କଟକ: ଚୌଦ୍ଵାର ଥାନା ଅନ୍ତର୍ଗତ ଶଙ୍କରପୁର ରେଳ ଧାରଣାରୁ ଜଣେ ଯୁବକର ଖଣ୍ଡ ବିଖଣ୍ଡିତ ମୃତ ଦେହ ଉଦ୍ଧାର କରିଛି ଜି.ପି.ଆର ଏଫ୍ ପୋଲିସ । ଯୁବକ ଜଣକ ହେଲେ କଟକ ମାନସିଂହପାଟଣାର ସୌମ୍ୟ ପ୍ରକାଶ ମହାପାତ୍ର । ସୂଚନା ଅନୁଯାୟୀ ଆଜି ସକାଳୁ ରେଳ ଧାରଣାରେ ଯୁବକର ଖଣ୍ଡ ବିଖଣ୍ଡିତ ଶରୀର ପଡ଼ି ଥିବାର ସ୍ଥାନୀୟ ଲୋକେ ଦେଖିବାକୁ ପାଇଥିଲେ l ଏହାପରେ ସେମାନେ ତୁରନ୍ତ ସ୍ଥାନୀୟ ପୋଲିସ ଓ କଟକ GRPF ଥାନାକୁ ଜଣାଇଥିଲେ l
GRPF ପୋଲିସ ଘଟଣା ସ୍ଥଳରେ ପହଞ୍ଚି ଯୁବକର ଖଣ୍ଡ ବିଖଣ୍ଡିତ ଶରୀରକୁ ଜବତ କରିବା ସହ ତା ନିକଟରେ ପଡ଼ିଥିବା ଦୁଇଟି ମୋବାଇଲ, ମନିପର୍ସ ଓ କିଛି ପରିଚୟ ପତ୍ର ପାଇଥିଲା I ସେଇ ପରିଚୟ ପତ୍ର ପୋଲିସ ପାଇବା ପରେ ଜାଣିବାକୁ ପାଇଥିଲା ଯୁବକ ଜଣକଙ୍କ ଘର କଟକ ମାନସିଂହ ପାଟଣା ଓ ସେ ପେଶାରେ ଜଣେ ଓକିଲ । ତାଙ୍କର ବୟସ ପାଖା ପାଖି ୫୦ ବର୍ଷ ହେବ I ତେବେ ସେ କାହିଁକି କଟକରୁ ଏଠାକୁ ଆସିଥିଲେ ଓ ଆତ୍ମହତ୍ୟା କଲେ ତାହା ତଦନ୍ତ ପରେ ଜଣା ପଡ଼ିବ । କିଭଳି ଟ୍ରେନ ଦୁର୍ଘଟଣା ର ଶିକାର ହେଲେ ତାହା ତଦନ୍ତ ପରେ ଜଣାପଡ଼ିବ I ଏନେଇ ମୃତକଙ୍କ ପରିବାର ସହିତ କାହାରି ଯୋଗାଯୋଗ ହୋଇପାରିନାହିଁ ।
ଅଧିକ ପଢନ୍ତୁ ଓଡିଶା ଖବର