ଟି-୨୦ ବିଶ୍ଵକପ୍ ୨୦୨୬ରେ ଆଜି ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ଧମାକାଦାର ମ୍ୟାଚ୍ ହେବାକୁ ଯାଉଛି । କୋଲକାତାର ଇଡେନ ଗାର୍ଡେନରେ ହେବାକୁ ଥିବା ଏହି ମ୍ୟାଚରେ ଯିଏ ଜିତିବ ସେ ସେମିଫାଇନାଲରେ ପ୍ରବେଶ କରିବ । ଉଭୟ ଟିମର ପ୍ରଦର୍ଶନ ଟୁର୍ଣ୍ଣାମେଣ୍ଟରେ କମାଲ୍ ରହିଛି ଓ ଏଥିଲାଗି ମ୍ୟାଚର ଫଳାଫଳ କିଛି ବି ହୋଇପାରେ । ଆଜିର ଏହି ଗୁରୁତ୍ଵପୂର୍ଣ୍ଣ ମ୍ୟାଚକୁ ନେଇ ପାକିସ୍ତାନର ଏକ ଲାଇଭ୍ ଟିଭି ଶୋ'ରେ ମୁହାଁମୁହିଁ ହୋଇଛନ୍ତି ଦୁଇ ପାକିସ୍ତାନୀ ଖେଳାଳି ।

• ଲାଇଭ୍ ଟିଭିରେ ଯୁକ୍ତିତର୍କ

ପାକିସ୍ତାନରେ ଟିଭିରେ ପ୍ରସାରଣ ହେଉଥିବା ଏକ କ୍ରୀଡା ସମ୍ବନ୍ଧୀୟ ଶୋ' "ହାର୍ ନା ମନା ହେ"ର ଏକ ଭିଡିଓ କ୍ଲିପ୍ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଯେଉଁଥିରେ ପୂର୍ବ ପାକିସ୍ତାନୀ କ୍ରିକେଟର ଅହମ୍ମଦ ଶେହଜାଦ ଟିମ୍ ଇଣ୍ଡିଆ ଆଜିର ମ୍ୟାଚରେ ଜିତିବ ବୋଲି ଦାବି କରିଛନ୍ତି । ସେପଟେ ମହମ୍ମଦ ଆମିର ୱେଷ୍ଟଇଣ୍ଡିଜ୍ ଜିତିବ ବୋଲି ଭବିଷ୍ୟବାଣୀ କରିଥିଲେ । ଏହି ସମୟରେ ଶେହଜାଦ ତାଙ୍କୁ ଜବାବ ଦେଇ କହିଥିଲେ, "ମୋତେ ଲାଗୁଛି ଭାରତୀୟ ଟିମ୍ ମ୍ୟାଚ୍ ଜିତିବ ଓ ସେମିଫାଇନାଲ ଖେଳିବ । କାରଣ ଭାରତୀୟ ଟିମ ଏକ ଦମଦାର ଟିମ୍ । ତାଙ୍କ ଟିମକୁ ଜଣାଅଛି ଯେ ବଡ଼ ମ୍ୟାଚରେ ଚାପରେ କେମିତି ଖେଳିବାକୁ ପଡ଼େ ।"

Muhammad Amir said, "West Indies will easily beat India."

Ahmed Shehzad said, "If India loses, I will quit the show."pic.twitter.com/A4NrrzP2Mv

— Sheri. (@CallMeSheri1_) March 1, 2026

ଶେହଜାଦ ଆଗକୁ କହିଥିଲେ, "ପାକିସ୍ତାନ ବିପକ୍ଷ ମ୍ୟାଚ୍ ଠାରୁ ବଡ଼ ଚାପ ଆଉ କିଛି ନାହିଁ । ଉକ୍ତ ମ୍ୟାଚକୁ ଭାରତ ଏକପାଖିଆ ଭାବରେ ଜିତିଥିଲା । ଜିମ୍ବାୱେ ବିପକ୍ଷରେ ସେମାନେ ଜାଣିଥିଲେ ଯେ ସେମାନଙ୍କୁ ବଡ଼ ବ୍ୟବଧାନରେ ଜିତିବାକୁ ପଡ଼ିବ । ସେଥିପାଇଁ ସେମାନେ ୨୫୦ରୁ ଅଧିକ ରନ୍ କରିଥିଲେ । ବଡ଼ ଦଳଗୁଡ଼ିକ ପ୍ରାୟତଃ ଏପରି ସମୟରେ ୧୫୦ ରନକୁ ଅଧିକ ଭାବନ୍ତି, କିନ୍ତୁ ଟିମ୍ ଇଣ୍ଡିଆର ପରିସ୍ଥିତି ଏପରି ନୁହେଁ । ଯଦି ଭାରତ ହାରିଯାଏ, ତେବେ ମୁଁ ଏହି ଶୋ' ଛାଡ଼ିଦେବି । ମୁଁ ଏଥିରେ ଆଉ ପଛକୁ ହଟିବି ନାହିଁ ।"

ପଢନ୍ତୁ ଏହି ଖବର: ଆଜି ଭାରତର ବିଶ୍ଵକପ୍ ଭାଗ୍ୟ ପରୀକ୍ଷା; ମ୍ୟାଚ୍ ପୂର୍ବରୁ ଜାଣିନିଅନ୍ତୁ ପିଚ୍ ରିପୋର୍ଟ

• ଭାରତର ହାରିବ କହିଲେ ମହମ୍ମଦ ଆମିର

ପୂର୍ବତନ ପାକିସ୍ତାନୀ ଦ୍ରୁତ ବୋଲର ମହମ୍ମଦ ଆମିର ଶୋ'ରେ ୱେଷ୍ଟଇଣ୍ଡିଜ୍ ଭାରତକୁ ପରାସ୍ତ କରିବ ବୋଲି ଦାବି କରିଛନ୍ତି । ସେ କହିଛନ୍ତି, "ୱେଷ୍ଟଇଣ୍ଡିଜ୍ ସହଜରେ ଭାରତକୁ ପରାସ୍ତ କରିପାରିବ । ମ୍ୟାଚ୍ କୋଲକାତାରେ ହେଉଛି ଏବଂ ଜସପ୍ରିତ ବୁମରାହଙ୍କ ବ୍ୟତୀତ ସେମାନଙ୍କର ବୋଲିଂ ପ୍ରଭାବଶାଳୀ ହୋଇନାହିଁ । ଜିମ୍ବାୱେ ମଧ୍ୟ ୧୮୪ ରନ କରିଥିଲା । ପୂର୍ବ ମ୍ୟାଚରେ ୱେଷ୍ଟଇଣ୍ଡିଜ୍ ୬ ୱିକେଟରେ ୯୦ ରନ କରିଥିଲା, କିନ୍ତୁ ଏହା ସତ୍ତ୍ୱେ ସେମାନେ ୧୮୦ ରନ କରିଥିଲେ । ମୁଁ ଭାବୁଛି ସେମାନେ ସହଜରେ ଭାରତକୁ ପରାସ୍ତ କରିପାରିବେ ।"

ଅଧିକ ଖବର ପଢନ୍ତୁ...