୨୦୨୬ ଆଇପିଏଲ ମଧ୍ୟରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ସମ୍ପର୍କରେ ଏକ ଆଶ୍ଚର୍ଯ୍ୟଜନକ ଦାବି କରାଯାଇଛି । ଆହତ ଯୋଗୁଁ ଗତ କିଛି ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ଦଳ ସହିତ ଦେଖାଯାଇନାହାନ୍ତି କି ଦଳ ସହିତ ଯାତ୍ରା କରୁନାହାଁନ୍ତି । ଏହି ସମୟରେ ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେଉଛି, ଯେଉଁଥିରେ ଦାବି କରାଯାଉଛି ଯେ ହାର୍ଦ୍ଦିକ ପାଣ୍ଡ୍ୟା ତାଙ୍କ ପ୍ରେମିକା ମାହିକା ଶର୍ମାଙ୍କୁ ବିବାହ କରିବାକୁ ଯାଉଛନ୍ତି । ହାର୍ଦ୍ଦିକ ପାଣ୍ଡ୍ୟା ୮ ଜୁଲାଇ, ୨୦୨୪ରେ ପୂର୍ବ ପତ୍ନୀ ନତାଶା ଷ୍ଟାନକୋଭିକଙ୍କ ଠାରୁ ଛାଡପତ୍ର ଘୋଷଣା କରିଥିଲେ ଏବଂ ସେବେଠାରୁ ସେ ମାହିକା ଶର୍ମାଙ୍କୁ ଡେଟ୍ କରୁଛନ୍ତି ।

• ବାଜିବ କି ହାର୍ଦ୍ଦିକ ପାଣ୍ଡ୍ୟାଙ୍କ ଶାହାନାଇ ?

ଏକ ଭାଇରାଲ ପୋଷ୍ଟ ଅନୁଯାୟୀ, ହାର୍ଦ୍ଦିକ ପାଣ୍ଡ୍ୟା ଏବଂ ମାହିକା ଶର୍ମା ଆସନ୍ତା ମେ ୨୨ ତାରିଖରେ ବିବାହ କରିପାରନ୍ତି । ତଥାପି, ହାର୍ଦ୍ଦିକ ପାଣ୍ଡ୍ୟା କିମ୍ବା ତାଙ୍କ ଟିମ ପକ୍ଷରୁ କୌଣସି ଆନୁଷ୍ଠାନିକ ସ୍ପଷ୍ଟ ସୂଚନା ଦିଆଯାଇନାହିଁ । ପୋଷ୍ଟଟି ହଠାତ୍ ବିବାହର କାରଣ ମଧ୍ୟ ପ୍ରକାଶ କରିଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

• କାହିଁକି ହଠାତ୍ ବିବାହ କରିବେ ହାର୍ଦ୍ଦିକ ?

ଭାଇରାଲ୍ ପୋଷ୍ଟରେ ଦାବି କରାଯାଇଛି ଯେ ମୁମ୍ବାଇ ଇଣ୍ଡିଆନ୍ସ ମ୍ୟାଚ୍ ସମୟରେ ମାହିକା ଶର୍ମାଙ୍କୁ ନିୟମିତ ଭାବରେ ଷ୍ଟାଡିୟମରେ ଦେଖାଯାଉଥିଲା । ହାର୍ଦ୍ଦିକ ପ୍ରାୟତଃ ମ୍ୟାଚ୍ ପରେ ସିଧା ତାଙ୍କ ପାଖକୁ ଯାଉଥିଲେ ଏବଂ ଦଳର ଡି-ବ୍ରିଫିଂରେ ଅଂଶଗ୍ରହଣ କରୁନଥିଲେ । ଏହା ମଧ୍ୟ ଅଭିଯୋଗ ହୋଇଛି ଯେ ମାହିକା ଶର୍ମା କିଛି ଡ୍ରେସିଂ ରୁମ୍ ଆଲୋଚନା ଲିକ୍ କରିବାରେ ସାମିଲ ଥିଲେ, ଏହି କଥା ଉକ୍ତ ପୋଷ୍ଟରେ ସ୍ପଷ୍ଟ ଭାବେ ଲେଖାଯାଇଛି । ଏହି ଘଟଣାଗୁଡ଼ିକ ଯୋଗୁଁ, BCCI କଡ଼ା ନିୟମ ଜାରି କରିଛି ଯାହା ଖେଳାଳିମାନଙ୍କୁ ସେମାନଙ୍କ ପ୍ରେମିକାଙ୍କୁ ଟିମକୁ ଆଣିବାରୁ ନିଷେଧ କରୁଛି ।

