ଅର୍ଗସ ବ୍ୟୁରୋ: ଅନ୍ଧାରରେ ଛାତ୍ରଛାତ୍ରୀଙ୍କ ଭଵିଷ୍ୟତ । କୁନ୍ଦୁରା ବ୍ଲକ ବାଗଦେରୀ ପଞ୍ଚାୟତ ବାଗଦେରୀ କ୍ଲଷ୍ଟର ବୁଦାଗୁଡ଼ା ପ୍ରାଥମିକ ବିଦ୍ୟାଳୟରେ ଲାଗି ରହିଛି ଶିକ୍ଷକ ସ୍ଥାନାନ୍ତର ପ୍ରକ୍ରିୟା । ସ୍କୁଲରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପଢ଼ୁଛନ୍ତି ୭୫ ପିଲା । lଚଳିତ ଶିକ୍ଷା ବର୍ଷରେ ପ୍ରଧାନ ଶିକ୍ଷୟିତ୍ରୀଙ୍କ ଅବସର ପରେ ଦୁଇ ଜଣ ଶିକ୍ଷକ। ଶିକ୍ଷା ବର୍ଷ ଆରମ୍ଭରୁ ଦେଖା ଦେଇଛି ପାଠ ପଢ଼ାରେ ବ୍ୟାଘାତ,ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ୭୫ ପିଲା ପାଇଁ ରହିଛନ୍ତି ଜଣେ ମାତ୍ର ଶିକ୍ଷକ l ଏମିତିରେ ପାଠ ପଢ଼ା କିଭଳି ହେଵ ସେଥିପାଇ ଚିନ୍ତା ରେ ଅଭିଭାଵକ l ଏହି ବିଦ୍ୟାଳୟରେ କାନାଗୁଡ଼ା, ଜାମଗୁଡ଼ା ଓ ବୁଦାଗୁଡ଼ା ତିନୋଟି ଗାଁ ର ଛାତ୍ରଛାତ୍ରୀ ନିର୍ଭର କରନ୍ତି,ତେଵେ ଶିକ୍ଷା ର ଏଭଳି ଦୁର୍ଦଶା ଦେଖାଉଛି ପୂର୍ଵ 24 ଵର୍ଷ ବିକାଶର ଅସଲି ଚିତ୍ର ।
ଏହି ସ୍କୁଲରେ ଶିକ୍ଷକ ସ୍ଥାନାନ୍ତର ଆଜିକୁ ୧୦ ମାସ ହେବ ଲାଗି ରହିଛି, ବର୍ତ୍ତମାନ କାର୍ଯ୍ୟରତ ଶିକ୍ଷକଙ୍କୁ ପୂର୍ବରୁ ଟେମରାଗୁଡ଼ା ସ୍କୁଲକୁ ସ୍ଥାନାନ୍ତର ହୋଇଥିଲା l ପରିଚାଳନା କମିଟି, ଅଭିଭାବକ ଓ ଗ୍ରାମବାସୀଙ୍କ ବାରମ୍ବାର ଲିଖିତ ଅଭିଯୋଗ ପରେ ମଧ୍ୟ ଗତ ମାର୍ଚ୍ଚ ମାସରେ ତାଙ୍କୁ ଏଠାକୁ ଫେରାଇ ଥିଲେ l ବର୍ତ୍ତମାନ ଏପ୍ରିଲ ମାସ ଠାରୁ ଅନ୍ୟ ଜଣେ ଶିକ୍ଷକଙ୍କୁ ସ୍ଥାନାନ୍ତର କରାଯାଇଛି l ବିଭାଗର ଏ ସ୍ଥାନାନ୍ତରକୁ ନା ପସନ୍ଦ କରିଛନ୍ତି ଗ୍ରାମବାସୀ l ଏହା ଦ୍ଵାରା ପାଠ ପଢ଼ାରେ ବହୁ ସମସ୍ୟା ଦେଖା ଦେଉଥିବା କହିଛନ୍ତି ଗ୍ରାମବାସୀ,କେବଳ ଏହି ଗୋଟିଏ ସ୍କୁଲ ନୂହେଁ ବ୍ଲକର ଅନେକ ସ୍କୁଲରେ ଶିକ୍ଷକ ସ୍ଥାନାନ୍ତର ଲାଗି ରହିଛି l ପିଲାଙ୍କ ପାଠପଢାକୁ ଗୁରୁତ୍ଵ ଦେଇ ଶିକ୍ଷକଙ୍କୁ ତୁରନ୍ତ ସ୍କୁଲକୁ ଫେରାଇବାକୁ ଦାବୀ କରିଛନ୍ତି ଗ୍ରାମବାସୀ l ଦେଖିବାକୁ ବାକି ରହିଲା ଏହି ଖବର ପ୍ରସାରଣ କେବେ ପ୍ରଶାସନର କୁମ୍ଭକର୍ଣ୍ଣ ନିଦ୍ରା ଭାଙ୍ଗିବ ଓ ଛାତ୍ରଛାତ୍ରୀଙ୍କ ଭଵିଷ୍ୟତ କୁ ଦୃଷ୍ଟିରେ ରଖି ଆଉ କିଛି ଶିକ୍ଷକଙ୍କୁ ଏହି ବିଦ୍ୟାଳୟରେ ସ୍ଥାନାନ୍ତର କରିବେ l
ଅଧିକ ପଢ଼ନ୍ତୁ ଓଡିଶା ଖବର: