ବ୍ରହ୍ମପୁର: ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀଙ୍କ ଗାଡି ଦୂର୍ଘଟଣାଗ୍ରସ୍ତ । ଖଲ୍ଲିକୋଟରୁ ଭୁବନେଶ୍ୱର ଯାଉଥିବାବେଳେ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ବଡପୋଖରିଆ ନିକଟରେ ହୋଇଛି ଦୁର୍ଘଟଣା । ଏକ ଅଟୋକୁ ପଛପଟୁ କାରଟି ଧକ୍କା ଦେବା ଫଳରେ ଅଟୋ ଡ୍ରାଇଭର ଆହତ ହେବା ସହ ଅଟୋରେ ବସିଥିବା 4 ଜଣ ଆହତ ହୋଇଛନ୍ତି ।
ସମସ୍ତ ଆହାତଙ୍କୁ ଖୋର୍ଦ୍ଧା ଜିଲ୍ଲା ମୂଖ୍ୟ ଚିକିତ୍ସାଳୟରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି । ଦୁର୍ଘଟଣା ବେଳେ ବିଧାୟକ ମଧ୍ୟ କାରରେ ଥିଲେ । ଦୁର୍ଘଟଣାରେ କାରର ଆଗ ଭାଗ ଭାଙ୍ଗି ଯାଇଥିବାବେଳେ ବିଧାୟକ ସୁରକ୍ଷିତ ଅଛନ୍ତି । ଖବର ପାଇ ଜଙ୍କିଆ ଥାନା ପୋଲିସ ଘଟଣାସ୍ଥଳରେ ପହଞ୍ଚିଛି ।