ୍ତି, "ମୁଁ ପଶ୍ଚିମବଙ୍ଗ ଏବଂ ତାମିଲନାଡୁର ସମସ୍ତ ଭୋଟରଙ୍କୁ ଗଣତନ୍ତ୍ରର ଏହି ପବିତ୍ର ଉତ୍ସବରେ ଉତ୍ସାହର ସହିତ ଅଂଶଗ୍ରହଣ କରିବାକୁ ଆହ୍ଵାନ କରୁଛି । ପଶ୍ଚିମବଙ୍ଗର ବିଶେଷ କରି ଯୁବପିଢ଼ି ଏବଂ ମହିଳାମାନଙ୍କୁ ବାହାରକୁ ଆସି ରେକର୍ଡ ସଂଖ୍ୟାରେ ଭୋଟ ଦେବାକୁ ଅନୁରୋଧ କରୁଛି ।"

Phase 1 of the West Bengal Assembly elections takes place today. I urge all citizens to participate in this festival of democracy with full strength. I especially appeal to my young friends and to the women of West Bengal to vote in large numbers.

— Narendra Modi (@narendramodi) April 23, 2026

ପଢନ୍ତୁ ଏହି ଖବର: ପ୍ରଥମ ପର୍ଯ୍ୟାୟ ଲାଗି ସରିଛି ପ୍ରଚାର; ଗୁରୁବାର ଭୋଟ୍‍, ଚର୍ଚ୍ଚାରେ ଏହି ୭ ଆସନ

आज बंगाल में पहले चरण का मतदान है। इस बार का बंगाल चुनाव प्रदेश के वर्तमान के साथ-साथ भविष्य के लिए भी बहुत महत्त्वपूर्ण है। एक मजबूत नेतृत्व वाली सरकार ही बंगाल की डेमोग्राफी बदलने वाले घुसपैठियों, सिंडिकेट और कटमनी राज से प्रदेश को मुक्ति दिला सकती है। बंगाल की माताओं, बेटियों…

— Amit Shah (@AmitShah) April 23, 2026

ଗୃହମନ୍ତ୍ରୀ ଅମିତ ଶାହ ମଧ୍ୟ ଏକ୍ସରେ ପୋଷ୍ଟ କରି କହିଛନ୍ତି, "ଆଜି ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟ ମତଦାନ । ଏଥର ପଶ୍ଚିମବଙ୍ଗ ନିର୍ବାଚନ, ରାଜ୍ୟର ବର୍ତ୍ତମାନ ଏବଂ ଭବିଷ୍ୟତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କେବଳ ଏକ ଦୃଢ଼ ନେତୃତ୍ୱ ଥିବା ସରକାର ହିଁ ବଙ୍ଗର ଜନସଂଖ୍ୟାକୁ ପରିବର୍ତ୍ତନ କରୁଥିବା ଅନୁପ୍ରବେଶକାରୀ, ସିଣ୍ଡିକେଟ୍ ଏବଂ କଟ-ମନି ନିୟମରୁ ରାଜ୍ୟକୁ ମୁକ୍ତ କରିପାରିବ । ବଙ୍ଗର ମାଆ ଏବଂ ଝିଅମାନଙ୍କ ପାଇଁ ଏକ ସୁରକ୍ଷିତ ରାଜ୍ୟ ଗଠନ କରିବା ପାଇଁ ଆଜି ବହୁ ସଂଖ୍ୟାରେ ଭୋଟ ଦିଅନ୍ତୁ । ସମସ୍ତ ଭୋଟର, ବିଶେଷକରି ଯୁବପିଢ଼ି, ଏକ ସମୃଦ୍ଧ ଏବଂ ବିକଶିତ ବଙ୍ଗଳା ଗଠନ କରିବା ପାଇଁ ପ୍ରଥମେ ଭୋଟ ଦେବା ଉଚିତ ।"

• ଏପ୍ରିଲ ୨୯ରେ ଦ୍ଵିତୀୟ ପର୍ଯ୍ୟାୟ ମତଦାନ

ପଶ୍ଚିମବଙ୍ଗର ମୋଟ ୨୯୪ଟି ଆସନ ମଧ୍ୟରୁ ଆଜି ପ୍ରଥମ ପର୍ଯ୍ୟାୟ ମତଦାନରେ ୧୫୨ଟି ଆସନ ପାଇଁ ପଡୁଛି ଭୋଟ୍ । ଆସନ୍ତା ବୁଧବାର ତଥା ଏପ୍ରିଲ ୨୯ରେ ଦ୍ଵିତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହେବ ଓ ବାକି ଆସନ ପାଇଁ ପଡ଼ିବ ଭୋଟ୍ । ଆଜି ପ୍ରଥମ ପର୍ଯ୍ୟାୟ ଭୋଟିଂରେ ମତଦାତା ମୋଟ ୧୪୭୮ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି । ରାଜ୍ୟରେ ଆଞ୍ଚଳିକ ଦଳ ତୃଣମୂଳ କଂଗ୍ରେସ (ଟିଏମସି) ଓ ବିଜେପି ମଧ୍ୟରେ କଡ଼ା ମୁକାବିଲା ହେଉଛି ।

ପଢନ୍ତୁ ଏହି ଖବର: ଭୋଟ ପୂ୍ର୍ବରୁ ବନ୍ଦ ହେଲା ଜୟଗାଓଁ ଗେଟ୍; ଯାତାୟତ ଉପରେ ଲାଗିଲା ରୋକ୍

• ତାମିଲନାଡୁରେ ବି ଆଜି ଭୋଟିଂ

ପଶ୍ଚିମବଙ୍ଗ ସହିତ ଆଜି ତାମିଲନାଡୁରେ ବି ଗୋଟିଏ ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଛି । ତାମିଲନାଡୁର ସମସ୍ତ ୨୩୪ ଆସନ ପାଇଁ ସକାଳ ୭ଟାରୁ ମତଦାନ ଆରମ୍ଭ ହୋଇଯାଇଛି । ରାଜ୍ୟରେ କ୍ଷମତାସୀନ ଡିଏମକେ ସରକାରକୁ ଗାଦିଚ୍ୟୁତ କରିବା କ୍ଷମତାକୁ ଫେରିବାର ଲକ୍ଷ୍ୟ ରଖିଛି ଏଆଇଏଡିଏମକେ । ଅନ୍ୟପକ୍ଷରେ ତାମିଲ ଅଭିନେତା ଥାଲାପତି ବିଜୟଙ୍କ ଟିଭିକେ ୨୦୨୬ ତାମିଲନାଡୁ ମହାସମରକୁ ତ୍ରିକୋଣୀୟ କରିସାରିଛି । ବର୍ତ୍ତମାନ ବିଜେପି ନେତୃତ୍ୱାଧିନ ଏନଡିଏ ମେଣ୍ଟରେ ରହିଛି ଏଆଇଏଡିଏମକେ ।