ଅର୍ଗସ ବ୍ୟୁରୋ : ଖଲିସ୍ତାନୀ ନେତା ପନ୍ନୁ ଜାରି କରିଥିବା ଏଇ ଭିଡିଓ ଏବେ ଚର୍ଚ୍ଚାରେ । 3 ଦିନିଆ ଡିଜି କନଫେରସେନ ଆଗରୁ ଖୋଲାଖୋଲି ଧମକାଉଛି ପନ୍ନୁ। କହୁଛି ଟେମ୍ପଲ ସିଟି ନୁହେଁ ଟେରର ସିଟି ହେଉଛି ଭୁବନେଶ୍ବରର। ତା ସହିତ ଡିଜି ସମ୍ମିଳନୀ ଭଣ୍ଡୁର କରିବା ପାଇଁ ଦେଉଛି ଖୋଲା ଆହ୍ବାନ। ସେପଟେ ପନ୍ନୁର ଧମକ ନେଇ କଡା ଜବାବ ରଖିଛି ଓଡ଼ିଶା ପୋଲିସ। କଟକ-ଭୁବନେଶ୍ବର ପୋଲିସ କମିଶନର ସୁରେଶ ଦେବଦତ୍ତ ସିଂହ କହିଛନ୍ତି ସୁରକ୍ଷା ବଳୟ ଭେଦିବାକୁ ଉଦ୍ୟମ କରୁଥିବା ସଂସ୍ଥାର ହଜାଇ ଦେବୁ ଅସ୍ତିତ୍ବ। ତା ସହିତ କହିଛନ୍ତି ଦେଶରେ ବିରୋଧୀ ତତ୍ତ୍ବ ରହିଛନ୍ତି । ସବୁବେଳେ ସେମାନଙ୍କୁ କଡା ଜବାବ ଦିଆଯାଇଛି । 

କାନାଡରେ ରହି ବାରତ ବିରୋଧରେ ଷଡଯନ୍ତ୍ର କରୁଛି ପନ୍ନୁ। ଖଲିସ୍ତାନୀ ଆନ୍ଦୋଳନର ସେ ହେଉଛି ମାଷ୍ଟର ମାଇଣ୍ଡ। ସ୍ବତନ୍ତ୍ର ଖଲିସ୍ତାନ ଗଠନ ପାଇଁ କରିଆସୁଛି ଦାବି। କିଛି ଦିନ ଆଗରୁ ବିମାନରେ ବିସ୍ଫୋରଣର ବି ଧମକ ଦେଇଥିଲା ପନ୍ନୁ । ନଭେମ୍ବର 1ରୁ 16 ମଧ୍ୟରେ ଏୟାର ଇଣ୍ଡିଆ ଫ୍ଲାଇଟ ଉପରେ ଆକ୍ରମଣର ବି ଧମକ ଦେଇଥିଲା ପନ୍ନୁ।