Weather Update / ସ୍ଥଳଭାଗ ଛୁଇଁଲା ଗଭୀର ଅବପାତ, ଦକ୍ଷିଣରୁ ନେଇ ଉତ୍ତର ଓଡ଼ିଶାରେ ରାତି ସାରା ବର୍ଷିବ
Key Points
ଗଭୀର ଅବପାତଟି ଉପକୂଳ ଅତିକ୍ରମ ବେଳେ ଘଣ୍ଟାପ୍ରତି ପବନର ବେଗ ୫୫ରୁ ୬୫ କିଲୋମିଟର ବେଗରେ ପବନ ପ୍ରବାହିତ ହେଉଛି । ଘଣ୍ଟାପ୍ରତି ୭୫ କିମି ବେଗରେ ଝଟ୍କା ପବନ ବହୁଛି । ସକାଳୁ ଦକ୍ଷିଣ ଓଡ଼ିଶାରେ ପ୍ରବଳରୁ ଅତିପ୍ରବଳ ବର୍ଷା ଲାଗି ରହିଛି । ରାତିରେ ବି ବର୍ଷା ଲାଗି ରହିବ
ଭୁବନେଶ୍ଵର: ବଙ୍ଗୋପସାଗରରେ ଗଭୀର ଅବପାତର ପରବର୍ତ୍ତୀ ପ୍ରଭାବ କ'ଣ ରହିବ ? ବାତ୍ୟାରେ ପରିଣତ ହେବ କି ? ଏନେଇ ଲୋକଙ୍କ ମନରେ ପ୍ରଶ୍ନ ରହିଥିବା ବେଳେ ଉତ୍ତର ରଖିଛନ୍ତି ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ଡ. ମୃତ୍ୟୁଞ୍ଜୟ ମହାପାତ୍ର ।
IMD ଡିଜି ଡ. ମୃତ୍ୟୁଞ୍ଜୟ ମହାପାତ୍ର କହିଛନ୍ତି, "ପୂର୍ବ ପୂର୍ବାନୁମାନ ଅନୁସାରେ ଅବପାତଟି ସୃଷ୍ଟି ହୋଇ ଗଭୀର ଅବପାତ ଭାବେ ଏବେ ଓଡ଼ିଶା ଉପକୂଳ ନିକଟରେ କେନ୍ଦ୍ରୀଭୂତ ଅଛି । ଆଜି ସନ୍ଧ୍ୟାରୁ ରାତି ମଧ୍ୟରେ ଏହା ଓଡ଼ିଶା ଉପକୂଳ ଅତିକ୍ରମ କରିବା ସମ୍ଭାବନା ରହିଛି । ଗୋପାଳପୁରରୁ ପାରାଦୀପ ମଧ୍ୟରେ ଗୋପାଳପୁର-ଚିଲିକା ନିକଟବର୍ତ୍ତୀ ଅଞ୍ଚଳ ଦେଇ ଅତିକ୍ରମ କରିବ ।"
ଏଥିସହ ପଢ଼ନ୍ତୁ: ସନ୍ଧ୍ୟାରେ ଗୋପାଳପୁର ନିକଟରେ ଅତିକ୍ରମ କରିବ ଗଭୀର ଅବପାତ, ଭୀଷଣ ବର୍ଷା ଜାରି
ସେ ଆହୁରି କହିଛନ୍ତି, "ଗଭୀର ଅବପାତଟି ଉପକୂଳ ଅତିକ୍ରମ ବେଳେ ଘଣ୍ଟାପ୍ରତି ପବନର ବେଗ ୫୫ରୁ ୬୫ କିଲୋମିଟର ବେଗରେ ପବନ ପ୍ରବାହିତ ହେଉଛି । ଘଣ୍ଟାପ୍ରତି ୭୫ କିମି ବେଗରେ ଝଟ୍କା ପବନ ବହୁଛି । ସକାଳୁ ଦକ୍ଷିଣ ଓଡ଼ିଶାରେ ପ୍ରବଳରୁ ଅତିପ୍ରବଳ ବର୍ଷା ଲାଗି ରହିଛି । ରାତିରେ ବି ବର୍ଷା ଲାଗି ରହିବ ।"
ରାତିରେ ଦକ୍ଷିଣ ଓଡ଼ିଶାର କିଛି ସ୍ଥାନରେ ଅତ୍ୟନ୍ତ ପ୍ରବଳ ବର୍ଷା ହୋଇପାରେ । ୨୦ରୁ ୩୦ ସେଣ୍ଟି ମିଟର ବର୍ଷା ହୋଇପାରେ ବୋଲି କହିଛନ୍ତି IMD ଡିଜି । ଉତ୍ତର ଓଡ଼ିଶାର ଜିଲ୍ଲାମାନଙ୍କରେ ମଧ୍ୟ ପ୍ରବଳ ବର୍ଷା ହେବ । କିନ୍ତୁ ଦକ୍ଷିଣ ଓଡ଼ିଶାରେ ଅଧିକ ବର୍ଷା ହେବ ।
