କଟକ: ଆଠଗଡର ବିଭିନ୍ନ ସ୍ଥାନରେ ଅବକାରୀ ବିଭାଗର ଚଢ଼ାଉ । ବିପୁଳ ପରିମାଣର ଦେଶୀ ମଦ ଜବତ ସହ ପୋଚ ନଷ୍ଟ କଲା ଅବକାରୀ ବିଭାଗ । କଟକ ଜିଲ୍ଲା ଆଠଗଡ ବ୍ଲକ ଅନ୍ତର୍ଗତ ଖଣ୍ଡୁଆଳି, କଦଳୀବାଳି ଓ ଡ଼ାଳୁଅ ଜଙ୍ଗଲରେ କଟକ ଜିଲ୍ଲା ଅବକାରୀ ବିଭାଗର ଟିମ ପକ୍ଷରୁ ଚଢ଼ାଉ କରାଯାଇ ବିଫଳ ପରିମାଣର ଦେଶୀ ମଦ ଜବତ ସହ ପୋଚ ନଷ୍ଟ କରାଯାଇଛି ।
ଗୁରୁବାର ଅପରାହ୍ନ ୪.୩୦ ମିନିଟ ସମୟରେ ଏହି ଚଢାଉ କରାଯାଇଥିଲା । ଏହି ଚଢାଉରେ ୪୨୦ ଲିଟର ଦେଶୀ ମଦ ଜବତ କରାଯାଇଥିବା ବେଳେ ୩ ହଜାର ୨୯୦ ଲିଟର ପୋଚ ନଷ୍ଟ କରାଯାଇଛି । ଏହାସହ ଏହି ଦେଶୀ ମଦ ପ୍ରସ୍ତୁତ କରୁଥିବା ଜଣଙ୍କ ନାଁରେ ମାମଲା ରୁଜୁ କରିଛି ଅବକାରୀ ବିଭାଗ ।
ଏହା କେଉଁଆଡେ ଚାଲାଣ ହେଇଥିଲା, କିଏ ମୁଖ୍ୟ ଚାଲାଣକାରୀ, କେବେଠାରୁ ଏହା ପ୍ରସ୍ତୁତ ହେଉଥିଲା ସେ ନେଇ ତଦନ୍ତ କରୁଛି ଅବକାରୀ ବିଭାଗ ଟିମ୍ ।
ଆହୁରି ପଢନ୍ତୁ ଓଡିଶା ଖବର...