ସୁବର୍ଣ୍ଣପୁର: ପୂଜା ସାମଗ୍ରୀ ଦୋକାନରୁ ଚୋରୀ । ଆଜବେଷ୍ଟସ ଫାଡ଼ି ଲୁଟି ନେଲେ ଟଙ୍କା । ବୀରମହାରାଜପୁର ଥାନା ତ୍ରିବେଣୀ ଛକ ସ୍ଥିତ ଶିବାନୀ ପୂଜା ସାମଗ୍ରୀ ଦୋକାନରୁ ଡ୍ରୟରରେ ଥିବା ପ୍ରାୟ ୭୦ ହଜାର ଟଙ୍କା ଚୋରି ହୋଇଥିବା ଅଭିଯୋଗ । ପୋଲିସର ତଦନ୍ତ ଆରମ୍ଭ। ସୂଚନା ଅନୁସାରେ ସବୁଦିନ ଭଳି ଗତକାଲି ରାତିରେ ଦୋକାନ ମାଲିକ ମିସ୍ବାମିତ୍ର ପଧାନ ନିଜ ଦୋକାନ ବନ୍ଦ କରି ଘରକୁ ଯାଇଥିଲେ ।

ତେବେ ବିଳମ୍ବିତ ରାତ୍ରୀରେ ଜଣେ  ଦୁର୍ବୃତ୍ତ ଦୋକାନର ଉପରେ ଥିବା ଆଜବେଷ୍ଟସ ଭାଙ୍ଗି ମୁଖା ପିନ୍ଧି ଦୋକାନ ଭିତରକୁ ଯାଇଥିଲା । ଦୋକାନରେ ଥିବା ଡ୍ରର ରୁ ପ୍ରାୟ ୭୦ ହଜାର ନଗଦ ଟଙ୍କା ନେଇ ଫେରାର ହୋଇଯାଇଥିଲେ । ତେବେ ସମସ୍ତ ଦୃଶ୍ୟ ସିସି କ୍ୟାମେରାରେ କଏଦ ହୋଇଥିଲେ ହେଁ ମୁଖା ଲଗାଇଥିବାରୁ ଜଣା ପଡୁ ନାହିଁ । ବୀରମହାରାଜପୁର ପୋଲିସ ଏନେଇ ଏକ ମାମଲା ରୁଜୁ କରିବା ସହିତ ତଦନ୍ତ ଆରମ୍ଭ କରିଛି।
ଅଧି ପଢନ୍ତୁ ଓଡ଼ିଶା ଖବର