ଏଥିସହ ପଢ଼ନ୍ତୁ: ଭୂସ୍ଖଳନ ପରେ ମାଟି ତଳେ ବାପପୁଅ ଚାପି ହୋଇ ରହିଥିବା ସନ୍ଦେହ
📱 Get Argus News App
✨
ଧିରେ ଧିରେ ଆଭ୍ୟନ୍ତରୀଣ ଓଡ଼ିଶା ସହ ଉତ୍ତର ଓଡ଼ିଶାରେ ବର୍ଷାର ପରିମାଣ ବଢ଼ିବ । ଆଜି ସବୁଠୁ ଅଧିକ ବର୍ଷା ହେବ । ରାତି ସୁଦ୍ଧା ଗଭୀର ଅବପାତଟି ଉପକୂଳ ଅତିକ୍ରମ କରିବ । ଏହା ପରେ ଦୁର୍ବଳ ହୋଇ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରିବ । ତେଣୁ ବର୍ଷା ପରିମାଣ କାଲିଠାରୁ କମିବ ବୋଲି କହିଛନ୍ତି IMD ଡିଜି ।
ଦକ୍ଷିଣ ଓଡ଼ିଶା ସହ ଉତ୍ତର ଓଡ଼ିଶା ଜିଲ୍ଲା ପାଇଁ ବିପଦ ରହିଛି । ଗଞ୍ଜାମ, ଗଜପତି, କଳାହାଣ୍ଡି, କୋରାପୁଟ, ନବରଙ୍ଗପୁର, ମାଲକାନଗିରି, ରାୟଗଡ଼ା, ନୂଆପଡ଼ା, କନ୍ଧମାଳ, ସୁନ୍ଦରଗଡ଼, ସମ୍ବଲପୁର ଆଦି ଜିଲ୍ଲାରେ ବର୍ଷା ଲାଗି ରହିବ । ଉପକୂଳ ଜିଲ୍ଲା ଗୁଡ଼ିକରେ ପବନର ପ୍ରଭାବ ରହିବ । ତଳିଆ ଅଞ୍ଚଳ ଜଳମଗ୍ନ ହେବା ସହ ବନ୍ୟା ପରିସ୍ଥିତି ସୃଷ୍ଟି ହୋଇପାରେ ।
ଏଥିସହ ପଢ଼ନ୍ତୁ: ଭୀଷଣ ବର୍ଷାରେ ବେହାଲ୍ ଦକ୍ଷିଣ ଓଡ଼ିଶା; ପାହାଡ଼ରୁ ପଥର ଧସିଲା, NHରେ ୫ ଫୁଟ୍ର ପାଣି
୧୫ ଦିନ ଭିତରେ ବଙ୍ଗୋପସାଗରରେ ୩ଟି ଲଘୁଚାପ ସୃଷ୍ଟି ହୋଇଛି । ବିଶେଷ କରି ଗୋପାଳପୁର ଅଞ୍ଚଳରେ ଗୋଟିଏ ଅବପାତ ଓ ଗୋଟିଏ ଗଭୀର ଅବପାତ ଅତିକ୍ରମ କରୁଥିବାରୁ ସତର୍କ ରହିବା ଜରୁରୀ । ଆଗାମୀ ୭ ଦିନ ମଧ୍ଯରେ ଏଭଳି କୌଣସି ଲଘୁଚାପ ସୃଷ୍ଟି ହେବାର ଆଶଙ୍କା ନଥିବା କହିଛନ୍ତି IMD ଡିଜି ।
ତେବେ ଏହା କୌଣସି ବାତ୍ୟା ନୁହେଁ କି ଅବପାତଟି ଘନୀଭୂତ ହୋଇ ବାତ୍ୟାରେ ପରିଣତ ହେବାର ଆଶଙ୍କା ନାହିଁ । ଏବେ ଗଭୀର ଅବପାତଟି ସ୍ଥଳଭାଗ ଛୁଇଁବା ପ୍ରକ୍ରିୟା ଜାରି ରହିଥିବା ସେ କହିଛନ୍ତି । ଓଡ଼ିଶାର ସମସ୍ତ ବନ୍ଦରକୁ ୩ ନମ୍ବର ବିପଦ ସଂକେତ ଜାରି ହୋଇଥିବା ବେଳେ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ କରିଛନ୍ତି ।
Related Topics
Explore more stories