ନବରଙ୍ଗପୁର: ଭାରସାମ୍ୟ ହରାଇ ରାସ୍ତା କଡରେ ଥିବା ଗଛରେ ପିଟିହେଲା କାର, ଶିକ୍ଷୟତ୍ରୀଙ୍କ କଟିଗଲା ହାତ । ଏଭଳି ଘଟଣା ଘଟିଛି ରାଇଘର ବ୍ଲକ ଯୋଡ଼େଙ୍ଗାରେ । ହାତ କଟିଥିବା ମହିଳା ମିନା ଠାକୁରଙ୍କ ଘର ଛତିଶଗଡ଼ର ଗରିଆବନ୍ଦ ହୋଇଥିବା ବେଳେ ସେ ହୀରାପୁର ଗାଁରେ ଶିକ୍ଷକତା କରନ୍ତି ।
ଦୀପାବଳି ଛୁଟି ପାଇଁ ଶାଶୁ ଘର ଗରିଆବନ୍ଦକୁ ରାଇଘର ଦେଇଯିବା ସମୟରେ ଯୋଡ଼େଙ୍ଗା ନିକଟରେ ଘଟିଥିଲା ଦୁର୍ଘଟଣା । ଗାଡ଼ିରେ ଥିବା ମିନା, ତାଙ୍କ ଦେଢଶୂର ଏବଂ ୪ ବର୍ଷର ପିଲାକୁ ସ୍ଥାନୀୟ ଲୋକେ ଉଦ୍ଧାର କରି ଯୋଡ଼େଙ୍ଗା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ପରେ ରାଇପୁର ରାମ କୃଷ୍ଣା ମେଡିକାଲକୁ ସ୍ଥାନାନ୍ତର କରାଯାଇଥିଲା । ମୀନାଙ୍କ ଡାହାଣ ହାତ କଟି ଯାଇଥିବାରୁ ତାଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।
ଆହୁରି ପଢନ୍ତୁ ଓଡିଶା ଖବର...