ସାରା ରାଜ୍ୟରେ ଶୀତ ଲହରୀ । କଲବଲ କରୁଛି ଜାଡ଼ । ତେବେ ଆଗାମୀ ଦୁଇ ସପ୍ତାହ ଯାଏଁ ରାଜ୍ୟରେ ଶୀତରୁ ନାହିଁ ନିସ୍ତାର । ଏନେଇ ସୂଚନା ଦେଇଛନ୍ତି ପାଣିପାଗ ବିଜ୍ଞାନୀ ଉମାଶଙ୍କର ଦାସ । ୨୪ ସହରରେ ରାତି ତାପମାତ୍ରା ୧୦ କିମ୍ବା ତାଠୁ କମ୍‌ ଥିଲା । ସେପଟେ ଆଗାମୀ ୪୮ ଘଣ୍ଟା ପାଇଁ ରାଜ୍ୟରେ ଶୀତ ଲହରୀ ଜାରି କରାଯାଇଛି ।

ଟ୍ବିନ୍ ସିଟିରେ ହାଡ଼ ଭଙ୍ଗା ଜାଡ଼ । ଭୁବନେଶ୍ୱରରେ ରେକର୍ଡ କଲା ଶୀତ । ୯ ଡିଗ୍ରୀ ଛୁଇଁଲା ରାଜଧାନୀର ରାତି ତାପମାତ୍ରା । ଏଥର ମାଘରେ ହେବ ବାଘ ଭଳି ଶୀତ । ୧୯୫୨ ଜାନୁଆରୀ ମାସର ରାତି ତାପମାତ୍ରାକୁ ଦୋହରାଇଲା ଶୀତ । ୯ ଡିଗ୍ରୀ ଛୁଇଁଛି ରାଜଧାନୀର ରାତି ତାପମାତ୍ରା । ଭୁବନେଶ୍ବରରେ ତାପମାତ୍ର ୯.୪ ରେକର୍ଡ କରାଯାଇଛି । ଏହାପୂର୍ବରୁ ୨୦୧୩ରେ ଭୁବନେଶ୍ବରର ରାତି ତାପମାତ୍ରା ୯.୩ ଡିଗ୍ରୀ ରେକର୍ଡ କରାଯାଇଥିଲା ।

ଅଧିକ ପଢ଼ନ୍ତୁ: ଆନ୍ଦୋଳନରୁ ଓହରିଲେ ଡାକ୍ତର ସଂଘ, ଆସନ୍ତାକାଲିଠୁ ସ୍ୱାଭାବିକ ହେବ ସ୍ୱାସ୍ଥ୍ୟସେବା

୧୩ ବର୍ଷ ପରେ ପୁଣି ଥରେ ଏକ ଅଙ୍କକୁ ଖସିଛି ରାଜଧାନୀର ପାରଦ । ପୂର୍ବରୁ ୧୯୫୨ ମସିହାରେ ୯.୪ ଡିଗ୍ରୀ ତାପମାତ୍ର ହୋଇଥିଲା । ୧୯୯୩ ରେ ୮.୬, ୨୦୦୩ରେ ୯ ଡିଗ୍ରୀ ରେକର୍ଡ କରାଯାଇଥିଲା । ସେପଟେ ଜି.ଉଦୟଗିରିରେ ୨.୫ ଡିଗ୍ରୀ ସର୍ବନିମ୍ନ ରାତ୍ରି ତାପମାତ୍ରା ରେକର୍ଡ ହୋଇଥିବା ବେଳେ ସେମିଳିଗୁଡାରେ ୩.୨ ଡିଗ୍ରୀ ରେକର୍ଡ ହୋଇଛି । ୨୪ ସହରରେ ୧୦ ଡିଗ୍ରୀ କିମ୍ବା କମ୍ ତାପମାତ୍ରା ରେକର୍ଡ ହୋଇଛି ।

ଅଧିକ ପଢ଼ନ୍ତୁ: ପୁରୀ ଭକ୍ତ ନିବାସରେ ଗାଡ଼ି ରଖିଲେ ଗଣିବାକୁ ପଡ଼ିବ ପାର୍କିଂ ଫି, ଦେବାକୁ ପଡିବ ୫୦୦ ଟଙ୍କା

ଅନ୍ୟପଟେ ଏଥର ମାଘରେ ବାଘ ଭଳି ଶୀତ ହେବ । ଆସନ୍ତା ୪୮ ଘଣ୍ଟା ପାଇଁ ରାଜ୍ୟରେ ଶୀତ ଲହରୀ ଜାରି ରହିବ । ଆସନ୍ତା ୨୪ ଘଣ୍ଟା ପାଇଁ ସୁନ୍ଦରଗଡ଼, ଝାରସୁଗୁଡ଼ା, ଢେଙ୍କାନାଳ, ଅନୁଗୁଳ, କଟକ, ଖୋର୍ଦ୍ଧା, ବାଲେଶ୍ୱର, ଜଗତସିଂହପୁର, କନ୍ଧମାଳ, କଳାହାଣ୍ଡି, ନବରଙ୍ଗପୁରରେ ପ୍ରବଳ ଶୀତ ନେଇ ୟେଲୋ ୱାର୍ଣ୍ଣି ଜାରି କରିଛି ଆଂଚଳିକ ପାଣିପାଗ ବିଭାଗ ।

ପାଣିପାଗ କେନ୍ଦ୍ରର ପୂର୍ବାନୁମାନ ରାଜ୍ୟକୁ ଶୁଷ୍କ ଥଣ୍ଡା ବାୟୁ ପ୍ରବେଶ କରୁଥିବାରୁ ଆହୁରି ବଢ଼ିବ ଜାଡ଼ । ରାଜ୍ୟରେ ଆହୁରି ୩ ଦିନ ଯାଏଁ ଲାଗି ରହିବ ଶୀତ ଲହରୀ ।