ଭୁବନେଶ୍ୱର: ଆଳୁ ଦର ଉପରେ ନାହିଁ ନିୟନ୍ତ୍ରଣ । ପଶ୍ଚିମବଙ୍ଗରେ ସମସ୍ୟା ହେଲେ ଓଡ଼ିଶାରେ ବଢୁଛି ଦର । ଓଡ଼ିଶାରେ ହୁହୁ ହୋଇ ବଢୁଛି ଆଳୁ ଦର । ଓଡ଼ିଶା ବଜାରରେ ଆଳୁ ଦର 45 ଟଙ୍କା ଥିବାରୁ ଚିନ୍ତାରେ ଖାଉଟି । ରୋଷେଇ ଘରୁ ଉଭାନ ହେବାକୁ ବସିଛି ଆଳୁ । ପଶ୍ଚିମବଙ୍ଗର ପ୍ରଶାସନର ଆଳୁ କଟକଣା ଯୋଗୁଁ ଓଡ଼ିଶାରେ ହନ୍ତସନ୍ତ ହେଉଛନ୍ତି ଖାଉଟି । ଓଡିଶାକୁ ଆଳୁ ଦେବାକୁ ବାରଣ କରିଛନ୍ତି ପଶ୍ଚିମବଙ୍ଗ ସରକାର । ଆଳୁ ଟ୍ରକକୁ ସୀମା ପାର ହୋଇ ଓଡିଶା ଆସିବାକୁ ଦେଉନି ପଶ୍ଚିମବଙ୍ଗ ପୋଲିସ ।
ଯେଉଁ ଆଳୁ ବୋଝେଇ ଟ୍ରକ ଓଡିଶା ଭିତରକୁ ଆସିବାର ଥିଲା, ସେସବୁକୁ ଓଡିଶା-ପଶ୍ଚିମବଙ୍ଗ ସୀମା ସୋନାକନିଆରୁ ଗାଡ଼ି ଫେରାଉଛି ପଶ୍ଚିମ ବଙ୍ଗ ପୋଲିସ । ଯେମିତି ଆଳୁ ଟ୍ରକ ଓଡିଶା ମଧ୍ୟକୁ ପ୍ରବେଶ ନକରେ ସେଥି ପାଇଁ କଡ଼ାକଡ଼ି ଯାଞ୍ଚ କରୁଛି ପଶ୍ଚିମବଙ୍ଗ ପ୍ରଶାସନ। ଓଡ଼ିଶାର ଗୋଦାମ ମାଲିକଙ୍କ ଗାଡି ମଧ୍ୟ ପଶ୍ଚିମବଙ୍ଗରେ ଫସି ରହିଛି । ଆଳୁ ଉତ୍ପାଦନ ଓ ସଂରକ୍ଷଣ ପାଇଁ ବ୍ୟବସ୍ଥା ଥିଲେ ଏଭଳି ସ୍ଥିତି ଉପୁଜିନଥାନ୍ତା ବୋଲି ସାଧାରଣରେ ମତପ୍ରକାଶ ପାଇଛି । ସେପଟେ ଭୁବନେଶ୍ବର ଆଇଗିଣିଆ ଆଳୁ ଗଦିରେ ପହଁଚି ଅନୁଧ୍ୟାନ କରିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।
ଅଧିକ ପଢନ୍ତୁ ଓଡ଼ିଶା ଖବର