ପଢନ୍ତୁ ଏହି ଖବର: ମୁମ୍ବାଇ ଇଣ୍ଡିଆନ୍ସକୁ ଅନଫଲୋ କଲେ କି ହାର୍ଦ୍ଦିକ ପାଣ୍ଡ୍ୟା ? ଜଣାପଡ଼ିଲା ସତ

ଏହି କଥିତ ବିବାଦ ଯୋଗୁଁ ହାର୍ଦ୍ଦିକ ପାଣ୍ଡ୍ୟା ଗତ କିଛି ମ୍ୟାଚ୍ ଖେଳିବାକୁ ମନା କରିଦେଇଥିବା ମଧ୍ୟ ପୋଷ୍ଟରେ କୁହାଯାଇଛି । ସୋସିଆଲ ମିଡିଆରେ ଦାବି କରାଯାଉଛି ଯେ ବିବାହ ପରେ ମାହିକା ଶର୍ମା ଆଉ ଏହି କଟକଣାର ଶିକାର ହେବେ ନାହିଁ, ତେଣୁ ହାର୍ଦ୍ଦିକ ମାହିକାଙ୍କୁ ଖୁବଶୀଘ୍ର ବିବାହ କରିବାକୁ ନିଷ୍ପତ୍ତି ନେଇଛନ୍ତି । ଯେଉଁ ଏକ୍ସ ପୋଷ୍ଟରେ ଏହା ଦାବି କରାଯାଇଛି, ଉକ୍ତ ଆକାଉଣ୍ଟରେ କ୍ରିକେଟ ସମ୍ବନ୍ଧୀୟ ଅନେକ ତଥ୍ୟ ନିୟମିତ ଭାବେ ସେୟାର କରାଯାଏ । ତେବେ ହାର୍ଦ୍ଦିକ ଉକ୍ତ ପୋଷ୍ଟ ଉପରେ ଏଯାବତ କୌଣସି ମନ୍ତବ୍ୟ ରଖିନାହାନ୍ତି ।

Hardik Pandya Set to Marry Again on May 22? 💍

Here is the shocking inside story behind Hardik Pandya’s sudden cricket absence and his rumored upcoming wedding! 🧵👇

- Mahieka was spotted constantly at the stadium during Hardik's matches.
- Hardik reportedly rushed straight to… pic.twitter.com/ziix8PP7TD

— Cricket Central (@CricketCentrl) May 15, 2026

• ମୁମ୍ବାଇ ଇଣ୍ଡିଆନ୍ସର ଖରାପ ଅବସ୍ଥା

ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ, ମୁମ୍ବାଇ ଇଣ୍ଡିଆନ୍ସ ଏହି ସିଜିନରେ ମାତ୍ର ଦୁଇଟି ମ୍ୟାଚ୍ ଜିତିଛି ଏବଂ ପ୍ଲେଅଫ୍ ଦୌଡ଼ରୁ ବାହାର ହୋଇଛି । ହାର୍ଦ୍ଦିକ ୮ଟି ମ୍ୟାଚ୍ ଖେଳି ୧୦୭ ରନ୍ କରିଛନ୍ତି ଏବଂ ମାତ୍ର ଚାରିଟି ୱିକେଟ୍ ନେଇଛନ୍ତି । ତାଙ୍କର ଫର୍ମ ଏବଂ ଦଳର ପ୍ରଦର୍ଶନ ଉଭୟ ନିରାଶାଜନକ ରହିଛି । ସୂଚନା ଥାଉ କି କିଛି ଦିନ ତଳେ ହାର୍ଦ୍ଦିକ ମୁମ୍ବାଇ ଇଣ୍ଡିଆନ୍ସକୁ ପ୍ରଥମେ ଅନଫଲୋ କରିଥିଲେ ଓ ଖବର ପ୍ରସାରଣ ହେବା ପରେ ପୁଣିଥରେ ଫଲୋ କରିଥିଲେ । ଏହାପରେ ସେ ରୋହିତ ଶର୍ମା ଓ ସୂର୍ଯ୍ୟ କୁମାର ଯାଦବଙ୍କୁ ମଧ୍ୟ ଇନଷ୍ଟାଗ୍ରାମରେ ଅନଫଲୋ କରିଛନ୍ତି ।

ଅଧିକ କ୍ରୀଡା ସମ୍ବନ୍ଧୀୟ ଖବର ପଢନ୍ତୁ...