ଭୁବନେଶ୍ୱର: ଚାଉଳ ପରିବହନ ଟେଣ୍ଡର କେଳେଙ୍କାରୀର ଖୋଳତାଡ଼ କରୁ କରୁ ସିବିଆଇକୁ ବହୁ ଗହନ ତଥ୍ୟ ମିଳିଛି । ଖୋଦ୍ ଆକାଉଣ୍ଟସ୍ ମ୍ୟାନେଜର ତାଙ୍କ ପତ୍ନୀଙ୍କ ନାମ ବଦଳାଇ ଏହି ଏକ ଅଦୃଶ୍ୟ ସଂସ୍ଥା ନାଁରେ ଟେଣ୍ଡର ହାତେଇଥିବା ଘଟଣା ସାମ୍ନାକୁ ଆସିଛି । ଏଥିପାଇଁ ୫ ଲକ୍ଷ ଟଙ୍କାର ଲାଞ୍ଚ କାରବାର ହୋଇଥିବାର ପ୍ରମାଣ ମଧ୍ୟ ସିବିଆଇ ହାତରେ ଲାଗିଛି ।
ସିବିଆଇ ଏଫ୍ସିଆଇ ଓଡ଼ିଶା ଆଞ୍ଚଳିକ ମହାପ୍ରବନ୍ଧକ ପ୍ରେମ ସିଂ ବାହାନୋଟ୍ ଓ ଆକାଉଣ୍ଟସ୍ ମ୍ୟାନେଜର ସଞ୍ଜୟ ଦେ', ତାଙ୍କ ପତ୍ନୀ ସୌମୀ ଭଟ୍ଟାଚାର୍ଯ୍ୟ ଓ କୋଲକାତାସ୍ଥିତ ଓଭରସିଜ୍ ଟ୍ରେଡିଂ କର୍ପୋରେସନ୍ ଅଧିକାରୀ ସୟଦ୍ ହସନେନ୍ ଅହମ୍ମଦକୁ CBI ଗିରଫ କରିଛି ।
ଅଭିଯୁକ୍ତମାନଙ୍କୁ କୋର୍ଟରେ ହାଜର କରାଯିବା ପରେ ସିବିଆଇ ସେମାନଙ୍କୁ ୨ ଦିନିଆ ରିମାଣ୍ଡରେ ନେଇଛି । ଏବେ ବି ଏହି ମାମଲାରେ ଆହୁରି କିଛି ଦଲାଲ ଫେରାର୍ ଥିବା ଜଣାପଡି ଥିବାବେଳେ ସିବିଆଇ ପକ୍ଷରୁ ବିଭିନ୍ନ ସ୍ଥାନରେ ଏବେ ବି ଚଢ଼ାଉ ଜାରି ରହିଛି ବୋଲି ସୂଚନା ମିଳିଛି ।
ଅଭିଯୁକ୍ତମାନଙ୍କ ବିରୋଧରେ ଆପରାଧିକ ଷଡ଼ଯନ୍ତ୍ର, ଅହେତୁକ ଅନୁକମ୍ପା, ସରକାରୀ ଅଧିକାରୀଙ୍କ ଲାଞ୍ଚ ପ୍ରଦାନ, କମର୍ସିଆଲ୍ ସଂସ୍ଥାର ଲାଞ୍ଚ କାରବାର ମାମଲାରେ ୧୨୦ (ବି), ୭, ୮, ୯, ୧୦, ୧୨ ପ୍ରିଭେନ୍ସନ୍ ଅଫ୍ କର୍ପସନ୍ ଆଇନ ୧୯୮୮ ଲାଗୁ କରାଯାଇଛି ।
ଆହୁରି ପଢନ୍ତୁ ଓଡିଶା ଖବର...