ସମ୍ବଲପୁର:  ବଡ଼ ଆନ୍ତଃରାଜ୍ୟ ଡକାୟତି ଗ୍ୟାଙ୍ଗ ଗିରଫ । ଡକାୟତି ଯୋଜନା କରୁଥିବାବେଳେ ମୁଣ୍ଡୋଘାଟ ନିକଟରେ 10 ଡକାୟତଙ୍କୁ ଗିରଫ କରିଛି ସମ୍ବଲପୁର ପୋଲିସ୍ । ବୁର୍ଲା ବାବୁବନ୍ଧ ରାଇସ୍ ମିଲ୍ ଡକାୟତି ଘଟଣାର ଅଭିଯୁକ୍ତ ଏମାନେ । ସେମାନଙ୍କ ନିକଟରୁ ୪୮୦ ଗ୍ରାମ ସୁନା, 165 ଗ୍ରାମ ରୂପା ଅଳଙ୍କାର, ୫ ଲକ୍ଷ ୧୨ ହଜାର ଟଙ୍କା, ୧୧ ମୋବାଇଲ , ୫ ବାଇକ ଜବତ, ୨ ବୋଲେରୋ ଓ ଗୋଟିଏ ଟ୍ରାକ୍ଟର ଜବତ ହୋଇଛି ।

ଗତ 16 ତାରିଖରେ ରାଇସ୍ ମିଲରେ ଡକାୟତି କରିଥିଲେ 14 ଜଣ ଡକାୟତ । ଏକ ସ୍ବତନ୍ତ୍ର ଟିମ୍ ଗଠନ କରି ଏହି ଡକାୟତ ଗ୍ୟାଙ୍ଗଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଚଳାଇଥିଲା ପୋଲିସ୍ । ପୂର୍ବରୁ ବରଗଡ଼, ବଲାଙ୍ଗୀର, ଝାରସୁଗୁଡ଼ା ଓ ସୁନ୍ଦରଗଡ଼ ଜିଲ୍ଲାରେ ବି ଏହି ଡକାୟତ ଗ୍ୟାଙ୍ଗ ଅପରାଧିକ କାଣ୍ଡ ଘଟାଇଥିବା ସମ୍ବଲପୁର ଏସପି ମୁକେଶ ଭାମୁ ପ୍ରେସମିଟରେ ସୂଚନା ଦେଇଛନ୍ତି ।  

ଅଧିକ ପଢନ୍ତୁ ଓଡ଼ିଶା ଖବର