ଭୁବନେଶ୍ୱର: ଭୁବନେଶ୍ୱରରେ ଗୋଲଡେନ ବୟ ନୀରଜ ଚୋପ୍ରା । ବ୍ୟାକ୍ ଟୁ ବ୍ୟାକ୍ ଅଲିମ୍ପିକ ମେଡାଲ ବିଜେତା ନୀରଜ ଚୋପ୍ରାକୁ ଭୁବନେଶ୍ୱରରେ କରାଯାଇଛି ଜୋରଦାର ସ୍ୱାଗତ । ଭୁବନେଶ୍ୱର ଏକ ଘରୋଇ କାର୍ଯ୍ୟକ୍ରମରେ ଯୋଗଦାନ କରିଛନ୍ତି ଏହି ବିଶ୍ୱଚମ୍ପିଆନ ଖେଳାଳି । ଏହି କାର୍ଯ୍ୟକ୍ରମରେ ଯୋଗ ଦେବା ବେଳେ ଅଲମ୍ପିକ ପ୍ରସ୍ତୁତି ପାଇଁ କଳିଙ୍ଗ ଷ୍ଟାଡିଅମରେ ବିତାଇଥିବା ସମୟ ଏବଂ 2018 ମସିହାରେ ସେ ଷ୍ଟାଡିଅମରେ ନେଉଥିବା ପ୍ରଶିକ୍ଷଣ କଥା କହିଛନ୍ତି ।
ଭୁବନେଶ୍ୱରକୁ ସେ ଅତି ନିକଟରୁ ଦେଖିଛନ୍ତି ଏବଂ ବହୁତ ଭୁବନେଶ୍ୱର ସିଟି ବୁଲିଥିବା କଥା କହିଛନ୍ତି । ଜୀବନରେ ସଫଳତା ପାଇଁ ଜିଦି ଆବଶ୍ୟକ ଏବଂ ଯଦି ଆଥଲେଟ ପାଖରେ ଜିଦି ରହିଛି ସବୁକିଛି ହାସଲ କରିପାରିବ । କେବଳ ଖାଲି ଭୁବନେଶ୍ୱର ନୁହଁ ସାଥି ଖେଳାଳିଙ୍କ ସହ ସେ ପୁରୀ ଏବଂ କୋଣାର୍କ ବୁଲିଥିବା କଥା କହିଛନ୍ତି । ଅଲିମ୍ପିକ ଅଭିଜ୍ଞତାକୁ ଭୁବନେଶ୍ୱରବାସୀଙ୍କ ସହ ସେୟାର କରିଛନ୍ତି ।
ଓଡିଶାର କାରୁକାର୍ଯ୍ୟ ବିଶେଷ କରି ପଥର ଶିଳ୍ପୀଙ୍କ ଦ୍ୱାରା ନିର୍ମାଣ ହୋଇଥିବା ମୂର୍ତ୍ତିକୁ ପ୍ରଶଂସା କରିବା ସହ ଦେଖିବାକୁ ସୁଯୋଗ ମିଳିଲେ ସେ ସବୁ ନିର୍ମାଣ ଦେଖିବେ ବୋଲି କହିଛନ୍ତି । ଓଡିଶା ସରକାର ସବୁବେଳେ କ୍ରୀଡ଼ାକୁ ପ୍ରୋତ୍ସାହନ ଦେଇ ଆସିଛନ୍ତି ଓଡିଶାର ଖେଳାଳୀଙ୍କୁ ଏହି ଭଳି ଭିତ୍ତିଭୂମି ବେଶ ଲାଭଦାୟକ ହେବ ବୋଲି କହିଛନ୍ତି ନୀରଜ ।
ଆହୁରି ପଢନ୍ତୁ ଓଡିଶା ଖବର...