ଅର୍ଗସ ବ୍ୟୁରୋ: ଭୋଟ ଦେଲେ ଆଧ୍ୟାତ୍ମିକ ଗୁରୁ ଓ ଇସା ପାଉଣ୍ଡେସନର ଫାଉଣ୍ଡର୍ ସଦଗୁରୁ । ଗଣତନ୍ତ୍ରର ମହାନ ପର୍ବରେ ସାମିଲ ହେଲେ ସଦଗୁରୁ । ତାମିଲନାଡ଼ୁର କୋଏମ୍ବାଟୁରରେ ନିଜର ମତ ସାବ୍ୟସ୍ତ କରିଛନ୍ତି ସଦଗୁରୁ ଜାଗି ବାସୁଦେବ । 

ଗଣତନ୍ତ୍ରର ମହାପର୍ବ । ଦେଶରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଚାଲିଛି ଭୋଟିଂ ।  ଗଣତନ୍ତ୍ରର ମହାପର୍ବରେ ସାମିଲ ହେଉଛନ୍ତି ଜନତା । ପ୍ରଥମ ପର୍ଯ୍ୟାୟରେ ୧୭ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ମୋଟ୍ ୧୦୨ ସିଟ୍ ପାଇଁ ହେଉଛି ଭୋଟିଂ । ତାମିଲନାଡ଼ୁର ସମସ୍ତ ୩୯ ସିଟ୍, ରାଜସ୍ଥାନର ୧୨, ଉତ୍ତର ପ୍ରଦେଶର ୮, ମଧ୍ୟପ୍ରଦେଶର ୬, ଆସାମ-ମହାରାଷ୍ଟ୍ର-ଉତ୍ତରାଖଣ୍ଡର ୫ଟି ଲେଖାଏଁ ସିଟରେ ଚାଲିଛି ଭୋଟିଂ । ସେହିପରି ପୁଡ଼ୁଚେରୀ, ଲାକ୍ଷଦ୍ୱୀପ, ଜମ୍ମୁକାଶ୍ମୀର, ଆଣ୍ଡାମାନ ଓ ନିକୋବର ଦ୍ବୀପପୁଞ୍ଜର ଗୋଟିଏ ଲେଖାଏଁ ସିଟରେ ବି ମତଦାନ କରୁଛନ୍ତି ଜନତା । 
 

ଆହୁରି ପଢନ୍ତୁ ରାଜନୀତି ଖବର...