ନୂଆପଡା: ଉପାନ୍ତରେ ରାସ୍ତା ପାଲଟିଛି ମରଣ ଯନ୍ତା । ବର୍ଷବର୍ଷ ଧରି ସମସ୍ୟା ସାମ୍ନା କରୁଛନ୍ତି ନୂଆପଡା ଜିଲ୍ଲା ବୋଡେ଼ନ ବ୍ଲକ ଅନ୍ତର୍ଗତ କମଳାମାଲବାସୀ । ପୂର୍ବ ବିଜେଡି ସରକାରର 24 ବର୍ଷ ଶାସନ କାଳରେ ବି ଲୋକଙ୍କ ସମସ୍ୟା ଦୂର ହୋଇପାରି ନାହିଁ । ଖାଲଖମାରେ ଭର୍ତ୍ତି ରାସ୍ତା ଯୋଗୁ ଜରୁରୀ ସମୟରେ ପହଞ୍ଚି ପାରୁନି ଆମ୍ବୁଲାନ୍ସ କିମ୍ବା ଦମକଳ । ଉପାନ୍ତରେ ରାସ୍ତା ପାଲଟିଛି ମରଣ ଯନ୍ତା । ପୂର୍ବ ବିଜେଡି ସରକାର ଓ ସ୍ଥାନୀୟ ପ୍ରଶାସନ ଉପରେ ଦୋଷ ଲଦିଲେ ବୋଡେନ ବାସିନ୍ଦା । ଖାଲଖମାରେ ଭର୍ତ୍ତି ରାସ୍ତା ଯୋଗୁ ଦୁର୍ଗମରେ ବଢୁଛି ଲୋକଙ୍କ ସମସ୍ୟା । ଦେଖନ୍ତୁ ନୂଆପଡା ଜିଲ୍ଲା ବୋଡେ଼ନ ବ୍ଲକର ଉପାନ୍ତ କମଳାମାଲରୁ କ୍ଷୀରମାଲକୁ ସଂଯୋଗ କରୁଥିବା ରାସ୍ତାର ଦୃଶ୍ୟ ।
ବର୍ଷା ପାଣି ଜମି ରହିଵା ଦ୍ଵାରା ବେହାଲ ସ୍ଥିତି । ବିପଦଜନକ ସ୍ଥିତିରେ ରାସ୍ତା ପାର ହେଉଛନ୍ତି ଲୋକେ । ଜରୁରୀକାଳୀନ ଭାବେ ରାସ୍ତା ପୁନଃନିର୍ମାଣ କରିବାକୁ ଦାପି କରିଛନ୍ତି ଲୋକେ । ଏହି ରାସ୍ତା ଅନେକ ପଡାକୁ ସଂଯୋଗ କରୁଛି । ମୁଖ୍ୟ ରାସ୍ତା ହୋଇଥିଲେ ମଧ୍ୟ ଏହାର ଉନ୍ନତି ହେଉ ନ ଥିଵା ଅଭିଯୋର କରିଛନ୍ତ ଅଞ୍ଚଳଵାସୀ । ରାସ୍ତା ଖାଲଖମାରେ ଭର୍ତ୍ତି ହୋଇଥିବାରୁ ଅନେକ ସମୟରେ ଛୋଟବଡ଼ ଦୁର୍ଘଟଣା ଘଟୁଛି । ଉପାନ୍ତ ଅଞ୍ଚଳ ହୋଇଥିବାରୁ ପ୍ରଶାସନ ଅଣଦେଖା କରୁଥିବା ଲୋକେ ଅଭିଯୋଗ କରିଛନ୍ତି । ସେପଟେ ବୋଡେ଼ନ ବିଡିଓ ପ୍ରିୟ ରଞ୍ଜନ କୁମାର ସମସ୍ୟା ସମାଧାନ କରିବାକୁ ପ୍ରତିଶ୍ରୁତି ଦେଇଛନ୍ତି । କମଳାମାଲ କ୍ଷୀରମାଲ ରାସ୍ତା ଅତି ବିପର୍ଯ୍ୟସ୍ତ ହୋଇଥିବାରୁ ଶୀଘ୍ର ରାସ୍ତା ନିର୍ମାଣ ପାଇ ସ୍ଥାନୀୟ ଲୋକେ ଦାଵି କରିଛନ୍ତି । ରାଜ୍ୟରେ ସରକାର ବଦଳି ଥିବାରୁ ଶୀଘ୍ର କାମ ହେବ ବୋଲି ଲୋକ ଆଶା ରଖିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର